Morgunblaðið - 21.05.2006, Blaðsíða 13

H
ún er á báðum átt-
um þegar ég ámálga
stórt viðtal við hana.
„Það var stórt viðtal
við mig í Morgun-
blaðinu árið 1985,“
segir hún eins og til
að sannfæra mig um að þetta sé algjör óþarfi. Ég
fullvissa hana á móti um að það sé ekki of mikil
nástaða. Margt drífi á daga fólks á tveimur ára-
tugum. Auk þess standi hún nú á tímamótum,
farsælum starfsferli sé lokið. Tími uppgjörs runn-
inn upp. Hún biður um sólarhringsfrest til að
kveða upp úrskurð sinn.
Guðrún Erlendsdóttir, fráfarandi hæstaréttar-
dómari, er lítið fyrir sviðsljósið. Það jafngildir
hins vegar ekki því að hún hafi frá litlu að segja.
Þvert á móti. Starfsferill hennar hefur verið lang-
ur og viðburðaríkur. Hún var fimmta konan sem
lauk lagaprófi á Íslandi og fyrsta konan sem skip-
uð var hæstaréttardómari, fyrir réttum tuttugu
árum. Guðrún Erlendsdóttir er brautryðjandi og
hefur örugglega veitt margri konunni innblástur
gegnum tíðina – með beinum og óbeinum hætti.
Svo er hún líka gift einum litríkasta lögfræðingi
þessarar þjóðar, Erni Clausen, sem margir þekkja
einnig sem afreksmann í frjálsum íþróttum. Ég
krosslegg því fingur og vona það besta.
Morgundagurinn rennur upp og ég bíð eftir
niðurstöðu hæstaréttardómarans – hinum end-
anlega úrskurði. Og viti menn, hann er mér hag-
stæður. „Gott og vel, við skulum gera þetta.“ Ég
stekk hæð mína í öllum herklæðum – í huganum
að sjálfsögðu. Frammi fyrir dómaranum halda
menn virðingu sinni.
Þremur dögum síðar stend ég á tröppunum
hjá Guðrúnu á Arnarnesinu. Hún tekur hlýlega á
móti mér og býður mér inn. Útsýnið er ekki ama-
legt á þessum slóðum. Við höldum sem leið ligg-
ur inn á skrifstofu hennar. Á leiðinni biður Guð-
rún mig að gæta mín á barnavagni sem stendur
þar á ganginum. „Yngsta barnabarnið var hérna í
heimsókn í morgun.“ Skrifstofan er vistleg og
rúmgóð. Bækur í hillum, einkum lögfræðirit sýn-
ist mér, og ljósmyndir upp um alla veggi. Frá hin-
um ýmsu tímum. Þetta er ekki bara skrifstofa,
heldur líka spegill áratuganna. Líf Guðrúnar
blasir við mér. Ekki er hægt að hugsa sér betri
stað fyrir viðtal af þessu tagi.
Menntaskóli fremur en húsmæðraskóli
Guðrún Erlendsdóttir fæddist 3. maí 1936 og
hélt því upp á sjötugsafmæli sitt fyrir tveimur og
hálfri viku. „Ég er borin og barnfæddur Reykvík-
Eftir Orra Pál Ormarsson
Ljósmynd Kristinn Ingvarsson
FRUMKVÖÐULL
Í LÖGHEIMUM
Guðrún Erlendsdóttir, fyrsta konan sem gegndi starfi
hæstaréttardómara hér á landi, hefur látið af störfum enda
hélt hún upp á sjötugsafmæli sitt fyrr í mánuðinum. Það
kom ýmsum á óvart þegar þessi sjómannsdóttir hóf laga-
nám á sínum tíma þegar telja mátti konur í deildinni á
fingrum annarrar handar. Síðan hefur margt breyst, konur
nú í meirihluta í laganámi og margfalt atkvæðameiri í
þjóðfélaginu. Þökk sé frumkvöðlum á borð við Guðrúnu.
21.5.2006 | 13