Morgunblaðið - 23.10.2006, Blaðsíða 1

STOFNAÐ 1913 288. TBL. 94. ÁRG. MÁNUDAGUR 23. OKTÓBER 2006 PRENTSMIÐJA MORGUNBLAÐSINS mbl.is
AF HERKÆNSKU
FULLORÐIÐ FÓLK UM ALLAN HEIM LEIKUR
SÉR AF ÁHUGA MEÐ HEIMAGERÐ MÓDEL >> 18
FLUGAN
FLÖGRAÐ Á MILLI
MENNINGARVIÐBURÐA
HITTI MANN OG ANNAN >> 32
Dubai. AFP. | Mohammad múllah Omar,
æðsti leiðtogi talibana í Afganistan, hótar
að draga Hamid Karzai, forseta landsins,
fyrir íslamskan rétt, ásamt því sem hann
varar við hrinu ofbeldisaðgerða í landinu.
Þetta kemur fram í skilaboðum eignuðum
Omar til afgönsku þjóðarinnar sem birt
voru á íslamskri vefsíðu í gær.
„Þetta er fimmta árið í röð sem Afganist-
an, okkar ástkæra land, er undir nýlendu-
stjórn krossfaranna,“ er haft eftir Omar. „Í
þetta sinn óskum við þér einnig til hamingju
með ósigur og flótta krossfaranna […] Þeir
nota alla miðla til að bera út lygar sínar […]
En ég er viss um að þeir verða sigraðir líkt
og Rússar og bandamenn þeirra,“ er einnig
haft eftir talibanaleiðtoganum og þannig
vísað til brotthvarfs Rússa frá Afganistan í
lok níunda áratugarins, eftir hernám þeirra
á árunum 1979 til 1989.
Omar hótar
hrinu árása
í Afganistan
Eftir Andra Karl
andri@mbl.is
HVALVEIÐAR í atvinnuskyni hóf-
ust formlega aftur eftir 20 ára hlé
þegar fyrsta langreyðurin af þeim
níu, sem heimilt er að veiða, var
dregin á land við mikinn fögnuð við-
staddra á tíunda tímanum í gær-
morgun. Á sama tíma gagnrýndi
umhverfisráðherra Ástralíu veið-
arnar harðlega og sagði þær ögrun
við alþjóðasamfélagið.
„Þetta hefur gengið eins og menn
hafi verið að þessu stanslaust í ára-
tugi. Þeir hafa engu gleymt,“ sagði
Kristján Loftsson, forstjóri Hvals
hf., eftir að búið var að draga hval-
inn á land.
Talið er að um tuttugu tonn af
kjöti fáist af langreyðinni en það
mun ekki teljast hæft fyrir íslensk-
an markað og verður eflaust flutt út
til Japans. Hvalur 9 hélt aftur til
veiða um miðjan dag í gær og sagði
Kristján bátinn verða á miðunum í
birtingu. Hann segir veiðar halda
áfram á meðan veður leyfir og ein-
hver hvalur finnst.
Ian Campbell, umhverfisráð-
herra Ástralíu, gagnrýndi Íslend-
inga harðlega í gær og sagði þjóðina
sýna umheiminum fyrirlitningu
með því að hefja hvalveiðar í at-
vinnuskyni að nýju. Campbell sagði
ekki hægt að taka Ísland alvarlega
hvað varðaði umhverfismál héðan í
frá og velti vöngum yfir því hvort
Ísland gæti verið hluti af alþjóða-
samfélaginu.
„Það er greinilegt að þessi maður
veit ekki neitt í sinn haus þegar
hann talar um hvalveiðar,“ sagði
Einar K. Guðfinnsson sjávarút-
vegsráðherra um gagnrýnina og
reiknar hann ekki með að svara
henni formlega. Ráðherra segir
liggja fyrir að veiðar Íslendinga séu
óralangt innan allra reglna um
sjálfbærar veiðar.
Fleiri gagnrýnisraddir heyrðust í
gær, Alþjóðlegu dýraverndunar-
samtökin segja Íslendinga ekki að-
eins hafa blóðgað hreinan sjóinn í
kringum landið heldur einnig al-
þjóðlegt orðspor sitt og grænfrið-
ungar fordæmdu veiðarnar. John
Frizell, sérfræðingur þeirra í hvala-
málum, sagði engar ákvarðanir þó
hafa verið teknar um mótmælaað-
gerðir. Fjallað var um veiðarnar í
öllum helstu fjölmiðlum erlendis.
„Þeir hafa engu gleymt“

Fjöldi fólks lagði leið sína í Hvalfjörð og fagnaði komu Hvals 9

Umhverfisráðherra Ástralíu segir Íslendinga ögra alþjóðasamfélaginu
Morgunblaðið/RAX
Dreginn upp Mikill áhugi var fyrir komu hvalveiðiskipsins Hvals 9 og ekki síður þeirri upplifun að sjá langreyðina skorna á planinu í Hvalstöðinni.

Stundin sem ég | Miðopna
ÞJÓÐVERJINN Michael Schumacher gaf
ekkert eftir í síðustu keppni sinni í formúlu 1
í Brasilíu í gær. Kom „Schumi“ fjórði í mark
eftir að hafa sýnt gamalkunnugt keppn-
isskap sitt á rauða Ferrari-fáknum eftir erf-
iða byrjun. Frammistaðan nægði þó ekki
Schumacher, sem er af mörgum talinn einn
mesti íþróttamaður sögunnar, því helsti
keppinautur hans og hugsanlegur arftaki,
Spánverjinn Fernando Alonso, tryggði sér
annan heimsmeistaratitil ökuþóra í röð með
því að koma annar í mark. | Íþróttir
Reuters
Hrærður Schumacher með heiðursbikar
sem knattgoðið Pele afhenti honum í gær.
„Schumi“ með
gamla takta
FIMMTÍU ár eru í dag liðin frá uppreisninni í Ung-
verjalandi sem Sovétmenn brutu á bak aftur með her-
valdi. Fjöldi þjóðarleiðtoga verður viðstaddur minning-
arathöfn um uppreisnina í Búdapest í dag, þeirra á
meðal Ólafur Ragnar Grímsson, forseti Íslands.
Blóðbaðið í Búdapest þótti til marks um þá stefnu
stjórnvalda í Kreml að bæla niður allt andóf í lepp-
ríkjum sínum, svo ægivald þeirra yrði tryggt. Um 2.800
manns voru drepnir þegar sovéskir skriðdrekar héldu
inn í Búdapest og síðar voru nokkrir helstu leiðtogar
uppreisnarstjórnarinnar teknir af lífi. Barátta Ung-
verja og fórnarlund vakti víða aðdáun og virðingu.
Athafnirnar í dag fara fram í skugga mikillar ólgu í
ungverskum stjórnmálum. | 13
AP
Tíminn líður Ungur drengur gengur hjá þar sem tveir
götuleikarar sitja íklæddir búningum Rauða hersins í
Búdapest, höfuðborg Ungverjalands, í gær.
Hálf öld frá upp-
reisn Ungverja