Réttur - 15.07.1935, Blaðsíða 18

Sun Yat Sens, og veitt verkalýð og bændum stórkost-
legar réttarbætur. Verkalýðsfélögin voru bönnuð aftur,
ritfrelsi og fundafrelsi afnumið og hin fyrri kúgun tek-
in upp í hverju einu. Þetta leiddi til hinnar ógleyman-
legu uppreisnar í Kanton 12. desember 1927. Verka-
menn og bændur stofnuðu sitt fyrsta sovétríki, „Kan-
tonkommúnuna", sem stóð þó ekki nema fáa daga og var
barin niður af hinum gagnbyltingasinnuðu hersveitum
með aðstoð stórveldanna af þvílíkri blóðugri grimmd, að
sagan þekkir naumast hliðstæð dæmi.
En Kantonkommúnuna má telja hinn eiginlega undan-
fara þeirrar sovétbyltingar, sem nú flæðir yfir Kína.
Með aðdáanlegri hugprýði hefir hinn rauði her kín-
verskra verkamanna og bænda haldið uppi margra ára
baráttu við svikarann og fasistann Tsjang-Kai-Sjek og
hina mörgu gagnbyltingasinnuðu hershöfðingja, sem
ráða og ríkja í Kína, hver í sínu héraði, hver með stuðn-
ingi síns stórveldis.
Tsjang-Kai-Sjek, foringi hinnar ,,þjóðlegu“ Kuomin-
tang-hreyfingar, skoðar það sem hlutverk sitt að kæfa
frelsisbyltingu kínversku þjóðarinnar, um leið og hann
lætur japönsku innrásarherina vaða inn í Norður-Kína
og gengur mótþróalaust að öllum þeirra smánarskilmál-
um. Fimm herferðir hefir hann á undanförnum árum
farið gegn sovétfylkjunum, og jafnan beðið gersamlegan
ósigur fyrir Rauða hernum. Og síðustu mánuðina hefir
Rauða hernum tekizt að hnekkja sjöttu herferðinni.
Þessi síðasta herferð Nankingstjórnarinnar var óef-
að stórum betur undirbúin en nokkur hinna fyrri. Fé,
vopn, flugvélar, herforingja og sérfræðinga hafa
stórveldin lagt henni upp í hendurnar. Því glæsilegri
eru hinir nýju sigrar Rauða hersins, sem hefir ekki ein-
ungis tekizt að hnekkja þessari árás, heldur jafnvel að
víkka að miklum mun áhrifasvæði sín, að leggja undir
sig sum auðugustu og þéttbýlustu héruð Kína.
Sovéthéruðin í Kína eru ekki lengur einstök og ósam-
felld svæði. Þau eru nú orðin að máttugu, heilsteyptu
138