Morgunblaðið - 06.03.2006, Qupperneq 44

44 F MÁNUDAGUR 6. MARS 2006 MORGUNBLAÐIÐ
U
m þessar mundir er Harð-
viðarval með sérstaka
kynningu á háþróuðu
„plastparketi“ sem nær
er að kalla harðparket frá Quick
Step í Belgíu og segir Þórður
Ágústsson, framkvæmdastjóri verk-
efnadeildar, að um byltingarkennda
nýjung sé að ræða. „Þetta er nýjung
á gólfefnamarkaðnum og algjör
bylting,“ segir hann.
Sérfræðingar í parketi
Byggingavöruverslunin Harðvið-
arval ehf. hefur alla tíð verið í eigu
sömu fjölskyldunnar. Hjónin Gott-
skálk Þorsteinn Eggertsson og Guð-
rún Einarsdóttir stofnuðu fyrirtæk-
ið ásamt syninum Einari S. Gott-
skálkssyni 1978 og síðan hefur það
leitast við að bjóða viðskiptavinum
sínum allt það nýjasta og besta í
gólfefnum ásamt því að bjóða há-
gæða hreinlætis- og blöndunartæki
og mikið úrval hurða auk alls kyns
fylgiefna og smávara.
„Við erum sérfræðingar í parketi
og markaðshlutdeild okkar segir
sína sögu en við vorum með 28%
markaðshlutdeild hér á landi á ný-
liðnu ári,“ segir Þórður.
Mikið úrval
Harðviðarval er með stóran park-
etsýningarsal í húsnæði sínu að
Krókhálsi 4, og þar kennir margra
grasa. Fyrirtækið býður upp á allar
gerðir parkets, hvort sem um er að
ræða gegnheilt, spónlagt, plast- eða
harðparket. Einnig eru fyrirliggj-
andi öll fylgiefni eins og undirlag og
listar.
Jafnframt er fjölbreytt úrval
vínyl- og linoleumgólfdúka frá
Armstrong í Þýskalandi, einum
stærsta framleiðanda heims á þessu
sviði, að sögn Þórðar.
Flísar eru líka í miklu úrvali, jafnt
keramik-, gler- og gegnheilar flísar
ásamt glermósaík og náttúrusteini,
og koma þær einkum frá ítalska
framleiðandanum Ricchetti.
Hurðir hafa alla tíð verið eitt af
aðalsmerkjum Harðviðarvals. Fyr-
irtækið býður upp á tvær gerðir,
annars vegar þýskar, yfirfelldar
hurðir frá Prum Tauer og hins veg-
ar spænskar fulningahurðir frá
Proma.
Þá er Harðviðarval með breiða
línu af hreinlætis- og blöndunar-
tækjum, meðal annars frá Damixa,
Aqua Flex, Palermo, IFÖ, Mora og
Vola, og auk þess mikið úrval af við-
arþiljum, kerfisloftum og steintepp-
um. „Við bjóðum upp á hagsýnar
heildarlausnir og erum með alla
flóruna þegar kemur að parketi,
gólfdúkum, flísum, hurðum, hrein-
lætistækjum og fleira, en leggjum
áherslu á parketið þar sem sérþekk-
ing okkar liggur fyrst og fremst,“
segir Þórður.
Einstakt harðparket
Þórður segir að harðparketið frá
Quick Step sé sérstaklega sterkt og
þoli mikið álag. Harðviðarval hafi
fyrst kynnt það í þröngum hópi
arkitekta og iðnaðarmanna og við-
brögðin hafi verið á einn veg. „Fólk
er einstaklega hrifið af þessu efni,“
segir hann.
Segja má að Quick Step parketið
sé háþróað „plastparket“ þó það
skeri sig alfarið frá plastparketi
hvað varðar útlit og gæði og ekkert
plast er notað í vöruna. Það lítur út
eins og plankaparket og Þórður seg-
ir að efsta lag parketsins sem sé úr
aluminum oxyde eða áloxíði, sé næst
á eftir demanti í styrkleika. Það sé
gott í þrifum þar sem um enga við-
loðun sé að ræða og yfirborðið sé
ekki rafmagnað eins og plastið á yf-
irborði plastparkets. „Með öðrum
orðum er um að ræða parket með
styrkleika eins og plastparket en
það lítur út eins og gegnheilt viðar-
parket. Það sómir sér alls staðar vel
auk þess sem það er á mun betra
verði en gegnheilt parket.“
Pétur segir að Quick Step parket
sé mjög sterkt og HDF-platan veiti
mikla vernd og haldi raka vel frá
sér. Það sé samt ekki heppilegt á
blautrými eins og þvottahús og bað-
herbergi en henti annars alls staðar
og jafnt á heimilum sem skrif-
stofum, verslunum og veitingahús-
um. „Þetta hentar alls staðar þar
sem er mikið álag,“ segir hann.
Byltingarkennd
nýjung á gólfefna-
markaðnum
Eftir Steinþór Guðbjartsson
steinthor@mbl.is
Morgunblaðið/Árni Sæberg
Harðviðarval er með margar tegundir af Quick Step-parketi.
Harðviðarval er líka með sérstakar flísar frá Quick Step.
Einar Gottskálksson, framkvæmdastjóri Harðviðarvals, Björn Matthíasson verslunarstjóri og Þórður Ágústsson, framkvæmdastjóri verkefnadeildar, í sýningarsal.
Harðparketið hentar sérstaklega vel þar sem er mikið álag.
Í HAUST sem leið kynnti Harðvið-
arval heildarlausnina Gulllínu en
fyrir hvern seldan fermetra í henni
fjármagnar Harðviðarval gróð-
ursetningu á einum græðlingi í
samvinnu við Skógrækt ríkisins.
Þórður Ágústsson segir að heildar-
lausnin hafi fallið í góðan jarðveg
og miðað við fyrstu viðbrögð megi
reikna með að viðskiptavinir Harð-
viðarvals og Skógrækt ríkisins
stuðli að gróðursetningu á rúmlega
10.000 græðlingum á ári.
„Gulllína Harðviðarvals er heild-
arlausn fyrir viðskiptavini okkar og
er allt innifalið,“ segir Þórður.
„Það eina sem viðskiptavinurinn
þarf að gera er að velja vöruna og
síðan sjáum við um afganginn. Við
mælum gólfflötinn, útvegum heila
pakka sem sýnishorn, mætum með
parketið ásamt undirlagi heim til
viðskiptavinarins, útvegum allt sem
þarf aukalega til verksins, leggjum
parketið, þrífum að lokinni lögn og
endurgreiðum allt ósagað efni.
Harðviðarval er umhverfisvænt
fyrirtæki og því gróðursetjum við í
samstarfi við Skógrækt ríkisins
einn græðling fyrir hvern seldan
fermetra í Gulllínu.“
Stuðla að
gróðursetningu
áum 10.000
græðlingum á ári