Morgunblaðið - 23.10.2006, Blaðsíða 33
MORGUNBLAÐIÐ MÁNUDAGUR 23. OKTÓBER 2006 33
menning
E
N
N
E
M
M
/
S
IA
/
N
M
2
3
7
5
6
SKJÁREINN næst í gegnum Skjáinn og Digital Ísland
6 til sjö
Í kvöld milli kl. 18 og 19 á SKJÁEINUM
Iceland Airwaves var vel heppn-uð í ár, en hún er erfið, þaðvar arkað fulloft yfir Lækj-
artorg um helgina og bölvað yfir
bæklingnum og tónlistarmönnum
sem þurftu endilega að koma fram
samtímis, svo týndist Jens Lekman í
bæklingnum sem var leitt. Laug-
ardagskvöldið var samt afbragð og
bætti upp Go! Team vonbrigði
kvöldsins á undan, og raðirnar voru
fáar og stuttar sem betur fer.
Eftir þrjár nætur í reyk og svita í
sölum og búllum var sannarlega
kærkomið að sjá Jóhann Jóhanns-
son í Fríkirkjunni. Jóhann blandaði
saman vélrænu og mannlegri mýkt
af kostgæfni, skemmtilegast var þó
surgið og suðið. Ég mæli með plötu
Jóhanns, IBM 1401, a Useŕs Ma-
nual.
Svo var þemaþrenna við upphafkvölds í Hafnarhúsinu, menn
sem leikið hafa með öðrum hljóm-
sveitum en koma nú fram í eigin
nafni. Daníel Ágúst hefur tekið aft-
ur saman við rokkið, hugsanlega
kominn tími til, en a.m.k. virtist
hann á heimavelli í Hafnarhúsinu,
sveitin sem hann hefur fengið til
liðs við sig er fín, slide-gítarleikur
til fyrirmyndar, tónlist sem þó þarf
einhverja meltingu. Pétur Ben er
með allt sitt á hreinu, sveitin sem
hann hefur á bak við sig með ólík-
indum þétt og Pétur ekki síðri í
framlínunni en við hlið Mugison,
mjög heiðarlegt grúv. Biggi er að
gera góða hluti, hann mætti til
landsins umkringdur færum tón-
listarmönnum, blandaði poppi við
raftóna og fleiri hljóðfæri og er
prýðilegur lagasmiður, eins og
reyndar var þekkt fyrir.
Hinum megin við götuna, á samatíma og Biggi, var Johnny
Sexual með hestaklippingu að
syngja yfir dónamyndir sem sýndar
voru með myndvarpa, Johnny spil-
ar lyfjalegt elektró og fór í sem
stystu máli á kostum, tónlistin er
frábær, hann tekur sig hæfilega al-
varlega, og skammaði tölvuna fyrir
að spila vitleysur milli laga. Þá hef
ég hljómborðsleikarann sem fylgdi
Johnny grunaðan um að hafa ekki
verið tengdur við neitt. Mjög gott.
Sometime kom líka á óvart, miðað
við liðsskipan hélt ég að um ein-
hvers konar hliðarspor væri að
ræða, en þarna er á ferðinni full-
mótað band, með frábærri söng-
konu og miklum takti, stíl-kokkteill
með tíunda áratugs nostalgíu. Eitt
má staldra aðeins við, allir íslensku
tónlistarmennirnir sem undirrit-
aður sá þetta kvöld sungu á ensku.
Í Iðnó var hins vegar enginn takt-ur, undirritaður skildi ekki Evil
Madness, þarna er á ferðinni ein-
valalið sem er að gera fína hluti í
öðrum verkefnum og hefur marg-
sannað sig. Það gerðist lítið meðan
geðveikin illa lék, jú það heyrðust
mónótónískar drunur úr hátölurum
og meðlimir spjölluðu saman, fengu
sér bjórsopa, og bentu á tölvu-
skjáina sína. Kannski voru þau að
skoða eitthvað á YouTube.
Á Nasa var meira fjör, þar var al-
mennileg röð, svo einhverjir hafa
getað rifjað upp góðar minningar
frá því í fyrra, en fólk virtist þó
skila sér inn á þolinmæðinni. Bra-
zilian Girls spiluðu döbb og dans og
voru í banastuði, þétt og gott en
virkaði ekki nógu vel til lengdar.
Patrick Watson var líklega sásem kom mest á óvart um
helgina, honum hefur verið líkt við
ýmsa en upp úr stendur að mað-
urinn er mikill tónlistarmaður og
næmur, hann hefur ótrúlega rödd
og satt að segja galdraði hann upp
magnaða stemningu í Þjóðleik-
húskjallaranum, sviðsframkoman
sérstök og það var ekkert lág-
stemmt við það þegar hann barði
trommudiska með berum hnúum í
næstsíðasta lagi sínu, hann náði
enda áhorfendum algjörlega á sitt
band. Patrick Watson ætti að koma
og halda hér tónleika í fullri lengd
á stærri stað.
Það hefur svo ýmislegt verið sagtum þá félaga Dr. Mister & Mr.
Handsome, en það verður ekki tek-
ið af þeim að þeir kunna upp á hár
það sem þeir eru að gera, við lok
kvöldsins á NASA var misnöktu
fólki hrúgað upp á svið, og svo
dansað.
Langt laug-
ardagskvöld
»Eftir þrjár nætur íreyk og svita í sölum
og búllum var sann-
arlega kærkomið að sjá
Jóhann Jóhannsson í
Fríkirkjunni.
Ljósmynd/Árni Torfason
Einyrki Pétur Ben er með allt sitt á hreinu, sveitin sem hann hefur á bak við sig með ólíkindum þétt.
gisliar@mbl.is
AF LISTUM
Gísli Árnason