Fréttablaðið - 05.03.2009, Side 2

2 5. mars 2009 FIMMTUDAGUR
EFNAHAGSMÁL Reykjavíkurborg hefur enn ekki feng-
ið svar við fyrirspurnum um innistæðu sína í pen-
ingamarkaðssjóði Landsbankans. Borgin átti þar 4,1
milljarð króna fyrir bankahrun og
fékk eins og aðrir greidd 68,8 pró-
sent af því fé í lok októ-ber. Eftir
standa um 1,3 milljarðar.
Fyrirspurnir borgarinnar voru
sendar í lok nóvember og þann 22.
desember.
„Við fáum engar skýringar.
Skilanefnd Landsbankans hefur
ekki séð ástæðu til að svara
okkur,“ segir Kristbjörg Stephen-
sen borgarlögmaður.
Hún segir sitt fólk nú skoða til hvaða ráða megi
grípa. Að sjálfsögðu þurfi að knýja fram svör um
hvort innistæðan fáist greidd. Hvort sem það gerist
með aðstoð dómstóla eður ei.
„Og þetta er vissulega ekki eitthvað sem Reykja-
víkurborg ætlar að taka þegjandi,“ segir hún. Flók-
ið sé að eiga við skilanefndirnar vegna gildandi
neyðarlaga, en nýfallinn héraðsdómur um að þau
lög standist ekki stjórnarskrá gefi von um að málin
skýrist brátt. Sérstaklega ef sá dómur verður stað-
festur fyrir Hæstarétti.
Blaðið spurði skilanefnd Landsbanka á mánudag
um innstæðurnar og hvers vegna eigendurnir hafi
ekki verið upplýstir um þær. Svar hefur ekki borist.
- kóþ
SAMFÉLAGSMÁL Öryrkja, sem ekki
vill láta nafns síns getið, brá í brún
þegar hann fékk fyrstu greiðslu
atvinnuleysisbóta en hún er upp á
sjö krónur. Hann fær rúmar 130
þúsund greiddar í örorkulífeyri
og því eru atvinnuleysisbæturnar
skertar um 43.049 krónur. Þá eru
sjö krónur eftir.
„Það er afar sjaldgæft að sjá
svona rýrar bætur,“ segir Líney
Árnadóttir, forstöðukona Greiðslu-
stofu Vinnumálastofnunar.
„Ég vil ekki tjá mig um einstaka
tilfelli en almennt er það svo að
rétturinn til atvinnuleysisbóta er
unninn á vinnumarkaði,“ útskýrir
Líney. „Til þess að eignast fullan
bótarétt þarf viðkomandi að hafa
verið í fullu starfi í 12 mánuði á
síðustu tveimur til þremur árum.
Þeir sem vinna minna en það vinna
sér hlutfallslegan rétt. Hafi menn
síðan tekjur annars staðar frá þá
skerða þær einnig atvinnuleysis-
bætur.“
Þar sem viðmælandi Frétta-
blaðsins var ekki í fullu starfi á 12
mánaða tíma fær hann ekki fullar
bætur heldur einungis um fjórð-
ung, eða 26 prósent hlutfall.
Hann sagðist afar gáttaður á
þessum lágu bótum og veltir fyrir
sér hvort þær standi undir papp-
írskostnaði.
- jse
Öryrki spyr hvort atvinnuleysisbætur sínar standi undir pappírskostnaði:
Sjö krónur í atvinnuleysisbætur
ÖRYGGISMÁL „Við teljum það algjör-
lega nauðsynlegt að Landhelgis-
gæslan (LHG) yfirtaki vissa
þætti starfsemi
Varnarmála-
stofnunar til að
geta sinnt með
sómasamlegum
hætti örygg-
is- og auðlinda-
gæslu, öryggis-
hagsmunum
þjóðarinnar
og leitar- og
björgunarþjón-
ustu vegna sjó-
farenda og alls
almennings.
Samstarf LHG
við erlenda heri
hefur byggst
upp á löngum
tíma en er nú
að verða fyrir
verulegum áföll-
um vegna þessa
skipulags að setja á fót sérstaka
stofnun þarna á milli,“ segir Georg
Lárusson, forstjóri LHG.
„Innan LHG er áratuga löng hefð
fyrir samskiptum við erlenda heri
og gífurleg þekking og reynsla á
því sviði. Að Varnarmálastofnun
sé orðinn þar milliliður í samskipt-
um er hreinlega farið að valda
okkur skaða og þá um leið orðið
hættulegt björgunarsamstarfi við
nágrannaríkin,“ segir Georg.
Össur Skarphéðinsson utan-
ríkisráðherra sagði í viðtali við
Fréttablaðið 23. febrúar að mál-
efni Varnarmálastofnunar væru
til rækilegrar skoðunar. Til greina
komi að leggja hana niður og mikl-
ir möguleikar séu á því að spara
fé með því að sameina ýmsa þætti
sem eru hjá henni og öðrum stofn-
unum.
Ragna Árnadóttir dómsmála-
ráðherra segir að formleg vinna á
milli ráðuneyta sé ekki hafin varð-
andi málefni stofnananna tveggja.
„En eðlilega hafa menn áhuga á
öllum hagræðingarmöguleikum í
ríkisrekstri. Þetta er einn af þeim
möguleikum.“ Ragna telur eðlilegt
að leitar- og björgunarstarfsemi og
löggæsla á hafinu sé öll hjá LHG.
„Ég vil hins vegar ekki ganga svo
langt að segja að yfirtaka LHG á
Varnarmálastofnun sé rökréttasta
leiðin. Það eru ýmsir þættir hjá
Varnarmálastofnun sem eiga ekki
endilega heima hjá LHG.“
Georg segir ljóst að Landhelgis-
gæslan verði ekki rekin með nægi-
lega öflugum og öruggum hætti
eins og staðan sé í þjóðfélaginu í
dag. Hann telur rökrétt að LHG
sinni mörgum af þeim verkefnum
sem Varnarmálastofnun hefur á
sinni könnu. „Þar er ekki einungis
hægt að spara peninga heldur er
einnig hægt að nýta þær upplýs-
ingar og aðstöðu sem er hjá Varn-
armálastofnun í þágu lands og
þjóðar með miklu öruggari og skil-
virkari hætti en gert er í dag.“
Frá Varnarmálastofnun fengust
þau svör að ákvörðun um samein-
ingu væri pólitísk. Forsendur fyrir
samstarfi væru verulegar og LHG
hafi lengi staðið til boða að nýta
aðstöðu á Keflavíkurflugvelli. Það
hafi hins vegar ekki verið þegið.
svavar@frettabladid.is
Varnarmálastofnun
truflandi milliliður
Georg Lárusson, forstjóri Landhelgisgæslunnar, segir brýnt að Landhelgisgæsl-
an yfirtaki þætti í starfsemi Varnarmálastofnunar. Stofnunin stendur starfsemi
LHG fyrir þrifum og ógnar björgunarsamstarfi við önnur ríki, að hans mati.
RÝRAR BÆTUR
Greiðsla á dag 1.794 kr.
Greiddir dagar 24 kr.
Samtals 43.056 kr.
Skerðing v/ örorkulífeyris -43.049 kr.
Greiðsla samtals 7 kr.
BJÖRGUNARÆFING Starfsemi LHG er viðamikil og kostnaðarsöm. Draga verður
saman á öllum sviðum á næstunni. FRÉTTABLAÐIÐ/KK
GEORG LÁRUSSON
RAGNA
ÁRNADÓTTIR
Reykjavík á enn 1,3 milljarða ógreidda úr peningamarkaðssjóði Landsbanka:
Tekur þögninni ekki þegjandi
KRISTBJÖRG
STEPHENSEN
VARNARMÁL Fyrstu þotur og
hermenn danskrar flugsveitar
sem sjá mun um loftrýmisgæslu
hér á landi út marsmánuð komu
hingað til lands í gær.
Kostnaðurinn við komu
flugsveitarinnar verður um 10
milljónir króna. Upphafleg
áætlun var mun hærri, en samið
var við Danina um að taka á sig
hluta kostnaðar vegna fjármála-
hrunsins, segir Urður Gunnars-
dóttir, upplýsingafulltrúi
utanríkisráðuneytisins.
Alls koma fjórar F16 orustu-
þotur og rúmlega 50 danskir
hermenn. Gæslan hefst formlega
eftir helgi, segir Urður. - bj
Danskar orrustuþotur komnar:
Kostnaður um
10 milljónir
DÓMSMÁL Hæstiréttur hefur
hafnað ósk saksóknara um að fá
að kæra niðurstöðu héraðsdóms
í skattamáli
Jóns Ólafsson-
ar athafna-
manns til
Hæstaréttar.
Þar með er
úrskurður
héraðsdóms
endanleg
niðurstaða
málsins. Þar
var ákærum á
hendur Jóni og tveimur öðrum
sakborningum vísað frá þar sem
skattayfirvöld hefðu gert þeim
refsingu.
Helgi Magnús Gunnarsson,
saksóknari efnahagsbrota hjá
Ríkislögreglustjóra, kærði
frávísunina, en þar sem hann
gat þess ekki nákvæmlega hvað
hann kærði vísaði Hæstiréttur
kærunni frá dómi. - bj
Hæstiréttur hafnar kröfu:
Skattamáli Jóns
Ólafssonar lokið
JÓN ÓLAFSSON
Grímur, er þetta bara einhver
óþjóða-Lýður?
„Þetta er að minnsta kosti ekki
þjóðin.“
Grímur Atlason, sveitarstjóri í Dalabyggð,
hefur stofnað hljómsveitina Ekkiþjóðin.
Með honum í henni er meðal annarra
Lýður Árnason læknir á Flateyri.
HJÁ VINNUMÁLASTOFNUN Atvinnuleysi
hefur aukist hröðum skrefum síðan í
haust. FRÉTTABLÐIÐ/GVA
RÁÐHÚS REYKJAVÍKUR Borgarlögmaður segir að engin svör
fáist frá skilanefnd Landsbankans um innistæðu borgarinnar í
peningamarkaðssjóði bankans. DADFA
VIÐSKIPTI Staða Kaupþings var
fegruð með því að afskrifa ekki
tugmilljarða króna tap vegna
skuldabréfa. Með þessu voru fjár-
festar blekktir. Þetta kom fram í
fréttum Stöðvar 2 í gærkvöldi.
Kaupþing fjárfesti í skulda-
bréfum í gegnum dótturfélag
í Bretlandi, og námu fjárfest-
ingarnar um 8 milljörðum evra
haustið 2007. Á þeim tíma varð
ljóst að fjárfestingarnar voru
áhættusamar, en í stað þess að
afskrifa bréfin flutti Kaupþing
tugi milljarða í annað félag.
Í samtali við Stöð 2 sagði Hreið-
ar Már Sigurðsson, fyrrverandi
forstjóri Kaupþings, að engin
þörf hafi verið á því að afskrifa
bréfin. - bj
Saka Kaupþing um blekkingar:
Afskrifuðu ekki
tap af bréfum
VEÐUR Þeir 34 sem gert hafði
verið að rýma heimili sín á Vest-
fjörðum vegna snjóflóðahættu
sneru aftur heim í gær. Þá höfðu
nokkur flóð fallið á norðanverð-
um Vestfjörðum.
Flest flóðin voru á þekktum
snjóflóðastöðum en önnur komu á
óvart. Þannig féll flóð í Botnshlíð
í Mjóafirði, sem er sjaldgæft.
Þá féll óvenju stórt flóð í Óshlíð-
inni við vegskálann við Hvanná
og náði yfir vegskálann beggja
vegna. Viðbúnaði er lokið, utan
að starfsmenn við sorpbrennslu-
stöðina Funa og við gangnagerð á
vegum Ósafls í Bolungarvík hafa
haldið sig innandyra. - kóp
Snjóflóðahætta liðin hjá:
Fólk flutt á
heimili sín á ný
STJÓRNMÁL Ríkisstjórnin hittist
í gærkvöldi í Ráðherrabústaðn-
um á óvenjulegum fundartíma.
Fundurinn hófst klukkan 19 og
stóð fram yfir
21. Fundarefn-
ið var tillögur í
atvinnumálum.
Ráðuneytin
hafa hvert
um sig unnið
ýmsar tillög-
ur um atvinnu-
skapandi verk-
efni og voru
þær kynntar á
fundinum. Farið var yfir fjölda
hugmynda en engar ákvarðan-
ir voru þó teknar. Tillögur eru
unnar á vegum hvers ráðherra en
verkstjórn er hins vegar á hönd-
um Össurar Skarphéðinssonar,
iðnaðar- og viðskiptaráðherra.
Heimildir Fréttablaðsins herma
að áform ríkisstjórnarinnar í
þessum efnum verði kynnt fljót-
lega. Í gær voru 16.599 skráðir
atvinnulausir á landinu. - kóp
Ríkisstjórn fundaði í gær:
Ræddi tillögur í
atvinnumálum
ÖSSUR
SKARPHÉÐINSSON
SPURNING DAGSINS