Fréttablaðið - 19.03.2009, Side 35

FIMMTUDAGUR 19. MARS 2009 7nýsköpun ● fréttablaðið ●
Í tilefni af nýrri úthlutun Rann-
sóknasjóðs fyrir styrkárið 2009
verður dagskrá í Ráðhúsi Reykja-
víkur föstudaginn 20. mars frá
klukkan 15 til 18. Kynntar verða
áherslur í starfsemi sjóðsins og
haldin sýning á nokkrum verkefn-
um sem hlotið hafa styrk úr sjóðn-
um. Katrín Jakobsdóttir mennta-
málaráðherra ávarpar gesti í upp-
hafi kynningarinnar og kynnir
Guðrún Nordal, prófessor og for-
maður stjórnar Rannsóknasjóðs,
nýja úthlutun fyrir styrkárið
2009.
Stjórn Rannsóknasjóðs hefur
úthlutað styrkjum til nýrra rann-
sóknaverkefna fyrir styrkárið
2009. Um 314 milljónum króna var
úthlutað í þrjár styrktegundir; önd-
vegisstyrki, rannsóknastöðustyrki
og verkefnastyrki. Bárust 237 um-
sóknir í Rannsóknasjóð fyrir 2009
og var 51 þeirra styrkt. Sótt var
um ríflega 1,3 milljarða króna en
um 314 milljónir króna veittar.
Meðalupphæð umsókna var um 5,5
milljónir króna en meðalupphæð
styrkja nú er ríflega 6,1 milljón
króna. Til samanburðar má geta
þess að fyrir styrkárið 2008 bár-
ust 241 umsókn og var 71 þeirra
styrkt. Þá var sótt um tæpan millj-
arð en rúmar 303 millj-
ónum veittar. Meðal-
upphæð umsókna
var um 3,9 milljónir
króna en meðalupp-
hæð styrkja um 4,2
milljónir króna.
Kynning Rann-
sóknasjóðs
Katrín Jakobsdóttir
menntamálaráð-
herra ávarpar gesti.
Framtíðarsýn IBM í samskipta-
lausnum er til umfjöllunar á
ráðstefnunni Lotusphere 2009,
sem verður haldin í Salnum í
Kópavogi í dag. Nýjasta útgáfa
tölvupósts- og samskiptafor-
ritsins Lotus Notes og raun-
tímaspjallið Lotus Sametime
verða meðal annars kynnt á
ráðstefnunni.
IBM Lotusphere 2009 verður
haldin í Salnum í Kópavogi í dag
fimmtudaginn 19. mars. Ráðstefn-
an er haldin á vegum Nýherja og
TM Software og miðar að því að
kynna framtíðarsýn IBM í sam-
skiptalausnum. Má þar nefna
lausnir sem auðvelda fjarfundi
innan fyrirtækja og spara gagna-
magn og ókeypis skrifstofuhug-
búnað sem býr yfir ritvinnslu,
töflureikni og glærusmið.
„Á Lotusphere verður meðal
annars sagt frá nýjustu útgáfu
Lotus Notes, tölvupósts- og sam-
skiptaforritsins, og Lotus Sa-
metime rauntímaspjalli sem gerir
starfsfólki mögulegt að ná sam-
bandi við samstarfsfélaga sína,
hvort sem það er um tölvu eða
farsíma,“ segir Gísli Þorsteins-
son, upplýsingafulltrúi Nýherja.
Þá nefnir að með Lotus Sametime
sé auðvelt að halda veffundi. Að
auki verður kynnt Lotus Quickr
sem geri fólki mögulegt að miðla
upplýsingum í gegnum miðlægan
stað.
„Einnig verður greint frá Lotus
Symphony, sem er ókeypis skrif-
stofuhugbúnaður og býr yfir öfl-
ugri ritvinnslu, töflureikni og
glærusmið. IBM hefur hlotið lof
fyrir Lotus Symphony, sem var
valinn sá skrifstofuhugbúnaður
sem stuðlar að mestri framleiðni
starfsfólks, að mati lesenda Data-
mation tímaritsins í fyrra,“ segir
Gísli.
Enn ein nýjungin er Lotus Notes
í farsíma. „Lotus Traveler er svo
ókeypis fyrir þá farsímanotendur
sem eru með Lotus Notes. Í Lotus
Traveler er Lotus Notes póstur og
Sametime rauntímaspjall fyrir alla
Notes notendur á vinnustaðnum.“
Ráðstefnan verður eins og áður
segir haldin í Salnum í Kópavogi
og hefst klukkan 13 en skráning
hefst hálftíma fyrr og er þátttaka
ókeypis. Sjá www.nyherji.is/lotus-
phere2009. - sg
Lotusphere 2009 í Salnum
Gísli Þorsteinsson og Heimir Erlingsson frá Nýherja, og Jón Gunnar Björnsson frá TM Software. FRÉTTABLAÐIÐ/VALLI
Algjör umskipti
Júlíus með eintak af dvergkafbátnum
sem Hafmynd hefur verið að hanna og
framleiða síðan 1997. MYND/ÚR EINKASAFNI
„Við vorum að selja tvo dvergbáta
sem eru ætlaðir til sprengjuleitar á
vegum NATO. Nýlega gekk félagið
svo frá samningi um sölu tveggja
annarra dvergkafbáta til NCS Sur-
vey í Bretlandi, en það félag ann-
ast meðal annars eftirlit með olíu-
pípum í sjó víðs vegar um heim-
inn,“ segir Júlíus B. Benediktsson,
framkvæmdastjóri Hafmyndar,
sem hefur frá árinu 1999 þróað
og hannað sjálfstýrðan dvergkaf-
bát sem er meðal annars notaður
til öryggiseftirlits og leitar, til eft-
irlits með olíupípum, og til rann-
sóknarverkefna í undirdjúpum
hafsins.
Að sögn Júlíusar er af sem
áður var, þar sem nokkuð tvísýnt
var um afdrif fyrirtækisins í að-
draganda bankahrunsins á síð-
asta ári. „Þá gekk illa að fjár-
magna framleiðsluna, enda eru
þetta dýr tæki. En fyrir tilstuðl-
an hlutafjáraukningar og lána var
hægt að fjármagna framleiðsluna
og þannig hefur Hafmynd tryggt
sér yfir 400 milljón króna veltu á
árinu. Líkur eru á að félagið nái
í fyrsta skipti rekstrarhagnaði af
starfsemi sinni,“ bendir hann á og
leynir ekki ánægju sinni með þessi
umskipti. - rve
Innovit býður öllum áhugasömum á verðlaunaafhendingu
Frumkvöðlakeppni Innovit 2009.
Verðlaunaafhendingin fer fram í Ráðhúsi Reykjavíkur laugardaginn
21. mars á milli klukkan 17:00 og 18:30.
Dagskrá:
Ávarp borgarstjóra
Andri Heiðar Kristinsson, Innovit
Guðjón Már Guðjónsson, Hugmyndaráðuneytið
Þátttakendur kynna 10 efstu viðskiptahugmyndirnar
Verðlaunaafhending
Hanna Birna Kristjánsdóttir borgarstjóri, Finnbogi Jónsson framkvæmdastjóri
Nýsköpunarsjóðs atvinnulífsins og Jón Steindór Valdimarsson framkvæmdastjóri
Samtaka iðnaðarins afhenda vegleg verðlaun.
Sigurhugmyndin hlýtur að launum verðlaunagripinn Gulleggið 2009 og
1.500.000,- kr. í verðlaunafé.
Allir velkomnir, vinsamlegast tilkynnið mætingu með tölvupósti
á netfangið skraning@innovit.is
GULLEGGIÐ
2009