Morgunblaðið - 06.06.2006, Page 26

26 ÞRIÐJUDAGUR 6. JÚNÍ 2006 MORGUNBLAÐIÐ
UMRÆÐAN
Málfundur RSE og Alþjóðamálastofnunar Háskóla Íslands
um málefni Mið-Austurlanda. Klukkan 12:10 í sal 101 í Odda,
Háskóla Íslands, miðvikudaginn 7. júní nk.
Örbirgð og
allsnægtir í
Mið-austurlÖnduM
Miðvikudaginn 7. júní 2006,
Salur 101 í Odda, Háskóla Íslands
Fundurinn fer fram á ensku. Allir velkomnir.
Nánari upplýsingar á www.rse.is
Rannsóknarmiðstöð um samfélags- og efnahagsmál.
FraMsÖguerindi:
Lífsskilyrði almennings í Mið-Austurlöndum - Leiðir til úrbóta
Fadi A. Haddadin fjallar um stöðu efnahagsmála í Mið-
Austurlöndum, um tengsl fátæktar í þessum heimshluta
við umfangsmikil ríkisafskipti, skort á efnahagslegu frelsi
og virðingu fyrir mannréttindum og veltir upp hugmyndum
um leiðir til úrbóta.
Fundarstjóri: Davíð Logi Sigurðsson blaðamaður
Gert er ráð fyrir að fundi ljúki eigi síðar en klukkan 13:30.
Allir velkomnir á meðan húsrúm leyfir
Fadi A. Haddadin hefur BA gráðu í hagfræði frá
University of Beirut og meistaragráðu í hagfræði
frá London School of Economics og Chicago
University. Hann starfar sem ráðgjafi í málefnum
Mið-Austurlanda, m.a. fyrir Alþjóðabankann.
LENGI vel brýndu uppalendur á
Íslandi fyrir börnum sínum að nota
ekki blótsyrði nema í algjörum und-
antekningartilfellum,
,,aldrei opinberlega“,
og gera fjölmargir
ennþá. Slík orð væru
sprottin af illum hugs-
unum og með notkun
þeirra kæmi svartur
blettur á tunguna. Þeir
sem vendu sig á slíkan
ósið féllu í áliti enda
fulltrúar Svarta-Péturs
í samfélaginu og það
fólk hefði ekki taum-
hald á skapi sínu og
jafnvel gjörðum. Und-
antekning frá þessari
reglu væru þeir sem vegna starfa
sinna glímdu við grimm náttúruöflin
og þyrftu útrás á að halda í barátt-
unni við erfiðar aðstæður.
Á nýrri öld milljarðavæðingar
þegar flest virðist leyfilegt í skjóli
peninga tekur banki allra lands-
manna uppá þeim ósið að nota blóts-
yrði í annars vel gerðri fótboltaaug-
lýsingu sinni svo eftir er tekið. Þessi
leikur er spilaður í tíma og ótíma í
fjölmiðlum. Einum þekkasta presti
landsins séra Pálmi Matthíassyni er
brugðið og ræðir hann um þetta mál
í snjallri útvarpsprédikun sunnu-
daginn 28. maí sl. Þar kemur klerk-
urinn inná áhrifamátt auglýsing-
arinnar á ómótuð börnin sem telja
sig mega apa allt eftir fyrirmyndinni
hvenær sem þeim sýnist. Hann
beinir orðum sínum til
forráðamanna markaðs-
og auglýsingamála
bankans og er undrandi
á andvaraleysi stjórn-
endanna. Í stað þess að
skammast sín og biðja
þjóðina afsökunar þá er
blásið í seglin og örstutt
myndbrot með blóts-
yrðinu sýnt í sjónvarp-
inu daglega á eftir.
Þetta er augljóslega
gert til þess að ögra öll-
um þorra fólks enn
frekar og beina þannig
athygli að gamalgróinni starfsemi
sinni og örva þannig viðskiptin. Það
er augljóst mál að þeir sem eiga í
hlut er órótt í sálu sinni og dap-
urlegt að þeir skuli draga hina ágæt-
ustu forráðamenn og eigendur
bankans niður í svaðið með sér og
sverta um leið virðulega ímynd
bankans. Þá er athyglisvert að hinn
þekkti þjálfari þeirra Skagamanna
er orðinn Svarti-Pétur í augum
landsmanna – dapurleg ímynd sem
hann á erfitt með að þvo af sér.
Ármann Reynisson skrifar
um sjónvarpsauglýsingu
Landsbanka Íslands
Ármann Reynisson
Landsbankablót
Í MORGUNBLAÐINU sl.
sunnudag er grein eftir Davíð
Ingason, markaðsstjóra og lyfja-
fræðing, um „Danmerkurþrá
landlækna“. Tilefnið mun vera
það, að við höfum bent á þá stað-
reynd að lyf, sem Íslendingar
framleiða og selja jafnframt í
Danmörku, er tífalt dýrara hér á
landi; já, ekki 10% heldur 10 sinn-
um dýrara. Skiljanlegt er að
þessu sé ekki svarað með öðru en
aulabrandara, eins og Davíð gerir.
Ekkert mælir gegn því að lyfja-
fræðingar og markaðsmenn, með
milljón á mánuði, skemmti sér.
En fátækt fólk og veikt, sem
greiðir þetta verð fyrir lyfin sín,
getur ekki tekið þátt í gríninu.
Henni var að minnsta kosti ekki
hlátur í huga gömlu konunni sem
ræddi við mig í síma fyrir nokkrum
dögum. Hún er á lyfinu Triazolam,
sem á að vera á markaði hér á
landi. Hvað eftir annað er henni
sagt í apótekinu að lyfið sé ekki til,
þar sem framleiðandinn standi sig
ekki. Hún getur í þess stað fengið
lyfið Halcion, sem er nær þrefalt
dýrara. Virka innihaldsefnið er ná-
kvæmlega hið sama í báðum þess-
um lyfjum og þau eru að fullu
greidd af sjúklingi sjálfum.
Hinum almenna lyfjafræðingi í
apótekinu, sem þarf að útskýra
þessa vitleysu fyrir sjúklingnum,
er ekki skemmt. En lyfjafræð-
ingar, sem jafnframt eru markaðs-
stjórar, geta haldið áfram að
skemmta sér.
Matthías Halldórsson
Lyfjafræðingur
skemmtir sér
Höfundur er aðstoðarlandlæknir.
HINN 15. júní næstkomandi
munu Alþjóðleg samtök gegn of-
beldi á öldruðum, INPEA, standa
fyrir alþjóðlegum forvarnardegi
gegn ofbeldi á öldruðum. Tilgang-
urinn með deginum er að vekja
fólk til umhugsunar og umræðu
um hvað sé ofbeldi gegn öldruðum
og hvað samfélagið og stofnanir
þess geti gert til að sporna við því
að slíkt eigi sér stað.
Umræður um ofbeldi
gegn öldruðum
Umræður um ofbeldi gegn öldr-
uðum eiga sér ekki langa sögu
þrátt fyrir að vandinn sé löngu
þekktur. Í bókinni „The Dimens-
ions of Elder Abuse“ er talað um
að í Bandaríkjunum hafi ofbeldi
gegn öldruðum verið „uppgötvað“
seint á áttunda áratugnum. At-
hyglinni var þó ekki beint sér-
staklega að þessu
málefni á þeim tíma.
Á síðustu árum hafa
hins vegar litið dags-
ins ljós ýmsar rann-
sóknir er lúta að al-
gengi ofbeldis gegn
öldruðum og for-
vörnum gegn því. Al-
þjóðleg samtök gegn
ofbeldi á öldruðum,
INPEA, hafa verið
starfandi frá árinu
1997. Þau hafa meðal
annars í samstarfi
við Sameinuðu þjóðirnar unnið að
stefnumótandi aðgerðum gegn of-
beldi á öldruðum. Má í því sam-
bandi sérstaklega nefna yfirlýs-
ingu sem gefin var út árið 2000 um
alheimsforvörn gegn ofbeldi á
öldruðum. Í þessari yfirlýsingu er
bent á ýmsar stað-
reyndir og ýmislegt
sem betur má fara í
flestum löndum, svo
sem að: Lagaramma
vanti til að bregðast
við þeim vandamálum
sem upp koma For-
vörn gegn ofbeldi á
öldruðum krefjist sam-
vinnu þvert á kerfi
samfélagsins Heil-
brigðisstarfsfólk í
grasrótinni sé lykilfólk
í forvörnum gegn of-
beldi á öldruðum, þar sem það fá-
ist við slík mál reglulega – en oft
þekki það ekki einkennin. Mennt-
un og fræðsla sé mjög mikilvæg
bæði á formlegan hátt í menntun
fagfólks og í gegnum fjölmiðla. Of-
beldi gegn öldruðum sé þekkt um
allan heim og oftast þekki þoland-
inn gerandann. Ofbeldið eigi sér
oftast stað innan fjölskyldunnar
eða á stofnunum.
Í yfirlýsingunni er ennfremur
hvatt til rannsókna á þessu mál-
efni, þar sem rannsóknir veki at-
hygli á þessu vandamáli og verði
til þess að samfélagið krefji yf-
irvöld um úrbætur.
Málþing um forvarnir
gegn ofbeldi á öldruðum
Í anda forvarnardags gegn of-
beldi á öldruðum mun Þjónustu-
miðstöð Laugardals og Háaleitis í
samvinnu við Félag eldri borgara,
Velferðarsvið Reykjavíkurborgar
og Öldrunarfræðafélag Íslands
standa fyrir málþingi hinn 8. júní
2006 og eru markmið málþingsins
þau sömu og INPEA samtakanna
með forvarnardeginum. Þegar
nær dregur verður dagskrá mál-
þingsins meðal annars auglýst á
heimasíðu Reykjavíkurborgar
www.reykjavik.is Þann 15. júní
mun samantekt frá málþinginu
verða birt á vefsíðum Reykjavík-
urborgar.
Sigrún Ingvarsdóttir skrifar í
tilefni af alþjóðlegum forvarn-
ardegi gegn ofbeldi á öldr-
uðum, sem er 15. júní
’… mun Þjónustu-miðstöð Laugardals og
Háaleitis í samvinnu við
Félag eldri borgara, Vel-
ferðarsvið Reykjavíkur-
borgar og Öldrunar-
fræðafélag Íslands
standa fyrir málþingi
hinn 8. júní nk.‘
Sigrún Ingvarsdóttir
Höfundur er félagsráðgjafi og
deildarstjóri hjá Þjónustumiðstöð
Laugardals og Háaleitis og núverandi
formaður Öldrunarfræðafélags
Íslands (ÖFFÍ).
Athygli beint gegn
ofbeldi á öldruðum