Réttur - 15.07.1935, Qupperneq 1

RÉTTUR
XX. ÁRG. 15. JÚLÍ 1935. 5. HEFTI
Verkalýðsbylting á Islandi
Eftir Einar Olgeirsson.
Einhver algengasta „röksemd“ burgeisastéttarinnar
og erindreka hennar fyrir því, hve verkalýðsbylting á
íslandi væri gersamlega ófær leið út úr kreppunni, er
sú, að „þá tæki England okkur undir eins“. Jónas frá
Hriflu er einn af helztu höfundum þessarar kenningar,
en satt að segja er hún svo útbreidd, að óhætt er að
fullyrða, að í huga alls þorra alþýðu sé þetta ein veiga-
mesta mótbáran gegn valdatöku verkalýðsins á íslandi.
Tilgangurinn með þessari kenningu er sá, að drepa
niður í hjörtum íslenzku alþýðunnar alla trú á mögu-
leikann til þess að hún geti orðið frjáls — fyrr en þá
auðvaldið væri sigrað í Englandi — og þá hugsa kenni-
feður þessarar speki sér líka að koma sér í mjúkinn hjá
enska verkalýðnum, líkt og nú hjá enska auðvaldinu, og
koma hér upp málamyndar-„sósíalisma“, samkvæmt regl-
unni að vera drengur góður og veita þeim, sem bet-
ur má.
Það er því vissulega tími til kominn, að þessi kenning
sé krufin til mergjar og raktar orsakir hennar og hugs-
anlegar afleiðingar, ef hún heldur áfram þeim ítökum,
sem hún nú hefir.
Af hverju gerir íslenzka auðvaldið
svona lítið úr sjálfstæðinu ?
I kenningunni um að ísland yrði tekið af brezkum
her, ef hér yrði verkalýðsbylting, felst alger lítilsvirð-
ing á því lagalega og alþjóðlega viðurkennda sjálfstæði,
sem Island hefir. Formælendur þessarar kenningar
121