Réttur - 01.04.1989, Page 18

■ Fjármagnshreyfingar eru oft tengdar
spákaupmennsku eða miða að því að
losna undan sköttum.
■ Óheftir möguleikar útlendinga til að
fjárfesta í innlendum atvinnuvegum
geta leitt til þess að þeir nái vaxandi
ítökum í sjávarútvegi.
■ Reynsla annarra jaðarsvæða sem eru
tengd stærri efnahagsheildum, eins og
Norður-Noregs, Norður-Skotlands og
austurstrandar Kanada, svo að dæmi
séu tekin, benda til þess að óheftar
fjármagnshreyfingar geti leitt til út-
streymis fjármagns til Iengri tíma litið,
þrátt fyrir miklar náttúruauðlindir.
■ Reynsla annarra þjóða sem búa við
vanþróaða fjármagnsmarkaði, t.d. í
Suður-Ameríku, bendir til þess að ef
opnað er snögglega fyrir samkeppni frá
erlendum fjármálafyrirtækjum getur
komið til hruns í bankakerfinu.
Þau vandamál sem hér hafa verið talin
upp þýða ekki endilega að rétt sé að
halda í allar þær hömlur á fjármagnshreyf-
ingum sem hér eru við líði. Þau krefjast
þess hins vegar að hvert skref á þessu
sviöi sé gaumgæft vel áður en það er stig-
ið og að ljóst sé í hverju hagurinn felst.
Fyrst og fremst þarf að halda áfram að
styrkja og þróa innlent bankakerfi og
fjármagnsmarkað og gera hann hæfan til
að standast stóráfallalaust hugsanlega er-
lenda samkeppni.
Það er mjög mikilvægt að ekki verði
farið hraðar í opnun íslenska fjármagns-
markaðarins en svo að stöðugleika og
fyllsta öryggis sé gætt. Því er nauðsynlegt
að eftirlitskerfi og skýrar reglur verði
ávallt til samhliða öllum skrefum sem
stigin kunna að verða.
Þingflokkur Alþýðubandalagsins telur
miklu skipta, að sem best samstarf geti
haldist innan EFTA sem fríverslunarsam-
taka og í samskiptum EFTA-ríkjanna og
íslands við Evrópubandalagið. Þingflokk-
urinn telur hins vegar að margt af því sem
nú er á döfinni í samskiptum EFTA og
EB þurfi mun nánari athugunar við, áður
en ísland geti tekið til þess afstöðu. Það
er álit þingflokksins að jafnhliða eigi að
kanna alla möguleika á viðskiptum ís-
lands við önnur svæði og ríki, þar sem um
gagnkvæma hagsmuni getur verið að
ræða.
I því sambandi bendir þingflokkur
Alþýðubandalagsins sérstaklega á við-
skiptasamninga við Bandaríkin og Kan-
ada svo og aukin viðskiptaleg tengsl við
Austur-Evrópu og lönd í Austur-Asíu og
Suður-Ameríku.
Þingflokkur Alþýðubandalagsins legg-
ur á það ríka áherslu að ríkisstjórnin
tryggi að þegar í stað verði hafin markviss
vinna til að leiða í ljós þá kosti sem þjóð-
in á besta í utanríkisviðskiptum.
Til að uppfylla ofangreind skilyrði,
leggur þingflokkur Alþýðubandalagsins
til að myndaður verði samráðsvettvangur
ríkisstjórnar, þingflokka, atvinnuvega og
samtaka launafólks sem kanni þá kosti
sem til boða standa varðandi þessi efni í
víðu samhengi.
Með öflugu starfi að þessum málum á
að vera unnt á næstu misserum að draga
upp skýra mynd af viðskiptalegum hags-
munum landsins og opna nýjar leiðir í
þeim efnum.“
66