Lesbók Morgunblaðsins - 15.12.2007, Page 14

14 LAUGARDAGUR 15. DESEMBER 2007 MORGUNBLAÐIÐ
lesbók
María
Höfundur er myndskreytir og rithöfundur.
Í nótt
hefur sálunum
enn verið safnað saman
hinstu andvörpin lesin úr þaranum
leyst undan heljarþungum söndunum
og úr nístandi viðjum
íssins.
Nú gengur hún um fjöruna
og finnur þeim stað
um stund
í skjóli við sólvermdan stein
í sveig bláliljunnar
og í lautinni þar sem sandlóan
svaf.
Hvert glitrandi sandkorn
við skóvarp hennar jarteikn
og glóandi innsigli –
loforð um eilífa hvíld.
Guðrún Hannesdóttir