Morgunblaðið - 15.07.2006, Blaðsíða 11

MORGUNBLAÐIÐ LAUGARDAGUR 15. JÚLÍ 2006 11
FRÉTTIR
SMÁRALIND SÍMI 545 1550 GLÆSIBÆ SÍMI 545 1500 KRINGLUNNI SÍMI 545 1580
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
TI
3
30
64

06
/2
00
6
Flugustangasett
Tilboð 21.490kr.
Verð áður 24.990 kr.
Lífstíðarábyrgð.
Önnur sett frá 14.700 kr.
Slate vöðlujakki
Tilboð 19.990kr.
Slate öndunarvöðlur
Tilboð 29.900kr.
Verð áður 37.990 kr.
Vangen mittisvöðlur
Tilboð 10.990kr.
Verð áður 14.990 kr.
Verð áður 24.990 kr.
Íslenskar fjallkonur
Ásta Arnardóttir og
Ósk Vilhjálmsdóttir
á morgun
SAMKVÆMT reglum um réttindi
og skyldur stjórnenda hjá Reykja-
víkurborg er heimilt að auglýsa ekki
eftir starfsmanni ef afleysingu er
ætlað að standa skemur en eitt ár.
Sama regla á við í kjarasamningum
við stéttarfélög starfsmanna borgar-
innar. Þetta segir Vilhjálmur Þ. Vil-
hjálmsson borgarstjóri en fulltrúar
stjórnarandstöðunnar í borgarstjórn
lögðu fyrir borgarráð á fimmtudag
fyrirspurn vegna tímabundinnar
ráðningar Magnúsar Þórs Gylfason-
ar í starf skrifstofustjóra á skrifstofu
borgarstjóra. Í fyrirspurninni er
m.a. spurt hvort „þetta mikilvæga
starf innan stjórnsýslu Reykjavíkur-
borgar“ hafi verið auglýst, hvaða
hæfnis- og menntunarkröfur hafi
verið gerðar og hvort tími pólitískra
ráðninga sé runninn upp hjá borg-
inni, á kostnað menntunar, hæfni og
reynslu. Er vakin athygli á því að
Magnús Þór sé fyrrverandi starfs-
maður í Valhöll og aðstoðarmaður
borgarstjórnarflokks Sjálfstæðis-
flokksins, „með nýlegt BS próf í við-
skipafræði“, líkt og það er orðað.
Kristín Árnadóttir, sem gegnt hefur
starfinu frá árinu 2004, er í tíma-
bundnu leyfi frá störfum.
Vilhjálmur bendir á að þegar um
ráðningu til styttri tíma sé að ræða
sé reynt að finna þann sem getur
losnað með stuttum fyrirvara, sett
sig inn í starfið og gegnt því í stuttan
tíma án þess að skuldbinding mynd-
ist um áframhaldandi ráðningu. „Það
heyrir til undantekninga að störf séu
auglýst þegar um afleysingar er að
ræða og þá einungis í þeim tilvikum
að ekki hefur tekist að finna neinn
sem getur tekið að sér starfið á ofan-
greindum forsendum. Það hefur ekki
átt við um störf stjórnenda,“ segir
Vilhjálmur.
Starfið ekki auglýst
á sínum tíma
Hann segir ekki liggja fyrir hvaða
hæfnis- og menntunarkröfur voru
gerðar þegar upphaflega var ráðið í
stöðu skrifstofustjóra. Þá var ekki
auglýst þótt um ráðningu til 5 ára
hafi verið að ræða heldur valin sú
leið að leggja fyrir borgarráð tillögu
um ráðningu fyrrverandi sviðsstjóra
fjölskyldu- og þróunarsviðs, sem áð-
ur var pólitískur aðstoðarmaður
borgarstjóra R-listans. „Þeirri til-
lögu fylgdi ekki sérstakur rökstuðn-
ingur né sérstök skilgreining um
hæfnis- og menntunarkröfur,“ segir
hann. Að hans sögn eru nokkur
dæmi um það á síðustu árum að ráðið
sé í störf í stjórnsýslu Reykjavíkur-
borgar í ráðhúsinu, bæði tímabundin
og föst störf, án auglýsinga.
Vilhjálmur bendir á að Magnús
Þór sé viðskiptafræðingur og upp-
fylli vel allar hæfniskröfur og hafi
menntun og reynslu sem nýtast í
starfinu.
„Við ráðningu hans hefur verið
fylgt hefðbundnum ráðningaraðferð-
um þegar um tímabundið afleysinga-
starf er að ræða. Gagnrýni Samfylk-
ingarinnar um annað er því á engan
hátt á rökum reist og hreinar að-
dróttanir. Borgarfulltrúar Samfylk-
ingarinnar ættu að líta sér nær,“
segir Vilhjálmur.
Undantekning ef afleys-
ingastörf eru auglýst
Minnihlutinn spyr hvort tími pólitískra ráðninga sé runninn upp
Eftir Gunnar Pál Baldvinsson
gunnarpall@mbl.is
BLÓÐBANKINN mun fá nægilega
stórt rými í húsnæði sem bankinn
flytur í nú í haust. Sveinn Guðmunds-
son, yfirlæknir í bankanum, segir að
lausn hafi fundist í húsnæðismálum
bankans fyrir milligöngu heilbrigðis-
ráðuneytisins.
Blóðbankinn hefur átt við töluverð-
an húsnæðisvanda að etja en ljóst
hefur þótt að húsnæði hans við Bar-
ónsstíg sé allt of lítið. Landspítali –
háskólasjúkrahús skrifaði fyrr í þess-
um mánuði undir leigusamning á hús-
næði á Snorrabraut 60 og var ákveðið
að Blóðbankinn flytti þar inn. Samt
sem áður var óljóst hvort sú lausn
nægði þar sem reiknað var með að
framkvæmdanefnd nýs Landspítala
fengi efstu hæð hússins til afnota. Að
sögn Sveins Guðmundssonar fékkst
lausn í málinu í vikunni sem felur í sér
að Blóðbankinn fái u.þ.b. helming
efstu hæðarinnar á móti fram-
kvæmdanefndinni. Sveinn segir að
miðað við núverandi húsnæði muni
aðstaða bankans stækka um 60–70%
með flutningi í hið nýja húsnæði.
„Þessi lausn þýðir að við getum kom-
ið fyrir með góðu móti þeirri starf-
semi sem er í Blóðbankanum í dag.
Við fögnum þessari niðurstöðu.“
Hann segir að þarfagreining bankans
geri ráð fyrir að hann fái stærra hús-
næði en húsið á Snorrabraut 60 mið-
ist vel við starfsemi hans nú. „Við
mættum góðum skilningi ráðuneytis-
ins á aðstæðum og þörfum Blóðbank-
ans og við vonum að það skili þeim ár-
angri að ráðuneytið vaki yfir því í
framtíðinni að með vaxandi starfsemi
og umsvifum verði hlutirnir sífellt
skoðaðir og metnir,“ sagði Sveinn.
Davíð Á. Gunnarsson, ráðuneytis-
stjóri heilbrigðisráðuneytisins, sagði
í samtali við Morgunblaðið í gær að
málið hefði verið leyst og að hann
teldi að málið hefði byggst á einhvers
konar misskilningi. „Blóðbankinn
fær þessar tvær hæðir og hluta þeirr-
ar efstu eins og ráð var gert fyrir í
upphafi.“
Þarfir Blóð-
bankans verða
uppfylltar
VEGGJAKROT verður ekki
þolað á eigum borgarinnar. Á
þetta leggur umhverfisráð
Reykjavíkur áherslu. Beinir
ráðið því til sviða og stofnana
borgarinnar að við veggja-
kroti verði brugðist taf-
arlaust er þess verði vart með
því að fjarlægja það svo fljótt
sem auðið er. Þetta kemur
fram í bókun sem lögð var
fram í umhverfisráði á mið-
vikudag.
Í bókuninni segir enn-
fremur að umsjónarmenn
eigna Reykjavíkurborgar
skuli líta á það sem starfs-
skyldu sína og hluta af rekstri og
viðhaldi að fjarlægja veggjakrot.
Þá er því beint til hverfisráða og
þjónustumiðstöðva að fylgjast vel
með því hvernig unnið er gegn
veggjakroti í þeirra hverfum. Því
er einnig beint til einstaklinga og
fyrirtækja í borginni að taka með
sama hætti á veggjakroti og mælst
er til að opinberir aðilar geri.
Í skýrslu um veggjakrot sem
unnin var árið 2003 og kynnt var á
fundi umhverfisráðs, kemur fram
að lögreglan í Reykjavík leggur
áherslu á að til þess að mögulegt
verði að lágmarka veggjakrotið í
borginni þurfi samstillt átak bæði
opinberra og einkaaðila. Bent er á
að veggjakrot sé skemmdarverk
sem varði við lög.
Veggjakrot ekki þolað
á eigum borgarinnar
Morgunblaðið/Golli
Umhverfisráð borgarinnar vill veggja-
krotið burt - og það strax.