Morgunblaðið - 06.02.2007, Blaðsíða 11

MORGUNBLAÐIÐ ÞRIÐJUDAGUR 6. FEBRÚAR 2007 11
FRÉTTIR
STJÓRNVÖLD stefna að því að
verja 225 milljónum króna á næstu
þremur árum til að tryggja sam-
fellu í vetnisverkefnum á Íslandi.
Jón Sigurðsson iðnaðarráðherra
kynnti þetta á blaðamannafundi.
Reiknað er með framlögum frá
erlendum samstarfsaðilum, inn-
lendum orkufyrirtækjum og ýmsum
öðrum aðilum til verkefnisins.
Hið nýja verkefni kallast
SMART-H2 (Sustainable Marine
and Road Transport, Hydrogen in
Iceland). Markmið þess er m.a. að
koma af stað rekstri á 20–30 vetn-
isbílum og setja vetnisljósavél um
borð í ferðamannabát á sjó. Jafn-
framt er fyrirhugað að bera nið-
urstöður rannsókna á vetnisbílum
saman við hliðstæðar rannsóknir á
öðrum vistvænum bílum.
Út er komin áfangaskýrsla Vett-
vangs um vistvænt eldsneyti. Meg-
intillaga í skýrslunni lýtur að því að
endurskoða reglur um opinber
gjöld af ökutækjum til að dregið
verði úr notkun jarðefnaeldsneytis í
samgöngum.
Gera Íslendinga síður
háða innfluttu eldsneyti
„Vettvangur um vistvænt elds-
neyti er verkefni á vegum Orku-
stofnunar og er viðfangsefni hans
hvað eina er lýtur að því að gera Ís-
lendinga síður háða innfluttu elds-
neyti en nú er og nýta innlenda
orku í staðinn. Að stjórn Vettvangs-
ins koma sex ráðuneyti: iðn-
aðarráðuneyti, utanríkisráðuneyti,
sjávarútvegsráðuneyti, umhverfis-
ráðuneyti, samgönguráðuneyti og
fjármálaráðuneyti,“ segir í tilkynn-
ingu.
Meginmarkmið þessara tveggja
verkefna er að leita leiða til að nýta
innlenda orkugjafa í stað innflutts
jarðefnaeldsneytis í samgöngum
landsmanna og draga um leið úr
losun gróðurhúsalofttegunda.
Keppt er að því að fá niðurstöður
um það hvers konar vistvæn tækni
henti best í samgöngutækjum á Ís-
landi.
225 milljónir í vetni
Morgunblaðið/Sverrir
Vetni Jón Sigurðsson iðnaðar- og viðskiptaráðherra kynnti framhald vetn-
isverkefnisins. Stefnt er að því að 20–30 vetnisbílar verði í umferðinni.
Í HNOTSKURN
»25 milljónir króna af fjár-lögum þessa árs fara í
vetnisverkefnið. Seinni
greiðslur verða til úthlutunar
2008 og 2009 samkvæmt nán-
ari ákvörðun Alþingis.
»Verkefnunum er ætlað aðafla stjórnvöldum þekk-
ingar og aðstoða þau við
stefnumótun og æskilega for-
ystu á þessu sviði.
ÁKVEÐIÐ hefur verið að leggja um
10 km langa metangasleiðslu frá
hreinsistöð Sorpu bs. í Álfsnesi á
Kjalarnesi að afgreiðslustöð Essó á
Bíldshöfða og segir Björn H. Hall-
dórsson, framkvæmdastjóri Metan
hf., að Orkuveitan stefni að því að
leiðslan verði tilbúin í haust. Fram-
leiðsla metangass í Álfsnesi full-
nægir þörf um 4.000 smærri öku-
tækja á ári, en nú eru um 55 ökutæki
hérlendis sem ganga fyrir metani að
hluta eða öllu leyti.
Björn Halldórsson segir að með
leiðslunni sparist verulegur flutn-
ingskostnaður. Nú sé gasið flutt í
sérstökum gámum en aukin hagræð-
ing skapist með leiðslunni og grund-
völlur fyrir annarri afgreiðslustöð.
Framleiðsla í áratug
Gaskerfi Sorpu bs. í Álfsnesi var
formlega tekið í notkun í desember
1996. Árið 1999 stofnaði Sorpa
ásamt Aflvaka hf. fyrirtækið Metan
til að þróa, framleiða og markaðs-
setja orku úr hauggasi. Árið eftir var
sett upp tilraunahreinsistöð í Álfs-
nesi þar sem metan var skilið úr
hauggasinu og hreinsað til notkunar
sem eldsneyti á ökutæki. Sama ár
voru fyrstu tvíorkubílarnir fluttir
inn til landsins en fjölgun þeirra hef-
ur verið mjög hæg og hafa þeir notað
að meðaltali um 1% af metaninu sem
kemur upp úr haugnum árlega.
Árið 2005 komu hingað til lands
fyrstu ökutækin sem eingöngu nýta
metan sem eldsneyti, Þetta voru
krókbíll, sorpbíll á vegum Reykja-
víkurborgar og tveir strætisvagnar.
Björn segir að Reykjavíkurborg
stefni að því að allir sorpbílar borg-
arinnar utan einn verði knúnir met-
ani í ár eða alls níu bílar. Talsmenn
Metans hafi ýtt undir það að fleiri
strætisvagnar notuðu metan sem
eldsneyti og eins hafi metan sér-
staklega verið kynnt fyrir fyr-
irtækjum sem séu með mikinn bíla-
flota.
Innlend framleiðsla
Björn bendir á að notkun met-
angassins sem eldsneytis á ökutæki
breyti miklu. Framleiðslan hafi sýnt
að hægt sé að framleiða eldsneyti
innanlands. Um þessar mundir sé
líka ákveðin vakning í gangi og menn
sjái að metan sé vænlegur kostur
enda mengunin margfalt minni mið-
að við bensín. Ríkið veitir afslátt af
vörugjöldum ökutækja sem ganga
fyrir metani og segir Björn að smá-
bílar sem noti metan kosti það sama
og bílar sem noti annað eldsneyti.
Hins vegar spyr hann hver hafi sagt
að næsta eldsneyti yrði ódýrara en
það sem nú sé mest notað. „Væri
ekki búið að finna það upp og koma
því á markað ef næsta lausn væri
miklu ódýrari heldur en það sem við
erum með í dag?“ Hann spyr líka
hvernig meta eigi umhverfisáhrifin
með vísan til þess að með því að nýta
metan sem eldsneyti á ökutæki
sparist sá útblástur sem hefði orðið
vegna notkunar á jarðefnaeldsneyti.
Í fyrra tók Metan í notkun nýja
hreinsistöð í Álfsnesi og getur hún
annað því magni af metani sem ætl-
að er að geti komið úr haugnum.
Björn segir að auk þess sé möguleiki
á að framleiða metan úr úrgangi og
með ræktun á sérstökum plöntum.
Þetta verði meðal annars rætt á ráð-
stefnunni „Hvernig ökum við í átt að
vistvænni framtíð? – Verður metan
lykilorðið?“, sem Sorpa, Metan og
Olíufélagið standi að á Grand hóteli á
fimmtudag í tilefni tímamótanna.
Geta framleitt metan
fyrir um 4.000 bíla
Um 55 ökutæki
hérlendis ganga
fyrir metani
Morgunblaðið/Árni Sæberg
Eldsneyti Á sorphaugum Sorpu í Álfsnesi er unnið metangas úr úrgang-
inum og er það meðal annars notað sem eldsneyti á bifreiðar.
„MÉR finnst þetta mjög spennandi.
Ég er nú búin að starfa á sveit-
arstjórnarstiginu í fimm ár og það
er búið að vera gífurlega lærdóms-
ríkt þannig að það verður afar
spennandi að starfa að sama mála-
flokki á landsvísu,“ segir Ellý
Katrín Guðmundsdóttir, fráfarandi
sviðsstýra umhverfissviðs Reykja-
víkurborgar, sem ráðin hefur ver-
ið forstjóri Umhverfisstofnunar.
Ellý Katrín lauk embættisprófi í
lögfræði frá Háskóla Íslands árið
1990 og meistaraprófi í umhverfis-
og alþjóðarétti frá University of
Wisconsin Law School árið 1997.
Hún starfaði áður hjá lagadeild
Alþjóðabankans í Washington, DC,
en tók við starfi forstöðumanns
Umhverfis- og heilbrigðisstofu
Reykjavíkur þegar hún var stofn-
uð 1. janúar 2002 og gegndi því
starfi þar til stjórnkerfisbreyt-
ingar voru gerðar hjá Reykjavík-
urborg í ársbyrjun 2005 og tók
hún þá við sem sviðsstýra Um-
hverfissviðs Reykjavíkurborgar.
Ellý Katrín mun taka til starfa
sem forstjóri Umhverfisstofnunar í
lok mars.
Aðspurð hvort
hún muni færa
ný baráttumál
með sér til Um-
hverfisstofnunar
segist Ellý ætla
að skoða allar
breytingar með
starfsfólki stofn-
unarinnar. „Ég
sé fyrir mér
Umhverfis-
stofnun sem sterka og framsækna
stofnun sem vinnur að framgangi
umhverfismála í landinu og sú
vinna verður mótuð með því ágæta
fólki sem þar vinnur. Ég boða eng-
ar róttækar breytingar fyrirfram,“
segir Ellý og bætir því við að tím-
inn hjá borginni hafi verið sérlega
góður.
„Þetta er að sjálfsögðu til-
hlökkun en um leið örlítilli tregi,
því mér hefur liðið mjög vel hérna
hjá Reykjavíkurborg, með frábært
samstarfsfólk, bæði borgarfulltrúa
og starfsmenn umhverfissviðs og
Reykjavíkurborgar. En það verður
gaman að fá tækifæri til að horfa
á umhverfismálin á landsvísu.“
„Sé fyrir mér
sterka og fram-
sækna stofnun“
Ellý Katrín
Guðmundsdóttir
LÖGREGLAN á höfuðborgarsvæð-
inu stöðvaði um helgina átta öku-
menn sem ekki höfðu réttindi til
aksturs. Annað hvort var um að
ræða ökumenn sem höfðu verið
sviptir ökuleyfi eða menn sem aldrei
höfðu öðlast réttindi til aksturs.
Í einu tilviki á átján ára piltur yfir
höfði sér tíu þúsund króna sekt fyrir
að hafa lánað fimmtán ára stúlku bif-
reið sína. Stúlkan var stöðvuð á Sæ-
braut aðfaranótt sunnudags og hefur
pilturinn játað að hafa gefið leyfi sitt
fyrir akstrinum, en með því gerðist
hann brotlegur gegn umferðarlög-
um. Þar að auki má stúlkan búast við
að fá jafn háa sekt fyrir að hafa ekið
bifreið án réttinda. Verði hún uppvís
að sama broti á nýjan leik mun sekt-
in hækka upp í tuttugu þúsund kr.
Fjórtán ökumenn alls voru stöðv-
aðir vegna gruns um ölvun undir
stýri, þar af ein kona. Samkvæmt
upplýsingum frá lögreglu var tæp-
lega helmingur ölvaðra ökumanna
þessa helgina í kringum tvítugt.
Tíu þúsund króna sekt
fyrir að lána bíl sinn
FYRIRÆTLANIR flugfélagsins
Iceland Express um að hefja innan-
landsflug í samkeppni við Flugfélag
Íslands eru í
nokkru uppnámi í
ljósi þess að félag-
ið fær ekki inni á
Reykjavíkurflug-
velli vegna að-
stöðuleysis. Flug-
félag Íslands er
einkaeigandi að-
stöðunnar þar og
tjáir Iceland Ex-
press að vegna
aðstöðuleysis sé ekki hægt að hleypa
því inn í flugstöðina á Reykjavíkur-
flugvelli.
Að sögn Matthíasar Imsland,
framkvæmdastjóra Iceland Express,
hóf félagið að skoða innanlandsmark-
aðinn fyrir nokkru og komst að þeirri
niðurstöðu að sókn inn á hann væri
fýsilegur kostur.
Samstarfið gengið afbragðsvel
„Við útveguðum flugvélar og fór-
um að huga að framkvæmdinni. Við
sendum í því skyni m.a. bréf til Flug-
félags Íslands til að biðja um aðstöðu
á Reykjavíkurflugvelli,“ segir Matth-
ías. „Við höfum fengið aðstöðu í sam-
starfi við Flugfélagið á Egilsstöðum
og Akureyri og það samstarf hefur
gengið afbragðsvel. Við áttum því
von á góðu, en var hins vegar tjáð að
vegna aðstöðuleysis væri ekki hægt
að þjónusta okkur í flugstöðinni í
Reykjavík. Þó var bent á að í framtíð-
inni væri stefnt að því að byggja
meira og myndu forsendur breyt-
ast.“
Matthías segir þessa niðurstöðu
torvelda Iceland Express mjög að
sækja inn á innanlandsmarkaðinn og
félagið hafi leitað annarra leiða til að
hefja innanlandsflugið. Ljóst er þó að
málsatvik eru þeim ekki í hag að svo
komnu máli. „Þetta flækir málið al-
veg gríðarlega,“ bendir Matthías á.
„En við förum samt ekki á taugum
þótt málið tefjist í eitt ár eða svo,“
bætir hann við.
Iceland Express gerði samning
um að fá tvær flugvélar frá útlöndum
sem áttu að annast innanlandsflugið
fyrir félagið og stóð til að þær yrðu
staðsettar á Akureyrarflugvelli.
Jafnvel var farið að ræða möguleika
á að fljúga líka til Ísafjarðar, sem
fjórða áfangastaðar.
Matthías segist gera sér grein fyr-
ir því að á Reykjavíkurflugvelli sé að-
staðan ekki sem best, en eigi að síður
telur hann að unnt hefði verið að
finna „smáhorn“ fyrir starfsemi Ice-
land Express. „Samstarf okkar við
Flugfélag Íslands hefur verið með
ágætum,“ segir hann en ýjar að því
að e.t.v. hafi flugfélaginu þótt keppi-
nauturinn fullfrekur til fjörsins.
Komast ekki í
innanlandsflugið
Eftir Örlyg Stein Sigurjónsson
orsi@mbl.is
Matthías Imsland