Morgunblaðið - 23.10.2006, Síða 44
LÖGREGLAN í Hafnarfirði stöðvaði för 19
ára ökumanns bifhjóls á fimmta tímanum í
gærdag. Áður hafði lögreglan í Keflavík mælt
bifhjólið á 156 km hraða skammt frá Vogavegi
en ökumaður ekki sinnt stöðvunarmerkjum.
Lögreglan varð að hverfa frá eftirför og var
lögreglan í Hafnarfirði fengin til að halda
henni áfram. Pilturinn varð ekki stöðvaður
fyrr en skammt frá Ásvöllum þegar mikil um-
ferð hægði á honum. Hann hefur aldrei öðlast
ökuréttindi.
Tekinn réttinda-
laus á bifhjóli
ÁSKRIFT-AFGREIÐSLA 569 1100 MÁNUDAGUR 23. OKTÓBER 296. DAGUR ÁRSINS 2006 VERÐ Í LAUSASÖLU 220 KR. MEÐ VSK.
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
NA 6–10 m/
sek. Dálítil él
norðan- og aust-
anlands, yfirleitt
bjart suðvestanlands, en lík-
ur á smáéljum um tíma. » 8
Heitast Kaldast
5°C 0°C
ÍBÚAR á Þórshöfn í Langanesbyggð eru orðn-
ir langþreyttir á aðgerðaleysi í vegamálum á
svæðinu og vonast eftir úrbótum hið fyrsta.
„Ég vona að ég eigi eftir að ferðast yfir Öx-
arfjarðarheiði á malbiki,“ segir Brynhildur
Halldórsdóttir bóndi á Syðra-Lóni rétt við
kauptúnið. „Áratugum saman hef ég farið
þessa sömu moldartroðninga. Það sést ekki í
bílinn fyrir aur þegar maður stígur út úr hon-
um í fína kjólnum sínum – með riðu.“
Beinlínis hættulegt fyrir útlendinga
Karen Rut Konráðsdóttir, framkvæmda-
stjóri Silkiprents og fána á Þórshöfn, tekur í
sama streng.
„Það hefur staðið til að ráðast í framkvæmd-
ir á Öxarfjarðarheiði síðan 1970. En ekkert
gerist. Þetta er fyrir neðan allar hellur. Það er
ekki fólki bjóðandi að keyra vegi sem eru varla
fólksbílafærir en það hefur í för með sér marg-
falt slit á bílum sem er ekkert annað en auka-
kostnaður. Það segir sig sjálft. Fólk sem aldrei
fer út af malbiki snýr hreinlega við og þessi leið
er beinlínis hættuleg fyrir útlendinga, beygjur,
blindhæðir og grjót á veginum er sem betur fer
ekki það sem fólk á að venjast. Það skiptir
hreinlega öllu máli fyrir Þórshöfn að vegirnir
komist í viðunandi horf. Það er lífsspursmál
fyrir ferðaþjónustuna sem atvinnugrein og fyr-
ir áframhaldandi búsetu á svæðinu.“ | 16
Lífsspursmál
fyrir Þórshöfn
að vegirnir
komist í lag
Morgunblaðið/RAX
Vinkonur Bjart var yfir þessum ungu dömum
á Þórshöfn enda grasið enn fagurgrænt.
ÁRLEGUR kjötsúpudagur var haldinn hátíð-
legur á Skólavörðustígnum á laugardag. Þar
gæddu ungir sem aldnir sér á súpunni þjóð-
legu. Þessi unga snót kunni sýnilega að meta
það sem í boði var en gestir gátu einnig gætt
sér á grænmetissúpu. Verslanir og veitinga-
staðir voru opnir og á Skólavörðustíginn
vantar heldur ekki listalífið enda er þar að
finna fjölmörg gallerí og kaffihús.
Morgunblaðið/Sverrir
Kjötsúpa á Skólavörðustígnum
ÁKVEÐIÐ hefur verið að af-
marka tiltekið svæði á Keflavík-
urflugvelli, sem nefnt verður ör-
yggissvæði eða varnarsvæði.
Sprengjuheld flugskýli fyrir F-15
orrustuþotur Bandaríkjamanna,
sem reist voru af varnarliðinu og
NATO á sínum tíma, verða innan
þessa svæðis.
Þetta kom fram í máli Geirs H.
Haarde forsætisráðherra á opn-
um fundi um öryggismál í Valhöll
á laugardag. Sagði forsætisráð-
herra ráð fyrir því gert að á þessu
afmarkaða svæði yrði æfingaað-
staða eða aðstaða fyrir flugvélar
sem koma hingað til æfinga.
Hugsanlega yrði þar einnig gisti-
aðstaða fyrir þá sem þátt taka í
slíkum æfingum.
Þetta kom fram í svari Geirs við
fyrirspurn um hvernig til stæði að
nýta sérhæfð mannvirki varnar-
liðsins á Miðnesheiði.
Geir minnti á að sprengjuheldu
flugskýlin hefðu á sínum tíma ver-
ið tilefni mikilla deilna hér innan-
lands af hálfu Alþýðubandalagsins
þegar farið var að byggja þessi
skýli á vegum Bandaríkjahers og
NATO. Nú vildi svo til að þessi
skýli yrðu innan umrædds örygg-
issvæðis.
„Ég skal ekkert fullyrða um
hvort hægt er að nýta þau með
einhverjum hætti til borgaralegra
nota og þykir það reyndar ólík-
legt, en eins og staðan er núna þá
myndu þessi mannvirki tilheyra
þessu öryggissvæði,“ sagði for-
sætisráðherra.
Hann var einnig spurður hvort
Varnarlið Íslands (Iceland De-
fence Force) væri enn til sem ein-
ing innan Bandaríkjahers og sagði
Geir að sú eining hefði verið lögð
niður í september sl.
Hundraða milljóna kostnaður
vegna ratsjárstöðvanna
Einnig kom fram í máli Geirs að
ekki lægi fyrir mat á hver heild-
arkostnaður Íslendinga vegna
brotthvarfs varnarliðsins gæti
orðið þegar á allt væri litið. Nefndi
hann sem dæmi að íslensk stjórn-
völd hefðu lýst yfir að þau væru
tilbúin að tryggja áframhaldandi
rekstur ratsjárstöðvanna og taka
á sig verulegan kostnað í
tengslum við það. ,,Það er eitt af
því sem eftir er að vinna úr en það
er ljóst að sá kostnaður skiptir
hundruðum milljóna á ári, ef tekst
að ná samkomulagi um að þessar
stöðvar verði áfram,“ segir Geir.
Sprengjuheldu flugskýl-
in á afmörkuðu svæði
Aðstöðu til æfinga komið upp á öryggissvæði á Keflavíkurflugvelli
Í HNOTSKURN
»Byggð voru alls 13styrkt og sprengjuheld
flugskýli sem hýstu F-15
orrustuþotur varnarliðsins
á níunda áratug síðustu ald-
ar.
»Skýlin áttu að standastallar árásir með venju-
legum vopnum. Hurðir
þeirra opnast inn og leggj-
ast ofan í gryfjur til að gera
þotunum kleift að aka út
óháð því hvort einhver fyr-
irstaða hefur hlaðist upp að
utanverðu.
»Pólitískar deilur urðuum byggingu skýlanna
á níunda áratugnum.
Eftir Ómar Friðriksson
omfr@mbl.is