Réttur - 15.07.1935, Síða 22
varin af sjálfboðaliðssveitum og breiðast stöðugt út,
vestur og norður.
Setschuan og Kveitschou í höndum kínversku ráðanna
— það var upphaf að nýju tímabili í sögu Kína. Því að
út frá þessu nýja aðalsovétsvæði í hinum tveim víðlendu
fylkjum, myndast enn önnur sovétsvæði í Vestur- og
Norðvestur-Kína. Nú þegar er rauður her á leiðinni
frá hinu nýmyndaða sovétsvæði í Norðvestur-S/iansi
norður í Innri-Mongólíu. Þaðan mun hann svo halda til
Ytri-Mongólíu, sem er í Bandalagi við SSSR. Þannig
myndi þá skapast hið langþráða samband við hinn
mikla bróður fyrir norðan.
Setschuan og Kveitschou í höndum kínversku ráðanna
— það þýðir líka, að sovétríkin í Kína geta farið að
leggja grundvöllinn að iðnaði sínum og festa sig þannig
í sessi, að þau verði ósigrandi.
Hinn rauði fáni kínversku ráðanna í Innra-Kína!
Það hefir ekki aðeins þýðingu fyrir Kína, það hefir
heimspólitíska þýðingu. Það þýðir, að innrásarherir
Japana, sem nú búast til að ráðast frá Mansjúríu inn
í Norður-Kína og Innri-Mongólíu, mæta nýjum andstæð-
ingi, sem í bandalagi við sjálfboðaliðssveitir bændanna
í Mansjúríu og Mongólíu mun verða þeim skæðari en
leiguherir Nankingstjórnarinnar.
Morðingi og þinghúss-
brennuvargur gerður að
lögreglu§tjóra i Berlin.
Með því að útnefna Helldorf greifa sem lögreglu-
stjóra í Berlín, hefir nazistaalræðið endanlega svipt af
sér blæjunni, sem huldi morðingjatrýni þess fyrir öll-
um heimi. Með þessari útnefningu er morðingi og
brennuvargur gerður að lögreglustjóra milljónaborgar
142