Fréttablaðið - 19.03.2009, Blaðsíða 56

40 19. mars 2009 FIMMTUDAGUR
sport@frettabladid.is
Helena Sverrisdóttir og félagar í TCU fá tækifæri til þess að taka þátt
í NCAA-úrslitakeppni bandaríska háskólaboltans. Liðið var
valið úr hópi margra skólaliða sem voru ekki búin að
tryggja sér sæti í úrslitakeppninni.
„Þetta var mjög stressandi. Allt liðið og nánustu
aðstandendur voru saman ad horfa á „selection show“
og að sjá TCU koma upp var þvílíkur léttir. Við höfðum
farið á æfingu um daginn til að hægja á taugunum en
það virkaði nú lítið,“ segir Helena. TCU datt snemma
út úr úrslitakeppni Mountain West-deildarinnar en
fær nú annað tækifæri.
„Þetta er gríðarlega mikilvægt fyrir liðið og
prógrammið í heild sinni. Það var mjög sárt að tapa
í Vegas og það minnkaði möguleika okkar, en sem
betur fer komumst við inn, og því er stærsta mark-
miðinu okkar náð.“
Helena fór fyrir liðinu þegar TCU vann bæði Mar-
yland og CAL í vetur og þeir sigrar hjálpuðu liðinu
að komast inn. „Við vorum í sama pakka og um 20
önnur lið. Öll voru að berjast um átta laus sæti og af þessum 20
liðum vorum við klárlega med tvo risasigra,“ segir Helena.
TCU mætir South Dakota State í fyrstu umferð. „Þær eru med lið
sem þjálfurum okkar líst vel á, segja að við pössum vel gegn því.
Næstu dagar fara í að fá eins margar upplýsingar um þær og
mögulegt er, og svo er bara að gíra upp liðið, slípa saman körfu-
boltapartinn og fara til Lubbock og spila risastóran leik á sunn-
dag,” segir Helena en Lubbock er í um fjögurra tíma fjarlægð.
„Við ætlum okkur ekki að horfa fram hjá neinum liðum,
í NCAA ertu komin i allt aðra keppni, og allir gefa allt
sem þeir eiga í leikina. Þú verður að koma í hvern leik
eins og það sé enginn morgundagur. Því ef þú vinnur
ekki leikinn þinn þá er tímabilið bara búið,“ segir
Helena en hún hefur að sjálfsögðu trú á sínu liði.
„TCU-liðið í ár getur unnið bestu liðin, en einnig
tapað fyrir lélegri liðum. Við gætum því þess vegna
komist niður í „Sweet 16“ en til þess að það
gerist þá þurfum við algjörlega að spila frábæran
leik.“
HELENA SVERRISDÓTTIR: Á LEIÐINNI Í NCAA-ÚRSLITAKEPPNINA Í BANDARÍSKA KÖRFUBOLTANUM MEÐ TCU
Geta unnið bestu liðin og líka tapað fyrir þeim lélegri
> Einar Árni hættur
Einar Árni Jóhannsson hefur ákveðið að hætta þjálfun
Breiðabliks sem féll úr úrslitakeppni Iceland
Express deildar karla í körfubolta í fyrra-
kvöld. Einar sagði að hann skilji í góðu við
félagið en ástæðan er sú að hann býr
í Njarðvík og tímafrekt að mæta á
æfingar og leiki. „Ég var búinn að
reyna að láta það ganga upp að
vera svona mikið á ferðinni en
þetta púsluspil gengur einfaldlega
ekki upp. Ég hefði viljað halda
áfram en fjölskyldunnar vegna varð
ég að taka þessa ákvörðun.“
HANDBOLTI Ísland náði í gær að
hefna ófaranna í Makedóníu þegar
liðið vann sigur á heimamönnum,
29-26, í undankeppni EM 2010. Í
sumar tapaði Ísland nokkuð illa
fyrir Makedóníu í undankeppni
HM í Króatíu sem gerði það að
verkum að Ísland missti af sínu
fyrsta stórmóti síðan 1999.
Það þótti lítil ástæða til að vera
bjartsýnn fyrir leikinn enda liðið
skipað mörgum ungum og óreynd-
um leikmönnum í fjarveru margra
silfurhafa frá Ólympíuleikunum í
sumar.
En þegar mest á reyndi sýndu
ungu strákarnir, með Aron Pálm-
arsson fremstan í flokki, stáltaug-
ar og það á einum erfiðasta útivelli
Evrópu.
Heimamenn byrjuðu betur í
leiknum og komust í 6-4 forystu
en þá kom góður leikkafli hjá
íslenska liðinu sem skoraði næstu
fjögur mörk í leiknum. Björgvin
Gústavsson varði á þessum kafla
mörg mikilvæg skot en hann átti
glimrandi góðan leik og varði til
að mynda tvö vítaköst.
Íslensku strákarnir fengu nokk-
ur tækifæri til að komast þremur
mörkum yfir í fyrri hálfleik en
nýttu það ekki fyrr en á lokasek-
úndum fyrri hálfleiks, einmitt
eftir glæsilega markvörslu Björg-
vins og hraðaupphlaupsmark.
Greinilegt var að Makedón-
íumenn voru ekki að spila sinn
besta leik í gær en þeir höfðu
vakið athygli á HM í Króatíu þar
sem þeir stóðu sig betur en flestir
buggust við.
Þeir mættu þó tvíefldir til leiks
í síðari hálfleik og náðu yfirhönd-
inni um miðbik hálfleiksins eftir
mikla baráttu. Þá var sóknar-
leikur íslenska liðsins ekki upp á
sitt besta. Vörnin var hins vegar
nokkuð stöðug og var það í raun
lykillinn að sigri Íslands.
Þegar mest á reyndi héldu
íslensku varnarmennirnir ró sinni á
meðan heimamenn gerðu hver mis-
tökin á fætur öðrum. Ísland skoraði
fimm af síðustu sex mörkum leiks-
ins og þar af Aron þrjú af síðustu
fjórum hjá Íslandi.
Aron og hinir ungu strákarn-
ir – Rúnar Kárason og Sigurberg-
ur Sveinsson – gerðu vissulega sín
mistök í leiknum en allir sýndu þeir
hvað í þeim býr, ekki síst á ögur-
stundu.
Guðjón Valur Sigurðsson var
markahæstur íslenska liðsins með
níu mörk og var sem fyrr liðinu afar
dýrmætur. Hann nýtti færin sín afar
vel, þar af öll sín fjögur vítaköst.
Snorri Steinn Guðjónsson hefur
verið að spila sárþjáður en hann átti
góða spretti í leiknum, sérstaklega
reyndist hann mikilvægur þegar
laga þurfti sóknarleik íslenska
liðsins.
Allir íslensku leikmennirnir kom-
ust vel frá sínu og eiga hrós skilið
fyrir hetjulega frammistöðu. Liðið
stendur nú með pálmann í höndun-
um þótt enn sé mikið eftir af leikj-
um í undankeppninni. Ísland er þó
búið að spila á tveimur erfiðustu úti-
leikjum sínum og fékk úr þeim þrjú
stig af fjórum mögulegum.
eirikur@frettabladid.is
Glæsileg frammistaða Íslands í Skopje
Ísland vann þriggja marka sigur á Makedóníu á útivelli, 29-26, í undankeppni EM 2010 í handbolta í gær-
kvöldi. Marga lykilmenn vantaði í íslenska liðið en ungu strákarnir sýndu stáltaugar á erfiðum útivelli.
MAÐUR LEIKSINS Aron Pálmarsson átti sannkallaðan stjörnuleik í Skopje í gær. FRÉTTABLAÐIÐ/AP
HANDBOLTI „Ég hef það fáránlega
gott. Ég er einfaldlega í skýjun-
um,“ sagði Aron Pálmarsson sem
var enn í sigurvímu þegar Frétta-
blaðið náði tali af honum eftir
sigur Íslands á Makedóníu í Skopje
í gærkvöldi, 29-26. Aron fór mik-
inn í leiknum og skoraði þrjú af
fjórum síðustu mörkum Íslands.
„Ég held að þetta gerist ekki
mikið stærra en þetta. Þeir hafa
verið að tala um það í liðinu hvað
þessi völlur er svakalegur. Það var
allt brjálað í höllinni og þurftum
við að nota táknmál til að ákveða
hvaða kerfi við ættum að taka. En
það var meiri háttar að fá að upp-
lifa þetta svona ungur.“
Aron sagðist ekki vera feiminn
að nýta tækifærin þegar þau gefast
eins og sýndi sig í leiknum í gær.
„Ég var þarna inn á sem skytta og
þeir eru ekki í því að gefa frá sér
boltann. Maður verður að nýta það
sem maður fær og fyrst ég fékk
traust frá þjálfaranum ákvað ég
að nýta það.“
Ísland var með forystuna í hálf-
leik en heimamenn bitu frá sér í
síðari hálfleik og komust yfir. En
íslensku strákarnir sýndu stáltaug-
ar á lokamínútum leiksins.
„Það var merki um afan góðan
karakter að koma svona til baka
þegar allt var á móti okkur. Þetta
var eins sætt og það gat orðið.“
Guðjón Valur Sigurðsson lands-
liðsfyrirliði var markahæsti leik-
maður íslenska liðsins með níu
mörk og var öryggið uppmálað í
öllum sínum aðgerðum.
„Við lögðum leikinn gríðarlega
vel upp sem er mikilvægt þegar
maður er að mæta svona andstæð-
ingi við þetta erfiðar aðstæður. Við
litum á það sem lykilatriði að leyfa
þeim ekki að keyra yfir okkur í
upphafi leiksins og við náðum að
halda þeim niðri,“ sagði Guðjón
Valur.
„Mér fannst við í raun alltaf
vera með þá. Þeim tókst þó í seinni
hálfleik að draga okkur utar á völl-
inn og þá opnaðist fyrir línumann-
inn þeirra. En varnarleikurinn var
þegar á heildina er litið nokkuð
góður og við nýttum færin okkar
ágætlega þó svo að við misstum
nokkra menn út af.“
Þó svo að áhorfendur hafi stutt
sína menn dyggilega sýndu þeir að
þeir kunna líka að tapa. „Áhorf-
endur stóðu upp og klöppuðu eftir
leikinn. Ég efast um að það séu
mörg lið sem hafa fengið þannig
kveðjur frá stuðningsmönnum
Makedóníu.“
- esá
Aron Pálmarsson og Guðjón Valur Sigurðsson voru í skýjunum eftir leikinn gegn Makedóníu:
Var eins sætur sigur og hann gat orðið
SIGURHRÓP Guðjón Valur Sigurðsson fagnar einu marka sinna gegn Makedóníu í
gær. FRÉTTABLAÐIÐ/AP
FÓTBOLTI Phil Brown, knatt-
spyrnustjóri Hull, sakaði Cesc
Fabregas, fyrirliða Arsenal, um
að hrækja á aðstoðarmann sinn
eftir leik liðanna í ensku bikar-
keppninni í fyrrakvöld.
Fabregas hefur þvertekið fyrir
að hafa hrækt á Brian Horton,
aðstoðarstjóra Hull. Brown sagð-
ist hins vegar hafa séð atvik-
ið sjálfur. „Hann hrækti í átt að
fótum hans,“ sagði Brown.
Ensk knattspyrnuyfirvöld hafa
farið fram á að Brown og Horton
segi frá sinni hlið mála en ekkert
var minnst á atvikið í skýrslu
dómara leiksins.
Fabregas spilaði ekki í leiknum
en fagnaði sigrinum inni á vell-
inum með félögum sínum eftir
leikinn. - esá
Fabregas borinn sökum:
Yfirvöld rann-
saka ásakanir
Undankeppni EM 2010:
Makedónía - Ísland 26-29
Mörk Íslands: Guðjón Valur Sigurðsson 9/4, Aron
Pálmarsson 5, Ásgeir Örn Hallgrímsson 4, Snorri
Steinn Guðjónsson 4/1, Þórir Ólafsson 3, Róbert
Gunnarsson 2, Sigurbergur Sveinsson 1, Rúnar
Kárason 1.
Varin skot: Björgvin Gústavsson 12/2, Hreiðar
Guðmundsson 1.
Eistland - Belgía 37-28
STAÐAN Í 3. RIÐLI
Noregur 4 3 1 0 136-109 7
Ísland 3 2 1 0 100-78 5
Eistland 5 2 1 2 141-144 5
Makedónía 3 1 1 1 85-79 3
Belgía 5 0 0 5 126-178 0
ÚRSLIT
HANDBOLTI Ásgeir Örn Hallgríms-
son sagði að það hefði verið afar
sætt að hefna fyrir ófarirnar í
fyrra er Makedónía sá til þess að
Ísland kæmist ekki á HM í Króa-
tíu. Ísland vann í gær þriggja
marka sigur á Makedóníu ytra í
undankeppni EM 2010, 29-26.
„Það er þvílík upplifun að spila
hér í þessari höll og vinna. Þetta
er alger ruddagryfja og þessir
áhorfendur kunna svo sannarlega
að styðja sitt lið,“ sagði Ásgeir
Örn sem sagði undirbúninginn
hafa verið nokkuð erfiðan vegna
meiðsla margra leikmanna.
„En við sýndum að við erum
með hörkumannskap og þeir leik-
menn sem voru hér úti þjöppuðu
sér einfaldlega vel saman fyrir
þennan leik.“ - esá
Ásgeir Örn Hallgrímsson:
Gott að hefna
Í LOFTINU Ásgeir Örn skorar hér eitt af
sínum fjórum mörkum í gær.
FRÉTTABLAÐIÐ/AP