Morgunblaðið - 06.06.2006, Síða 48

ÁSKRIFT-AFGREIÐSLA 569 1122 ÞRIÐJUDAGUR 6. JÚNÍ 2006 VERÐ Í LAUSASÖLU 220 KR. MEÐ VSK.
HALLDÓR Ásgrímsson og Guðni Ágústsson
báðu mig um að hitta sig saman og tilkynntu
mér að þeir hefðu náð samkomulagi þess efnis
að þeir myndu láta af störfum formanns og
varaformanns í því skyni að skapa svigrúm fyrir
Finn Ingólfsson,“ segir Hjálmar Árnason, for-
maður þingflokks Framsóknarflokks, um til-
kynningu formanns flokksins þess efnis að hann
ætli að hverfa á brott úr stjórnmálum.
Þegar Morgunblaðið náði tali af Finni Ing-
ólfssyni í gærkvöldi sagðist hann þó ekki hafa
uppi áform um að snúa sér aftur að stjórnmál-
um en aðspurður segir hann það rétt að Halldór
og Guðni Ágústsson, varformaður flokksins,
hafi boðað sig til fundar – fyrir hálfum mánuði.
Þar var rætt um hugsanlega endurkomu Finns í
stjórnmál og hvort hann myndi íhuga að taka
við formennsku í flokknum ef á hann yrði skor-
að. „Ég tók mér umhugsunarfrest um það í
nokkra daga en svaraði því
síðan sólarhring síðar að ég
hefði ekki verið með það í
huga að snúa aftur í stjórn-
mál. Ég væri kannski tilbú-
inn til að leggja eitthvað á
mig fyrir flokkinn en for-
sendan fyrir því væri sú að
um það væri samstaða.“
Aðspurður hvort hann
muni hugleiða að taka við
formennsku í flokknum náist
um það samstaða segist Finnur ekkert hafa
íhugað það. „Ég svaraði ósk þeirra með þeim
hætti að ef um það væri samstaða þá væri ég
tilbúinn að skoða það. En ég er ekkert að íhuga
neitt, ég var með það í huga að snúa mér að allt
öðrum hlutum og það eru þeir sem taka huga
minn núna. Það er formaður í flokknum og hann
var að ítreka að hann yrði það áfram, fram að
næsta flokksþingi,“ segir Finnur Ingólfsson.
Guðni Ágústsson, varaformaður Framsókn-
arflokksins, segir í yfirlýsingu sem hann sendi í
gærkvöldi að hann hefði á fundi með forsætis-
ráðherra og hans nánustu samstarfsmönnum
fallist á ákveðnar tillögur sem miðuðu að því að
ný forysta tæki við flokknum strax í sumar og
alger samstaða væri um. Þá var ráðgert að hann
og Halldór segðu af sér sem formaður og vara-
formaður. „Í dag, annan dag hvítasunnu, var
ljóst að ekkert yrði af þessum fyrirætlunum og
ekki sú samstaða í flokknum sem áður var talið.
Þess vegna vil ég taka fram að ekkert liggur
fyrir um afsögn mína sem varaformaður enda
ekkert samkomulag miðað við þessa niður-
stöðu,“ segir í yfirlýsingunni.
Halldór og Guðni óskuðu eftir að Finnur tæki við formennsku flokksins
Samstaða forsenda
fyrir endurkomu Finns
Finnur
Ingólfsson
 Yfirlýsing | 4
GUÐJÓN Valur Sigurðsson var í gær-
kvöld útnefndur besti leikmaður þýsku 1.
deildarinnar í handknattleik, sem talin er
sterkasta deildakeppni heims. Hann er
annar Íslendingurinn sem verður þessa
heiðurs aðnjótandi en Ólafur Stefánsson
var kjörinn tvívegis, árin 2001 og 2002.
Guðjón Valur varð jafnframt markakóng-
ur deildarinnar og er einnig annar Íslend-
ingurinn sem nær þeim áfanga en Sigurð-
ur Sveinsson varð markahæstur árið 1986.
„Ég er mjög stoltur yfir því að hafa náð
að jafna bæði Óla og Sigga á sama tíma-
bilinu,“ sagði Guðjón Valur við Morgun-
blaðið í gærkvöld. | B1
Guðjón Valur
bestur í
Þýskalandi
Á ANNAÐ hundrað manns gekk á Hvannadalshnúk, hæsta tind Íslands,
í blíðskaparveðri um liðna helgi og segir Haraldur Örn Ólafsson, farar-
stjóri, að líklega hafi aldrei fleiri gengið á hnúkinn á einum degi. Þrátt
fyrir mikinn fjölda göngumanna tókst afar vel til og ríkti almenn
ánægja með gönguna sem tók á milli tólf og fjórtán klukkutíma eftir
hópum. „Fólk var vel búið undir átökin þannig að gangan gekk alveg
vandræðalaust og hefði vart getað verið betri,“ segir Haraldur sem
stjórnaði ferðinni ásamt tíu öðrum fararstjórum. | Miðopna
Morgunblaðið/RAX
Á annað hundrað manns á Hvannadalshnúk
„MIÐAÐ við þá markaðsverðsútreikninga
sem við sjáum í þessum samningum er verið
að tala um miklu hærri tölur en einn millj-
arð,“ segir Jón Jónsson, héraðsdómslög-
maður, sem ásamt fleiri lögmönnum fer
með málefni landeigenda við Jökulsá á Dal,
en matsnefnd um verðmæti og umfang
vatnsréttinda í Jökulsá á Brú og Jökulsá í
Fljótsdal/Lagarfljóti vegna Kárahnjúka-
virkjunar er um þessar mundir að fá í hend-
ur greinargerðir frá Landsvirkjun og land-
eigendum.
Matsnefndin fjallar um hvaða vatnsrétt-
indi Landsvirkjun fær og hvers virði vatns-
réttindin eru landeigendum en málið er
nokkuð flókið þar sem Jökulsá á Brú er
færð úr farvegi sínum yfir í Lagarfljót og
hefur ekki áður hér á landi þurft að takast á
við lagaleg álitaefni sem að slíkum vatna-
flutningum lúta.
Meginregla að fara
eftir markaðsvirði
Jón segir að byggt sé á því að upp séu
komnir raunhæfir möguleikar fyrir aðra að-
ila en hin opinberu orkufyrirtæki til að
virkja og selja raforku, þ.e.a.s. með tilkomu
nýju raforkulaganna. „Vegna þessa erum
við farin að sjá dæmi þar sem landeigendur
hafa leyft öðrum aðilum að virkja vatnsföll í
sínu landi gegn ákveðinni leigu á vatnsrétt-
indum. Sú verðmyndun leiðir til þess að
vatnsréttindi eru, miðað við þessa fáu samn-
inga sem hafa verið gerðir frá 2003, mun
verðmætari en eldra mat fól í sér,“ segir
Jón en meginreglan í eignarnámsrétti er að
fara eftir markaðsvirði.
Miðað við aðferðafræðina, samkvæmt
gömlum matsmálum, hafa menn reiknað út
að þau vatnsréttindi sem látin verða af
hendi vegna Kárahnjúkavirkjunar nemi
u.þ.b. einum milljarði króna. Jón vill ekki
nefna ákveðnar tölur fyrr en kröfugerð
landeigenda liggur fyrir í næsta viku en eins
og áður segir telur hann um að ræða mun
hærri upphæð en milljarð króna.
Háar kröfur á Landsvirkjun
vegna Kárahnjúkavirkjunar
Vatnsréttindi
eru mun
verðmætari
en áður
 Landeigendur | 8
MATSFYRIRTÆKIÐ Standard & Poor’s
greindi í gær frá því mati fyrirtækisins að horf-
ur um lánshæfismat ríkissjóðs væru nú orðnar
neikvæðar í stað stöðugra áður. Lánshæfisein-
kunnir ríkisins haldast þó óbreyttar og sama á
við um Íbúðalánasjóð. Þá breyttust horfur á
lánshæfismati í erlendri mynt hjá Íbúðalána-
sjóði úr neikvæðum í stöðugar.
Ástæðan fyrir breytingunum varðandi láns-
hæfismat ríkisins er sögð vera aukin hætta á
harðri lendingu íslenska hagkerfisins. Auknar
launahækkanir og annar verðbólguþrýstingur
eru talin kalla á frekari stýrivaxtahækkanir og
ekki sé búist við því að stefnan í ríkisfjármálum í
aðdraganda þingkosninga 2007 styðji viðleitni
Seðlabankans til að draga úr verðbólgu.
Grípa þarf til áhrifaríkra aðgerða
Þá kemur fram að verði ekki gripið til áhrifa-
ríkra aðgerða til þess að halda innlendri eft-
bankans, segir þessar fréttir ekki hjálpa, frekar
en aðrar neikvæðar fréttir. Lykilatriði sé að
verðbólgan fari ekki úr böndunum, og vaxta-
hækkanir Seðlabankans leysi ekki vandann ein-
ar og sér. Allir verði að taka höndum saman.
Sigurjón sagði það óheppilega tilviljun að frétt-
in kæmi á sama tíma og Halldór Ásgrímsson
ákvæði að draga sig í hlé. Einhverjir kynnu að
tengja þetta saman, þótt um ótengd atriði væri
að ræða.
Ekki áhrif á bankana
Guðni Aðalsteinsson, framkvæmdastjóri
Fjárstýringar Kaupþings banka, segir tilkynn-
inguna ekki skipta máli fyrir bankana og að
mikilvægt sé að skilja á milli bankanna og rík-
isins. Í heildina séu þetta þó ekki jákvæðar
fréttir, hvernig horft sé á íslensk efnahagsmál.
Hann segist efast um að þetta hafi mikil áhrif á
endurfjármögnun bankanna. | Miðopna
irspurn og verðbólgu í skefjum og ef komi til
mikils samdráttar og versnandi efnahags gæti
það leitt til lækkunar á lánshæfismatinu.
Bjarni Ármannsson, forstjóri Glitnis, segir að
breytingin þurfi ekki að koma mikið á óvart og
að ríkisvaldið hljóti að taka þessa viðvörun al-
varlega. Hann segir að hagstjórnin sem ríkis-
stjórnin hafi staðið fyrir að undanförnu hafi
ekki miðað að því að draga úr þenslu í samfélag-
inu og ná fram betra jafnvægi í efnahagslífinu.
Ljóst sé að þessi breyting hjálpi ekki til við end-
urfjármögnun bankanna. Að hans mati hafi
þetta þó ekki nein úrslitaáhrif þar um.
Sigurjón Þ. Árnason, bankastjóri Lands-
Horfur um lánshæfismat
ríkissjóðs metnar neikvæðar
Hjálpar ekki til við fjár-
mögnun bankanna að
mati forstjóra Glitnis