Tíminn - 04.07.1992, Blaðsíða 13

Laugardagur 4. |úH1992
Tfmím 13
inn þau skilaboð frá Inez að William
Stout væri farinn í burt fyrir fullt og
allt Þetta kom lögreglu og saksókn-
ara í opna skjöldu því treyst hafði ver-
ið á vitnisburð Williams. Hafði hann
farið til að losna við að vitna gegn syni
sínum, eða var Arthur saklaus og fað-
ir hans sá seki?
Lögreglan fór þegar til fundar við In-
ez Palmer. Hún skýrði frá því að Willi-
am hefði verið annars hugar upp á sfð-
kastið, setið og starað út í loftið. Síðan
hefði hann játað það fyrir henni að
hann hefði myrt konu sína. Daginn
eftir útbjó hún nesti fyrir hann eins og
venjulega og það var það seinasta sem
hún sá til hans.
Ógild erföaskrá
Nestisboxið hans fannst í um 5 kíló-
metra fjarlægð undir tré. í boxinu var
erfðaskrá hans, skrifuð með blýanti.
Þar stóð að hann arfleiddi Arthur son
sinn að öllum sínum eigum, ekkert
var ætlað hinum sonunum fveimur.
Lögreglunni fannst það undarlegt að
hann gerði þá syni sína, sem í engum
vandræðum voru, arflausa, en erfði
þann son sem sakaður var fyrir morð
að öllu. Kannski var það hans aðferð
til að bæta fyrir það misrétti sem hann
Inez Palmer var aöeins 19 ára
gömul en var reiöubúin aö gera
hvaö sem var fyrír ástmann sinn.
hafði gert syni sínum. En erfðaskráin í
nestisboxinu var einskis verð, þar sem
lög fylkisins kröfðust þess að tvö vitni
væru að undirskrift erfðaskráa en hér
var engu slíku til að dreifa.
Náð var í skó af William Stout til að
kanna hvort þeir væru í samræmi við
fótsporin umhverfis tréð þar sem
erfðaskráin fannst. Sporin voru
greinilega eftir skó hans, en þó var
undarlegt að jafnstór og þungur mað-
ur og William hefði ekki skilið eftir sig
dýpri spor.
í fótspor morðingjans
Einn lögreglumannanna, mikill að
vexti, benti á að hann væri af svipaðri
stærð og þyngd og William og skildi
eftir sig mun dýpri spor.
Lögreglustjórinn, sem var lítil og
grönn, svipuð og Inez Palmer, spark-
aði skyndilega af sér skónum og fór í
skó Williams. Hún gekk út í eðjuna og
þá kom í Ijós að hún skildi eftir sig
svipuð spor og verið höfðu á staðnum.
Lögreglan fór með skóna heim til In-
ezar sem spurði strax hvort skómir
hefðu samsvarað sporunum. Henni
RÁÐNING Á
KROSSGÁTII
var sagt að svo hefði verið og virtist
henni þá létta.
Inez var spurð hvort William hefði
gert einhverjar ráðstafanir áður en
hann fór og hvort hann hefði tekið
með sér einhvem farangur. Hún kvað
svo ekki vera, hann hefði verið í
vinnugallanum og aðeins tekið með
sér nestisboxið.
Henni var þá sýnd erfðaskráin og
virtist hún þá verða bæði glöð og
hissa. Hún spurði hvort þetta væri
ekki sama og játning og hvort Arthur
fengi ekki nú að koma heim.
Lögreglan hélt til heimilis Wiliams
til að kann hvort hann hefði komið
þar við. Svo virtist ekki vera. Að því
loknu var haldið til bankans og undir-
skrift erfðaskrárinnar borin saman við
skrift á ávísunum frá William. Greini-
legt var að þar var ekki um sömu rit-
hönd að ræða. Lögreglustjórinn var
nú sannfærð um að William Stout
hefði ekki horfið að eigin frumkvæði.
Líkið í brunninum
Leit var nú hafin að líki Williams,
sem fannst loks í brunninum á bak við
hús Arthurs. Inez var handtekin og
sonum Arthurs komið fyrir á bama-
heimili til bráðabirgða. Reynt var að
yfirheyra þá en þeir neituðu að svara,
sá eldri var þó hikandi, en vildi ekkert
segja án þess að fá að tala við Inez. Yf-
irheyrslum yfir drengjunum var því
slegið á fresL
Lögreglustjórinn sneri sér nú að In-
ez. Eftir smáfortölur játaði hún loks
að hafa myrt William Stout því hann
hefði stöðugt verið að fara á fjörumar
við sig. Hún sagðist hafa lamið hann í
höfuðið er hann sat við arininn og
sneri í hana baki. Síðan bætti hún því
við að hún hefði ekki viljað að hann
bæri vitni við réttarhöldin yfir Arthur.
Hún kvaðst hafa reynt að koma hin-
um sjálf út í bmnninn, en þegar hana
skorti krafta til þess fékk hún Artie,
eldri drenginn, sér til aðstoðar.
Daginn eftir hófst hún handa við að
breiða yfir verknaðinn. Hún fór í skó
hins látna til að skilja spor eftir á rétt-
um stöðum og lét fölsuðu erfðaskrána
á staðinn sem hún síðan fannst.
Játning drengsins
Þegar Artie litla var sagt frá játningu
Inezar var hann reiðubúinn að tala.
Hann staðfesti ekki aðeins söguna um
morðið á William, heldur sagði að In-
ez hefði einnig myrt Söm.
„Inez og ég fómm heim til afa og
ömmu og Inez sagðist þurfa að fé ián-
aða haglabyssu. Þegar amma beygði
sig inn í skáp til að ná í byssuna, sló
Inez hana í höfuðið með jámbút.
Amma sneri sér þá við og tók á móti,
en þá tók Inez um hálsinn á henni og
kyrkti hana.“
Inez sagöi drengnum síðan að ná í
steinolíu í búrið. Hann gerði það og
var síðan skipað og skvetta olíunni yf-
ir ömmu sína. Síðan kveikti Inez í lík-
inu og þau hröðuðu sér á brott.
Drengurinn var þá spurður hver
hefði átt frumkvæðið að því að drepa
Söm.
„Pabbi minn vildi það,“ sagði þá
Artie, ,fiann var reiður út í hana því
hún lét taka hann fasta. Hann sagði
Inez að fara og drepa hana."
Lífstíðarfangelsi
í réttarhöldunum yfir Inez og Arthur
neituðu þau bæði að bera vitni hvað
morðið á Söm varðaði og bám af sér
allar sakargiftir.
Það hljóp þó á snærið hjá saksóknara
þegar bróðir Inez gaf sig fram og
skýrði frá því að Arthur hefði boðið sér
50 dollara til að drepa bæði Söm og
William og kveikja síðan í bænum til
að hylma yfir glæpinn.
Það eina sem bendlaði Arthur við
morðið á Söm var framburður sonar
hans. Kviðdómur lét sér það þó nægja
og dæmdi hann í lífstíðarfangelsi.
Inez Palmer var fundin sek um að
hafa myrt bæði Söm og William að yf-
irlögðu ráði. Mikil spenna var í kring-
um réttarhöldin, hvort Inez yrði fyrsta
konan sem yrði dæmd í rafmagnsstól-
inn í fylkinu.
Svo varð þó ekki. Dómarinn tók tillit
til þess hversu ung hún var, aðeins 19
ára, og hún var dæmd í ævilangt fang-
elsi.
ÞEIR
SEMÆTLA
ADÁVAXTA
TÆPA28 MIIUARDA
TAKA AUÐVITAD
ENGAÁHÆTTU
• • W
KJORBOK
LANDSBANKANS
GAF
3,22 - 5,24%
RAUNÁVÖXTUN
FYRSTU 6 MANUÐI
W
ARSINS 1992
Innstæða á yfir80þúsund Kjörbókum í Landsbankanum ernú
samtals tæpir28milljarðar. Kjörbókin erþví sem fyrr langstærsta
spamaðarform í íslenska bankakerfinu. Ástæðan ereinföld:
Kjörbókin er traust, óbundin og áhættulaus og tryggir eigendum
sínum háa og örugga ávöxtun.
Ársávöxtun fyrstu 6 mánuði ársins var5,43 - 7,49%.
Raunávöxtun á grunnþrepi var því 3,22%, á 16 mánaða
innstæðu varhún 4,63% og á 24 mánaða innstæðu var
raunávöxtunin 5,24%.
Kjörbók er einn margra góðra kosta sem bjóðast f RS,
Reglubundnum sparnaði Landsbankans.
Landsbanki
íslands
Banki allra landsmanna