Réttur - 01.04.1989, Blaðsíða 31

vart EB-löndum til að knýja EB-löndin til
skynsamlegrar stefnu í þessuin efnum.
AC telur að Norðurlöndin sameinuð séu
e.t.v. eini aðilinn í heiminum sem geti
komið vitinu fyrir „þá í Bruxelles“. Pá er
norrænt samstarf nokkurs virði!
Norrænir embættismenn telja þó þetta
vera afar erfitt verkefni og líta svo á að
tilraunir til að fá EB til samræmdrar um-
hverfisverndarstefnu geti í reynd þýtt að
EB taki ávallt mið af því ríki í hverju til-
viki sem gerir minnstar kröfur.
5. Verður unnt að tryggja félags-
leg markmið eins og fulla atvinnu
og félagslegt öryggi?
Formleg stefna EB um félagsleg mál-
efni er ekki til. En tilraunir EB til að
skerða framlög í einstökum aðildarríkj-
um til félagslegra mála blasa við. Stað-
reyndin er sú, að þrátt fyrir endurtekin og
áköf tilmæli Dana, Spánverja og Grikkja
hefur ekki tekist að ná neinni samstöðu
um stefnumótun EB varðandi atvinnu-
öryggi og félagslegt öryggi þeirra sem búa
í EB-löndunum. Petta er höfuðstaðreynd
málsins hvað sem líður viðræðum milli
evrópusamtaka stéttarfélaga og EB.
Varla þarf að ítreka í þessu sambandi að
EB er fyrst og fremst bandalag um hags-
muni fyrirtækja.
Fulltrúar stéttarfélaga í EB-löndum
hafa fullyrt að það sé stefna EB að halda
uppi vissu atvinnuleysi í því skyni að
halda niðri launum og kröfum stéttarfé-
Iaganna; að áhugi forystu EB standi ekki
til að tryggja fulla atvinnu heldur visst stig
atvinnuleysis. Fyrir þá sem læstir eru í
hugmyndafræði auðsöfnunar í gegnum
atvinnuleysi er þá lærdómsríkt að koma
til íslands sem er láglaunasvæði en at-
vinnuleysi nær óþekkt. Nú eru mál okkar
íslendinga hins vegar að breytast í þá
veru að við búum bæði við lág laun og
vaxandi atvinnuleysi.
6. Mun launafólk fá meiri áhrif á
ákvaröanir um hvað verður
framleitt og hvernig?
og
7. Munu samtök launafólks í
hverju einstöku Iandi fá meiri áhrif
á samfélagsþróunina?
Ég held að hugmyndafræðingar EB
myndu segja að áhrif launafólks á það
hvað er framleitt og hvernig eigi að tak-
markast við innkaupin á stórmörkuðun-
um. Framleiðsla efnaiðnaðarins á alls
kyns eiturgufum er yfirleitt ekki til sölu
en minnir okkur á skyldu stéttarfélaganna
til að láta sig varða hvernig framleitt er.
Ég vil líka trúa því að launamenn Evrópu
séu friðarsinnar og láti sig nú meiru varða
hvað er framleitt. Okkur á ekki að gilda
einu hvort við vinnum við matvæla- eða
vopnaframleiðslu.
Áhrif launamanna á samfélagsákvarð-
anir, eins og t.d. áhrif á stjórnvöld um
húsnæðislánakerfi til að auka möguleika
þeirra sem minna mega sín að afla eigin
húsnæðis, eiga lítið upp á pallborðið í
EB. Þar ræður markaðsstefnan og stefn-
an að draga almennt úr ríkisumsvifum.
Með því að færa æ fleiri ákvarðanir frá
einstökum aðildarríkjum til EB dregur úr
möguleikum launamannahreyfingar í
hverju landi að hafa áhrif á þróun samfé-
lagsins.
8. Mun sjálfsforræði þjóöa
standa óhaggað?
Stórfyrirtæki og voldugar peninga-
stofnanir hafa meiri völd í stækkandi við-
skiptaheildum en við þekkjum í okkar
79