Morgunblaðið - 06.02.2007, Side 20

Syngjandi Söngkonan Christina
Aguilera bregður á leik á tónlist-
arverðlaununum í Cannes í ár - að
sjálfsögðu í skóm hönnuðum af
Louboutin.
Eftir Unni H. Jóhannsdóttur
uhj@mbl.is
MANOLO Blahnik er ennþá konungur
skóhönnuða en Fransmaðurinn Christi-
an Louboutin hefur rennt sér upp að
hlið hans í tískuheiminum. Stór-
stjörnur í tónlistar- og kvikmynda-
heiminum, konur á borð við Gwen
Stefani og Nicole Kidman, jafnt sem
þroskaðri leikkonur eins og Catherine
Deneuve, dá hann og ganga á rauðum
sólunum hans eftir rauðum dregl-
unum.
„Skór eru ekki fylgihlutur, þeir eru
einkenni,“ segir þessi nýi meistari sem
sækir fyrirmyndirnar í næturlíf Par-
ísarborgar, þar sem dans- og sýning-
arstúlkur veittu honum upphaflega
innblástur. Hann hefur gjörsamlega
heillað konur upp úr skónum sem sést
e.t.v. best á því að þær hiksta ekki
einu sinni yfir verði skóparsins, sem
er 15.000–60.000 krónur. Það finnst
sumum ekki mikið fyrir fullkominn
samruna fegurðar og stíls, sem getur
gert hvaða konu sem er kynþokkafulla
á augabragði.
Vörumerki Louboutins er hinn rauði
sóli. „Ég vil brjóta upp hina líflitlu
svörtu og kremuðu sóla,“ segir hann.
Og svo sannarlega eru rauðu sólarnir
flottir, hvort sem er á hælaháum
svörtum skóm eða þeim sem eru litrík-
ari og hafa fylltan hæl. Þeir eru rjóm-
inn, sem, aldrei þessu vant, er undir
glæsilegri tertu. Smáatriði sem verður
stórt þegar á heildina er litið – eins og
svo margt annað í skósmiðju Frans-
mannsins.
Frægir Þeir frægu, eins og
Nicole Richie, ganga að
sjálfsögðu í réttu skónum
– Louboutin, sem segir ef
til vill meira en mörg orð
um hversu heitur hönn-
uðurinn er.
Í rjómalagaðri skósmiðju Christians Louboutins
Skófíkill Blahnik og Loubout-
in voru í afar miklu uppáhaldi
hjá Beðmálsstúlkunni Carrie
Bradshaw sem Sarah Jessica
Parker lék svo einstaklega eft-
irminnilega.
Reuters
tíska
Klassískt Skór þurfa ekki að vera með
10 cm hælum til að hafa aðdráttarafl.
Gimsteinar Louboutin skreytir
skóna líka steinum.
Formfagrir Rauðir,
lakkaðir og lokkandi.
matur
20 ÞRIÐJUDAGUR 6. FEBRÚAR 2007 MORGUNBLAÐIÐ
Eftir Bergþóru Njálu Guðmundsdóttur
ben@mbl.is
Þörf er á jákvæðari um-ræðum um skólamötu-neyti til að hvetja þá semþar starfa til að bæta
matinn og þjónustuna. Þetta segir
matráður í Klébergsskóla sem vís-
ar því á bug að börn á skólaaldri
fúlsi við hollum mat. Þvert á móti
segir hún þau taka hollmetinu feg-
ins hendi.
Eins og fram kom í Morgun-
blaðinu sl. miðvikudag fer því fjarri
að manneldismarkmiðum sé fylgt
eftir í öllum mötuneytum grunn- og
leikskóla skv. könnun sem Lýð-
heilsustöð gerði árið 2005. Sömu-
leiðis er þátttaka nemenda í mötu-
neytum misgóð og greinilegt að
nemendum fækkar í áskrift á mat
eftir því sem þeir eldast.
Þannig er því þó ekki farið á öll-
um stöðum. Að sögn matráðsins í
Klébergsskóla á Kjalarnesi, Mörtu
Guðrúnar Guðmannsdóttur, borða
um 95% nemenda mat í skólanum
og aðeins tveir nemendur á ungl-
ingastigi eru ekki í áskrift. Hún
segir hollustuna hafða í fyrirrúmi í
mötuneytinu.
„Reyndar finnst okkur við ekki
hafa nægan mannskap en gerum
eins og við getum. Tvo daga í viku
erum við þrjár og þá eldum við allt
frá grunni. Hina dagana er matseð-
illinn svolítið misjafn en við reyn-
um að vera mjög sjaldan með tilbú-
inn mat. Þegar það gerist, t.d.
þegar við kaupum tilbúnar fisk-
bollur, fáum við nákvæma inni-
haldslýsingu og pössum upp á að
hún standist okkar kröfur. Við
bjóðum aldrei upp á pylsur eða
annað slíkt en einu sinni á hvorri
önn pöntum við pítsu. Við bökum
brauð á staðnum úr spelti og sömu-
leiðis bjóðum við speltpasta þegar
slíkur matur er á borðum.“
„Sjoppur“ spilla fyrir
Eitt af því sem kom fram í könn-
un Lýðheilsustöðvar var að ávextir
eru sjaldséð vara í mötuneytum
grunnskóla. Í Klébergsskóla er
hins vegar ávaxtastund alla morgna
sem kemur að vissu leyti í staðinn
fyrir nestistíma. „Starfsfólkið hér
er flest sammála um að börnin eru
allt önnur eftir að við byrjuðum á
þessu,“ segir Marta Guðrún sem
segir líka mikilvægt að börnin
þekki matinn sem þau borði. „Við
reynum að útskýra fyrir þeim hvað
er í matnum í staðinn fyrir að
bjóða upp á einhverja óskilgreinda
fæðu í raspi. Það breytir miklu því
þannig eru þau mun jákvæðari að
smakka og prófa sig áfram.“
Hún segir ganga mjög vel að
koma matnum ofan í börnin. „Það
er mjög gaman að gefa þeim að
borða því þau mala hreinlega af
ánægju. Einu sinni í viku erum við
með matarmikla súpu sem við eld-
um frá grunni og jafnvel þau börn
sem eru búin á hádegi bíða í hálf-
tíma eftir matartímanum því þau
vilja ekki fyrir nokkurn mun missa
af henni.“
Marta Guðrún bendir á að í
mörgum skólum séu eins konar
„sjoppur“ þar sem boðið er upp á
samlokur og annað slíkt í sér-
afgreiðslu fyrir unglingana. „Þetta
er ekki hollustufæði að mínu mati,“
segir hún. „Ég er viss um að það
skemmir mjög mikið fyrir þátttöku
nemendanna í matnum þegar farið
er að selja þeim tilbúnar langlokur,
hamborgara til að setja í örbylgj-
una og snúða úr bakaríinu. Ég veit
að ég hefði valið það fram yfir soð-
inn fisk eða kjötbollur þegar ég var
unglingur. Stundum heyrast þau
rök að nemendurnir fari þá bara í
hverfissjoppuna ef þetta er ekki
gert en við höfum líka slíka sjoppu
hér. Og það virðist ekki spilla fyrir
þátttökunni.“
Álag á starfsfólki
Marta Guðrún telur starfs-
mannafæð í mötuneytunum hafa
mikil áhrif á gæði matarins. „Sölu-
menn tilbúinna matvæla hafa líka
mjög opinn aðgang að okkur sem
störfum í eldhúsunum og ég hef
ekki undan að vísa þeim frá. Þegar
þeir staðhæfa að þessi matur sé
notaður í öllum skólum samhliða
því að álagið á starfsfólkinu er mik-
ið getur auðvitað verið freistandi að
kaupa tilbúið fæði sem er auðveld-
ara í eldun en annað.“
Fyrst og síðast telur hún þó já-
kvæða umræðu um mötuneytismál
nauðsynlega. „Það gerist ekkert í
þessum málum nema fólk hafi sjálft
áhuga á breytingum. Það munar
öllu að við í Klébergsskóla höfum
allan stuðning skólastjórnenda okk-
ar og góðan meðbyr frá foreldrum.
Hrós virkar alltaf sem vítamín-
sprauta.“
Hún segir alla sammála um að
góð og holl fæða sé grunnurinn að
því að börnin vinni vel í skólanum.
„Það segir sig sjálft að við afköst-
um meiru ef við erum södd og glöð.
En mikilvægast er að fólk viti að
það er vel hægt að breyta hlut-
unum til hins betra og það skilar
sér margfalt til baka.“
Börnin taka hollustunni fagnandi
Morgunblaðið/Ásdís
Ávaxtastund „Starfsfólkið hér er flest sammála um að börnin eru allt önnur eftir að við byrjuðum á þessu.“
Hollusta „Það gerist ekkert í þessum málum nema fólk hafi sjálft áhuga á
breytingum,“ segir Marta Guðrún Guðmannsdóttir, matráður í Klébergsskóla.
Sölumenn tilbúinna mat-
væla hafa líka mjög op-
inn aðgang að okkur
sem störfum í eldhús-
unum og ég hef ekki
undan að vísa þeim frá.