Fréttablaðið - 19.03.2009, Blaðsíða 58

42 19. mars 2009 FIMMTUDAGUR
HESTAR Keppni í Meistaradeild
VÍS heldur áfram af fullum krafti
í Ölfushöllinni í kvöld. Að þessu
sinni verður keppt í gæðingafimi
sem er ein erfiðasta greinin í
keppninni.
Þar reynir verulega á knapana
enda allir þættir dæmdir sérstak-
lega. Dómarar dæma meðal annars
hversu margar, og erfiðar, æfingar
parið gerir og hvernig æfingarnar
eru framkvæmdar. Einnig er horft
á hvernig æfingarnar blandast við
gangtegundir, flæði sýningarinn-
ar, fjölhæfni og styrkleika gang-
tegunda.
Viðar Ingólfsson sigraði í
þessari keppnisgrein í fyrra og
hann mætir að þessu sinni til leiks
með Spaða frá Hafrafellstungu.
Sigurður Sigurðarson, sem sigr-
aði fjórganginn á dögunum, mætir
með Suðra frá Holtsmúla og Eyj-
ólfur Þorsteinsson, sem er efstur í
stigakeppninni, keppir á Klerk frá
Bjarnanesi.
Keppni hefst klukkan 19.30 og er
keppt í Ölfushöllinni eins og áður
segir. - hbg
Meistaradeild VÍS í Ölfushöllinni í kvöld:
Stjörnur í gæðingafimi
GLÆSITILÞRIF Það mun reyna
bæði á knapa og hest í kvöld.
MYND/JENS EINARSSON
FÓTBOLTI Jón Þorgrímur Stefáns-
son hefur ákveðið að leggja skóna
á hilluna aðeins 33 ára að aldri.
Jón Þorgrímur lék lengstum
með HK en endaði ferilinn í
Fram. Ferill hans þar var þó afar
stuttur eða aðeins 24 mínútur því
hann meiddist í fyrsta leik síð-
asta sumar og hefur ekki spilað
síðan. Þó tókst honum að skora
mark í leiknum.
„Það er hálfleiðinlegt að hafa
ekki getað hætt á skemmtilegri
hátt en uppi í stúku með hækjur,“
sagði Jón Þorgrímur sem flyst
búferlum til Noregs í maí þar
sem hann fer að starfa fyrir vef-
hönnunarfyrirtækið Opera.
„Það hefur aldrei farið vel
saman að vera tölvunörd og í fót-
bolta. Nú hafa tölvurnar tekið
yfir og það verða engin fráhvarfs-
einkenni þegar boltinn fer að
rúlla í sumar. Þá verð ég bara að
horfa á tölvuskjá í Noregi,“ sagði
Jón. - hbg
Jón Þorgrímur Stefánsson:
Tekur tölvur
fram yfir bolta
HÆTTUR Jón Þorgrímur hefur lagt skóna
á hilluna. FRÉTTABLAÐIÐ/VALLI
KÖRFUBOLTI Það verður aðeins
einn oddaleikur í átta liða úrslit-
um Iceland Express-deildar karla
í körfubolta og hann fer fram
í Stykkishólmi klukkan 19.15.
Bikarmeistarar síðustu tveggja
ára spila þá um sæti í undanúr-
slitunum, vinni Snæfell þá mætir
liðið Grindavík en KR-ingar bíða
Stjörnumanna komist þeir áfram.
Eftir nokkuð öruggan heimasig-
ur í fyrsta leik máttu Snæfelling-
ar þola slæman skell í síðasta leik.
Frá árinu 2005 hafa þeir hafa tapað
öllum þeim leikjum sem þeir hafa
þurft að vinna til að geta haldið
áfram keppni, fjórum alls.
Stjörnumenn hafa stimplað
sig eftirminnilega inn í íslenska
körfuboltalandsliðið í vetur. Þeir
unnu fyrsta titilinn í sögu félags-
ins þegar þeir urðu bikarmeistar-
ar á dögunum og í kvöld eiga þeir
möguleika á að komast í undanúr-
slit í sinni fyrstu úrslitakeppni.
„Það er mjög spennandi leik-
ur fram undan og við erum fullir
tilhlökkunar að fara með Stjörn-
una þangað sem liðið hefur aldrei
komist áður eða í undanúrslit um
Íslandsmeistaratitilinn. Þetta ætti
að geta orðið mjög góður dagur,“
sagði Justin Shouse, bandaríski
leikstjórnandinn hjá Stjörnunni,
sem lék áður með Snæfelli í tvö
tímabil.
Á góða félaga í Snæfelli
Justin átti frábæran leik í stór-
sigri Stjörnunnar á Snæfelli í síð-
asta leik. „Ég á marga góða félaga
í Snæfellsliðinu og maður vill allt-
af standa sig vel á móti félögum
sínum og sýna þeim að maður geti
eitthvað enn þá,“ segir Justin sem
var með 39 framlagsstig fyrir leik-
inn þar sem hann var með 29 stig,
7 stoðsendingar og 60 prósenta
skotnýtingu.
„Maður vill alltaf gefa allt sitt
í alla leiki en í stóru leikjunum
er maður alltaf aðeins einbeitt-
ari. Í síðasta leik hugsaði ég með
sjálfum mér: Ég er ekki tilbúinn
til að fara í sumarfrí. Ég vil halda
áfram að spila körfu eins lengi og
við getum. Í fyrra náði ég að spila
fram í lok apríl með Snæfelling-
um og nú sjáum við til hvort við
getum ekki slegið þá út og sent þá
snemma í sumarfrí,“ segir Justin.
Justin talaði sérstaklega um tvo
leikmenn sem hafa reynst Stjörnu-
liðinu vel. Jovan Zdravevski hefur
spilað vel á báðum endum vallarins
og Ólafur Jónas Sigurðsson hefur
skorað 16,5 stig að meðaltali í serí-
unni, rúmum tíu stigum meira en
hann gerði í deildarkeppninni.
Frábær vörn hjá Jovan
„Jovan spilaði frábæra vörn á
Sigga (Sigurð Þorvaldsson) í síð-
asta leik. Jovan spilaði líka frá-
bæra vörn á Jason (Dourisseau hjá
KR) í bikarúrslitaleiknum,“ segir
Justin en í þessum tveimur leikj-
um voru þessir tveir lykilmenn
andstæðinganna aðeins með 8 stig
samanlagt auk þess að klikka á 18
af 19 skotum sínum utan af velli.
„Við vitum að Siggi verður til-
búinn í oddaleikinn en ef Jovan
getur haldið honum undir meðal-
tali sínu þá er hann búinn að skila
sínu,“ segir Justin og hann fagnar
líka uppkomu Ólafs.
„Óli er búinn að vera frábær
í síðustu leikjum og kemur með
mikla orku inn í liðið okkar. Hann
hjálpar okkur þar sem við höfum
forskot á móti Snæfelli en það er
hraðinn. Þeir eru stórir og sterkir
en við litlir og fljótir,“ segir Just-
in sem segir Stjörnumenn verða að
vera grimmari og berjast saman í
öllum fráköstum.
„Við erum eitt af fáum liðum
sem hafa náð að vinna KR-liðið
sem hefur verið á harðahlaupum
í gegnum deildina. Okkur finnst
við hafa komið inn í myndina
með því að vinna bikarinn og nú
finnst okkur að allt sé mögulegt.
Það er það frábæra við körfuna og
það frábæra við úrslitakeppnina,“
segir Justin.
Snæfell hefur unnið tvo glæsi-
lega sigra í báðum leikjunum sem
voru í beinni útsendingu í sjón-
varpinu í vetur. Stöð 2 Sport 2
mætir í Hólminn í kvöld og leik-
urinn verður í beinni.
Vill sýna sig og sanna
„Það er alltaf að gaman að spila
fyrir fullu húsi og í beinni útsend-
ingu í sjónvarpinu. Við viljum þá
sýna öllum að það sé ástæða fyrir
því af hverju við erum komn-
ir svona langt. Ég vil líka sýna
öllum að það er ástæða fyrir því
að Stjarnan vildi fá mig og það er
ástæða fyrir því að Snæfell fékk
mig til sín í tvö tímabil,“ segir
Justin sem býst alveg við að fá að
heyra það frá gömlu félögunum úr
Hólminum.
„Ég veit að Lenny (Hlynur Bær-
ingsson) og Nonni Mæju (Jón Ólaf-
ur Jónsson) munu rífa kjaft við mig
allan leikinn en ég ætla að svara
þeim fullum hálsi,“ sagði Justin að
lokum í léttum tón.
ooj@frettabladid.is
Ætlar að svara Hlyni fullum hálsi
Snæfell og Stjarnan mætast í Hólminum í kvöld í úrslitaleik um sæti í undanúrslitum Iceland Express-
deildarinnar. Justin Shouse lék með Snæfelli síðustu tvö ár en ætlar núna að senda þá snemma í sumarfrí.
FRÁBÆRT TÍMABIL Justin Shouse hefur
spilað frábærlega fyrir Stjörnuna í vetur
og hann er með 24,5 stig og 9,8 stoð-
sendingar að meðaltali á móti gömlu
félögunum í Snæfelli. FRÉTTABLAÐIÐ/X
JUSTIN SHOUSE Í LEIKJUM
Á MÓTI SNÆFELLI Í VETUR
4. desember 2008 83-87 tap
29 stig og 7 stoðsendingar 32 í framlagi
5. mars 2009 82-79 sigur
19 stig og 13 stoðsendingar 22 í framlagi
14. mars 2009 81-93 tap
21 stig og 12 stoðsendingar 21 í framlagi
16. mars 2009 99-79 sigur
28 stig og 7 stoðsendingar 39 í framlagi
KÖRFUBOLTI Keflvíkingar sópuðu
nágrönnum sínum í Njarðvík
út úr átta liða úrslitum Iceland
Express-deildar karla í fyrra-
kvöld og hafa þar með unnið átta
leiki í röð í úrslitakeppni.
Keflavík vann þrjá síðustu leiki
sína í undanúrslitum á móti ÍR í
fyrra eftir að hafa lent 0-2 undir
og vann síðan alla þrjá leikina á
móti Snæfelli í úrslitum í fyrra.
Keflvíkingar nálgast því óðum
met Njarðvíkinga í úrslitakeppni
en Njarðvík vann ellefu leiki í
röð í úrslitakeppninni frá 1985
til 1988 en þá fóru bara fjögur lið
inn í úrslitakeppnina.
Á þessum árum þjálfuðu bæði
Gunnar Þorvarðarson og Valur
Ingimundarson Njarðvíkurliðið í
þessari sigurgöngu og hefur því
Sigurður Ingimundarson sett nýtt
þjálfaramet með því að stjórna
Keflavík til sigurs í átta leikjum í
röð í úrslitakeppni. - óój
Keflavíkurliðið í úrslitakeppni:
Búnir að vinna
átta leiki í röð
SIGURSÆLL Sigurður Ingimundarson
hefur sett nýtt þjálfaramet í úrslita-
keppninni. FRÉTTABLAÐIÐ/STEFÁN
HANDBOLTI Einar Hólmgeirsson,
leikmaður Grosswallstadt í Þýska-
landi, segir að læknar félagsins
hafi engar alvarlegar skemmdir
fundið í hné hans en hann getur
þó enn ekki spilað vegna verkja.
Einar þurfti að draga sig úr
íslenska landsliðshópnum fyrr í
vikunni en hann var þá nýkominn
aftur á ferðina með Grosswallstadt
í Þýskalandi og stóð sig vel í leik
gegn Magdeburg.
„Eftir þann leik æfði ég ekkert
í tvo daga. Svo átti liðið leik gegn
Füchse Berlin og þá bólgnaði hnéð
nokkuð illa og ég gat ekkert spilað,
þó svo að ég hafi reynt.“
Einar fór í tvær myndatökur hjá
læknunum í Þýskalandi sem fundu
þó engar alvarlegar skemmdir í
hnénu.
„Hnéð lítur vel út. Það eru
engar skemmdir á liðþófanum.
Það eru þó einhverjar brjósk-
skemmdir en þeir segja það eðli-
legt hjá atvinnumanni í íþrótt-
um. Hins vegar geti verið að það
einhver óeðlilegur núningur við
brjóskið hafi valdið því að vökvi
fór inn á hnéð.“
Læknarnir töppuðu vökva af
hnénu en hann var ekki blóðlitað-
ur sem eru góðar fréttir.
„Þeir sendu vökvann í ræktun til
að athuga með sýkingu. Þeir vilja
bíða og sjá hvað kemur út úr því
áður en frekari ákvörðun verð-
ur tekin. Hvort ég þurfi að fara í
aðgerð eða ekki.“
En þó svo að ekkert óeðlilegt
hafi komið í ljós í læknisskoðun
finnur hann enn mikið til í hnénu.
„Ég var að hjóla í dag og fann
til í hverjum snúningi. Ég hef ekki
verið verkjalaus í átta vikur. Það
er ekkert annað fyrir mig að gera
en bíða, þolinmæði er dyggð.“
- esá
Enn óvíst um hnémeiðsli Einars Hólmgeirssonar landsliðsmanns í handbolta:
Engar alvarlegar skemmdir hafa fundist
SJALDSÉÐ SJÓN Einar Hólmgeirsson hefur lítið spilað með landsliðinu að undan-
förnu. Hér er hann í leik gegn Belgíu í haust. FRÉTTABLAÐIÐ/ARNÞÓR