Fréttablaðið - 05.03.2009, Page 50

5. mars 2009 FIMMTUDAGUR
Jybbí jei
Papar
Hin góðkunna þjóðlagasveit Papar er
nú komin aftur á fulla ferð inn í íslenskt
tónlistarlíf og hefur nú sent frá sér ábreiðu
af lagi Gylfa Ægissonar, Jybbí Jei.
Smelltu þér á þetta frábæra lag fyrir
aðeins 149 kr. inn á Tónlist.is
Einnig fáanlegt með Pöpum:
Riggarobb Ekkert liggur á Hláturinn lengir lífið
bio@frettabladid.is
Clint Eastwood hefur lýst
því yfir að hlutverk hans í
Gran Torino verði hugsan-
lega hans síðasta á ferlin-
um. Sjónarsviptir verður af
honum á hvíta tjaldinu því
slíkir harðjaxlar eru ekki á
hverju strái í Hollywood.
Í Gran Torino, sem verður frum-
sýnd á morgun, leikur Eastwood
þrjóskan hermann á eftirlaun-
um sem er uppfullur af fordóm-
um gagnvart asískum nágrönnum
sínum. Kornið sem fyllir mælinn
er þegar einhver reynir að stela
bílnum hans Gran Torino frá árinu
1972.
Myndin, sem Eastwood leikstýrir
einnig, fær mjög góða dóma, eða
8,4 af 10 á Imdb.com og 80% á Rot-
tentomatoes.com, og greinilegt að
sá gamli hefur engu gleymt. Vilji
hann hætta í leiklistinni getur
hann alla vega snúið sér að leik-
stjórninni sáttur við sitt lokaverk.
Eastwood, sem verður 79 ára í
maí, er líklega þekktastur fyrir
tvö hlutverk á ferli sínum. Annars
vegar sem þögull byssubrandur í
spaghettí-vestrum Sergio Leone
og hins vegar sem löggan Dirty
Harry sem kallaði ekki allt ömmu
sína. Einnig vakti hann snemma
athygli í sjónvarpsþáttunum Raw-
hide, eða á árunum 1959 til 1965
þar sem hann lék í 217 þáttum.
Önnur hlutverk koma upp í hug-
ann eins og William Munny í Ósk-
arsverðlaunamyndinni Unforgiven,
Robert Kincaid í hinni rómantísku
The Bridges Over Madison County
og nú síðast sem hnefaleikaþjálfar-
inn Frankie Dunn í Million Doll-
ar Baby.
„Þetta verður líklega síðasta
hlutverkið mitt,“ sagði Eastwood
í viðtali í tilefni af Gran Torino.
„Í hvert skipti sem maður leikur
í mynd hugsar maður, „jæja, þetta
er orðið gott“. Mér líður nefnilega
alltaf mjög vel á bak við myndavél-
ina,“ sagði hann. „Það var gaman
að leika í þessari mynd en ég held
ég leiki ekki í mörgum í viðbót. Ég
hef verið ánægður með þær mynd-
ir sem ég hef ekki leikið í.“
Þess má geta að fimmtán ár eru
liðin síðan hann leikstýrði sjálf-
um sér ekki í bíómynd, eða í In the
Line of Fire sem Wolfgang Peter-
sen leikstýrði. freyr@frettabladid.is
Líklega síðasta hlutverkið
Jennifer Aniston og Owen Wil-
son leika aðalhlutverkin í gaman-
myndinni Marley & Me sem verð-
ur frumsýnd á morgun. Myndin
sat í tvær vikur á toppnum vest-
anhafs um jólin enda þykir hún
lauflétt og skemmtileg.
Marley & Me fjallar um par
sem fær sér lítinn hvolp, Marley,
sem verður allsráðandi og yfir-
gengilegur þegar hann stækkar.
Hundurinn er taugaveiklaður og
nánast brjálaður en parið elskar
hann samt og vill ekki gefa hann
frá sér. Marley er ótrúlega uppá-
tækjasamur og fyndinn og dafnar
sérlega vel hjá fjölskyldu sinni.
Myndin fær ágæta dóma, eða 7,3
af 10 á Imdb.com og 61% á Rot-
tentomatoes.com.
Á undan myndinni Gran Torino
verður frumsýnd í Háskólabíói
klukkan 20 í kvöld stuttmyndin
Aldrei stríð á Íslandi eftir Braga
Þór Hinriksson. Myndin gerist í
miðri borgarastyrjöld í Reykja-
vík eftir byltinguna miklu. Þar
kljást stríðandi fylkingar í landi
sem aldrei hefur átt her og til-
gangsleysið verður skýrt í augum
hermanns sem hefur aldrei drep-
ið mann.
Hundagrín og borgarastyrjöld
> FOX Í JONAH HEX
Fegurðardísin Megan Fox, sem sló
í gegn í Transformers, hefur ákveðið
að leika í tveimur myndum byggð-
um á teiknimyndasögum. Sú fyrri er
vestri sem nefnist Jonah Hex þar
sem hún leikur á móti Josh Brol-
in en sú síðari heitir Fathom og er
byggð á samnefndri sögu.
Bruce Willis og Tracy Morgan úr þáttunum 30 Rock
og Saturday Night Live leika aðalhlut-
verkin í gamanmyndinni A Couple of
Cops sem verður fyrsta stórmyndin
sem Kevin Smith leikstýrir. Myndin
fjallar um löggur sem leita að stolnu
hafnaboltaspjaldi, bjarga mexíkóskri
fegurðardís og glíma við hina ýmsu
glæpamenn. Myndin átti upphaf-
lega að heita A Couple of Dicks
og með aðalhlutverkin áttu að
fara Robin Williams og James
Gandolfini úr The Sopranos
en ekkert varð af því.
Willis sést næst á hvíta
tjaldinu í vísindatryllinum
The Surrogates og Morgan
leikur í endurgerð bresku
myndarinnar Death at a
Funeral.
Willis í löggugríni
CLINT EASTWOOD Harðjaxlinn hefur að
öllum líkindum leikið sitt síðasta hlut-
verk á ferlinum, enda verður hann brátt
áttræður. NORDICPHOTOS/GETTY
GRAN TORINO Eastwood leikur pirraðan nágranna, uppfullan af kynþáttafordómum, í Gran Torino.
TÍU BESTU
HLUTVERKIN:
Million Dollar Baby (2004)
The Bridges of Madison County
(1995)
Unforgiven (1992)
Pale Rider (1985)
Escape From Alcatraz (1979)
Dirty Harry (1971)
Play Misty For Me (1971)
The Good, the Bad and the Ugly
(1966)
For a Few Dollars More (1965)
A Fistful of Dollars (1964)
BRUCE WILLIS Willis
hefur tekið að sér
aðalhlutverkið í
gamanmyndinni A
Couple of Cops.
MARLEY & ME Þessi hressilega gaman-
mynd verður frumsýnd á morgun.