Morgunblaðið - 23.11.2006, Blaðsíða 1

fimmtudagur 23.
11. 2006
viðskipti mbl.is
viðskipti
Fræðslustjórinn sem hefur farið á rjúpnaveiðar frá fjórtán ára aldri » 20
TEKJUMÖGULEIKAR
MEÐ GÓÐU GENGI Á VELLINUM OG FJÁRFESTINGUM
GÆTU TEKJUR WEST HAM STÓRAUKIST » 8
„Ég held að þetta sé eitt stærsta
skrefið sem við höfum stigið hvað
varðar þróun bankans. Við erum
mjög ánægðir með þá alþjóðlegu
fjárfesta sem við fáum til liðs við
okkur, en þeir eru 110 talsins. Flest
stærstu sjóðastýringarfyrirtæki
heims tóku þátt í útboðinu,“ sagði
Hreiðar Már Sigurðsson forstjóri
Kaupþings banka, í samtali við
Morgunblaðið í gær, þegar jákvæð
niðurstaða hlutafjárútboðs bankans
meðal alþjóðlegra fjárfesta lá fyrir.
Hlutabréf Kaupþingsbanka féllu
um ...% í gær. Hreiðar Már segir að
það séu viðbrögð markaðarins við
því, að í útboðinu var veittur um 7%
afsláttur frá lokagengi í sænsku
kauphöllinni í fyrrakvöld, þannig að
hver hlutur var seldur á 750 krónur,
eða 75 sænskar krónur.
Hreiðar Már segir að með þessu
útboði hafi bankinn, í fyrsta sinn í
sögu Kaupþings banka, náð að sýna
fram á að hann hafi gott aðgengi að
alþjóðlegum hlutabréfamarkaði.
„Við teljum að með þessum hætti
aukist seljanleiki bréfanna okkar.
Þrír stórir bankar, Citygroup, Morg-
an Stanley og Fox-Pitt, Kelton eru
nú að hefja greiningu á hlutabréfum
okkar,“ sagði Hreiðar Már.
Hreiðar Már sagði að þetta útboð
myndi styðja við innri vöxt bankans.
„Þrátt fyrir töluverðan ólgusjó í
kringum íslenskt efnahagslíf og ís-
lenska banka, hefur Kaupþing
banki vaxið um 22% á fyrstu 9 mán-
uðum ársins. Jákvæð niðurstaða
þessa útboðs styður við innri vöxt
bankans og það gefur okkur einnig
tækifæri til þess að taka yfir aðra
erlenda banka,“ sagði Hreiðar
Már.
Verð á hlut í útboðinu nam 750
krónum eða 75 sænskum krónum.
Samkvæmt fréttatilkynningu frá
Kaupþingi banka var umframeftir-
spurn eftir hlutum í útboðinu og
þeim hefur verið úthlutað til breiðs
hóps alþjóðlegra fagfjárfesta.
Í tilkynningu til Kauphallar Ís-
lands frá í gær kemur fram að
heildarafrakstur af útboðinu nem-
ur 49,5 milljörðum íslenskra króna
sem samsvarar 547 milljónum evra.
Stjórn Kaupþings hefur sam-
þykkt að auka hlutafé bankans um
66.000.000 hluti. Þar eru þó ekki
taldir með þeir nýju hlutir, allt að
9,9 milljón hlutir (sem þegar hefur
verið úthlutað til alþjóðlegra fag-
fjárfesta), sem kunna að verða
gefnir út vegna umframsöluréttar
(e. over-allotment option).
Eitt stærsta skrefið
í þróun bankans
110 alþjóðafjárfestar tóku þátt í útboðinu
Hreiðar Már Sigurðsson forstjóri
Kaupþings banka ánægður með hlutafjárútboð bankans
Photo/Kristinn Ingvarsson
Forstjórinn Hreiðar Már Sigurðsson segir Kaupþing banka hafa sýnt fram
á að hann hafi gott aðgengi að alþjóðlegum hlutabréfamarkaði.
Eftir Agnesi Bragadóttur
agnes@mbl.is
GENGI íslensku krónunnar hélt
áfram að lækka í gær. Við upphaf
viðskipta var gengisvísitalan skráð
126,3 stig en hún endaði í 126,95
stigum og nemur lækkunin 0,51%.
Líkt og undanfarna daga var mikil
velta á millibankamarkaði í gær
eða 23,7 milljarðar króna. Þá voru
töluverðar sviptingar á gengi krón-
unnar yfir daginn; krónan veiktist
hratt um morgunin og fór geng-
isvísitalan hæst í 127,7 stig. Segir
Greining Glitnis að verðgildi krón-
unnar gæti hæglega rýrnað enn
frekar á næstunni.
Hlutabréf lækkuðu sömuleiðis í
viðskiptum gærdagsins. Úrvals-
vísitalan lækkaði um 1,54% og var
skráð 6.197 stig við lokun viðskipta.
Velta á hlutabréfamarkaði nam
8.604 milljónum króna.
Hlutabréf Vinnslustöðvarinnar
hækkuðu mest eða um 2,22% og
bréf Alfesca hækkuðu um 0,4%.
Mest lækkuðu bréf 365 eða um 3,4%
og bréf Kaupþings um 3,1%.
Gengi krónu og
hlutabréfa lækkar
ÁKVEÐIÐ hefur verið að segja
upp 17 starfsmönnum hjá Actavis á
Íslandi og verður 10 þeirra boðin
önnur störf innan samstæðunnar.
Halldór Kristmannsson, fram-
kvæmdastjóri hjá Actavis, segir að
ákveðnar skipulagsaðgerðir hafi
verið gerðar hjá Actavis á Íslandi
og segir félagið sífellt vera að leita
leiða til að auka samkeppnishæfni
félagsins sem oft hefur í för með
sér tilfærslur á störfum innan sam-
stæðunnar.
Uppsagnir hjá
Actavis á Íslandi