Tíminn - 22.08.1992, Blaðsíða 1

Laugardagur
22. ágúst 1992
155. tbl. 76. árg.
VERÐ í LAUSASÖLU
KR. 110.-
Þórarinn V Þórarinsson framkvæmdastjóri VSI:
Allt að 6% atvinnu-
leysi er framundan
Þórarinn V Þórarinsson framkvæmdastjóri VSÍ segir að búast megi
við 4 til 6% atvinnuleysi á næstunni í kjölfar 12 til 13% innflutn-
ingssamdráttar og þá helst í þjónustugreinum. Þetta eru hærri töl-
ur en áður hafa komið fram. Asmundur Stefánsson forseti ASÍ hef-
ur miklar áhyggjur af atvinnuástandinu.
„Þessar tölur eru ekki spár heldur
mat sem sett var fram í framkvæmda-
stjóm þegar við vorum að hefja
haustumræðu um ástand og horfur,"
segir Þórarinn V Þórarinsson fram-
kvæmdastjóri VSÍ. „Okkar mat byggir
á stöðunni eins og hún er núna um
veltusamdrátt Við erum að horfast f
augu við samdrátt í almennum vöru-
innflutningi á bilinu 12 til 13%.
Hann segir að fyrirtæki í þjónustu
og verslun séu því að undirbúa við-
brögð sem felist í niðurskurði á
kostnaði sem óhjákvæmilega leiði til
uppsagna. Þórarinn segir þennan
vanda vera líkan vandanum í sjávar-
útvegi því hluti af veltunni sé að detta
út sem stærð fyrirtækjanna séu mið-
uð við. Hann segir að brugðist sé við
þessu með því að minnka fyrirtækin
til að aðlaga þau veltunni.
Þá bendir Þórarinn á að mjög kreppi
einnig að allri mannvirkjagerð.
Þórarinn segir að samdráttur með
atvinnuleysi í kjölfarið komi harðast
niður á þjónustugreinum í ár. Hann
bætir við að það sé öðruvísi en verið
hafi undanfarin ár þegar vandi í at-
vinnulífi hafi birst sem vandi í sjávar-
útvegi.
„Eitt af því sem menn þurfa að horfa
sérsaklega til eru atvinnuleysistrygg-
ingamar. Það hefur hingað til ekki
þurft að miða þær við verulegt at-
vinnuleysi," sagði Þórarinn að lokum.
Miklar áhyggjur!
„Þessar tölur um 4 til 6% atvinnu-
leysi eru ekki í miklu ósamræmi við
spá frá hinum og þessum að undan-
fömu,“ segir Ásmundur Stefánsson
forseti ASÍ.
.Auðvitað höfum við mjög miklar
áhyggjur af þessu ástandi. Atvinnu-
málanefhd hefur frá því í sumar verið
að fjalla um það til hvaða aðgerða sé
hægt að grípa til að svona spár rætist
ekki,“ sagði Ásmundur að lokum.
-HÞ
Hjólaði
á merki
Hjólreiðamaður missti vald á hjóli
sínu í gærmorgun á leið sinni nið-
ur Stekkjarbakka.
Maðurinn lenti utan í umferðar-
eyju og endaði á umferðarmerki.
Hann meiddist talsvert og var flutt-
ur með sjúkrabíl á slysadeild.
Annað umferðarslys varð þennan
sama morgun þegar þrír bílar Ientu
saman á homi Kringlumýrarbraut-
arogMiklubrautar.
Einn ökumanna var fluttur með
Iögreglubíl á slysadeild en um
minniháttar meiðsl var að ræða.
Sóttur
með þyrlu
Þyría Landhelgisgæslunnar sótti í
gær slasaðan sjómann í mynni
Patreksfjarðar. Slæmt var í sjó en
björgunin tókst samt vel að sögn
talsmanns Landhelgisgæslunnar.
Togarinn Þór var að veiðum úti
fyrir Vestfiörðum er slysið varð.
Virðist sem krókur hafi slegist í höf-
uð mannsins. Áætlað var að lenda
um kl. hálfsjö í gær.
Gæsaskyttur
vígbúast
Cæsaveiðimenn leggja leið sína á
hálendið þessa dagana í upphafi
veiðitímans og verður haft eftirlit
með þeim úr þyrlu.
í vikunni hófst gæsaveiðitfminn.í
fréttatilkynningu frá Náttúmvernd-
arráði segir að ásókn í veiðar á há-
lendi hafi aukist hin síðari ár og þar
séu gæsaskyttur nú þegar að veið-
um.
Ekki hafa allir samt haft erindi sem
erfiði því í fréttatilkynningunni seg-
ir jafnframt að lögregla á Selfossi
hafi þurft að hafa afskipti af veiði-
mönnum sem óku utan vega.
Náttúruverndarráð beinir þeim til-
mælum til sportveiðimanna að þeir
aki eftir vegum því að allur óþarfa
akstur utan vega sé bannaður. Þá
væntir ráðið þess að veiðimenn fari
að lögum og leiti sér upplýsinga á
skrifstofu ráðsins um friðlýst svæði
þar sem veiði er bönnuð eða tak-
mörkuð.
Að lokum kemur fram að Náttúru-
vemdarráð hyggst halda áfram eftir-
litsflugi með þyrlu í samvinnu við
Landhelgisgæsluna.
Eimskip fækkar skipum
í strandflutningunum
Eimskip hefur ákveðið að fækka standferðarskipum sem sigla á
innanlandshafnir úr þremur í tvö. Ástæðan er m.a. minni flutn-
ingar vegna samdráttar í þjóðfélaginu. Eimskip var með tvö
skip í strandflutningum, en fjölgaði skipum upp í þijú í upphafi
ársins. Skipunum hefur nú verið fækkað aftur.
Eimskip áætlar að hlutur fyrir-
tækisins í strandsiglingum sé nú
um 170-180 þúsund tonn og hafi
aldrei verið meiri. Eimskip gerði
samninga við Áburðarverksmiðj-
una í Gufunesi og Steinullarverk-
smiðjuna á Sauðárkróki, en þess-
ir aðilar eru meðal stærstu ein-
stöku viðskiptavina á þessum
markaði. Verksmiðjumar skiptu
áður við Ríkisskip.
Eimskip vinnur nú ákveðið að
því að gámavæða allar strandsigl-
ingar félagsins og er liður í því að
fá nýtt gámaskip í stað Stuðlafoss.
Eimskip hefur gengið frá samn-
ingi um sölu skipsins og verður
það væntanlega afhent nýjum
eigendum í lok september. Unnið
er að því að fá nýtt skip á þurr-
leigu í stað Stuðlafoss. -EÓ
Munkar á ferð
í Kópavogi
Austurlenskir Búddamunkar helg-
uðu sér land á Hádegishólum í
Kópavogi í gær, en eins og Tíminn
greindi frá í gær er fyrirhugað að
reisa þar Búddalíkneski. Við athöfn-
ina var notað reykelsi, bjöllur, vígt
vatn og helgir munir. Munkarnir
kyrjuðu og dönsuðu og höfðu fram
ýmsa þá tilburði sem sjaldséðir hafa
verið hér á landi fram til þessa. Þeg-
ar Ijósmyndari Tímans kom að Há-
degishólum í gær var munkunum
orðið hálfkalt, en að öðru leyti virt-
ist athöfnin hafa gengið vel.
Tlmamynd Áml BJarna
Brotist var Inn í hús aðventlsta
við Suðurhlíð 36 í fyrrinóH.
Þjófamir tókn með #ér tals-
verða upphæð bæði í peningum
og ávísunum. —CKG.