Morgunblaðið - 19.03.2007, Qupperneq 9

MORGUNBLAÐIÐ MÁNUDAGUR 19. MARS 2007 9
FRÉTTIR
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
Bolir með kraga
ermalausir og stutterma


 

 
     
 Sími 567 7776 - Opið frá kl. 12-18
Höfum opnað LAGERÚTSÖLU
í Síðumúla 3-5
MIKILL AFSLÁTTUR
Eftir Örlyg Stein Sigurjónsson
orsi@mbl.is
NÝ vefgátt hefur verið opnuð þar
sem safnað hefur verið saman miklu
magni landfræðilegra upplýsinga
handa almenningi, skólum og sér-
fræðingum. Vefurinn ber heitið
landakort.is og er hannaður af Þor-
valdi Bragasyni.
Nánar tiltekið er um að ræða vef-
gátt þar sem birtir eru tenglar í vef-
síður sem sýna kortagögn og annað
landfræðilegt efni innanlands sem
utan. Vefsíðunum er raðað eftir völd-
um efnisflokkum sem aðgengilegir
eru á forsíðu, en stutt skýring fylgir
hverri skráningu. Jafnframt eru
birtar fréttir um það helsta sem er
að gerast hér á landi í útgáfumálum
korta og landupplýsingaþjónustu á
Netinu.
Þorvaldur Bragason hóf að leggja
drög að vefnum í meistaranámi sínu
við Háskóla Íslands sem lauk í febr-
úar sl. en í meistaraverkefni sínu
fjallaði hann um miðlun upplýsinga
um landfræðileg gögn á Íslandi. Við
rannsóknir sínar viðaði hann að sér
miklum heimildum og tilvísunum á
vefnum sem honum fannst full
ástæða til að flokka og setja í að-
gengilegt form á einn stað. Var þetta
gert til hliðar við meistaraverkefnið.
„Með því móti sá ég kost á því að
geta miðlað öðrum gríðarlegu efni
með skipulögðum hætti,“ bendir
hann á. „Ég er áhugasamur um að
birta upplýsingar um kort og land-
fræðileg efni á Netinu og tók ákvörð-
un um að láta efnið spanna breitt
svið. Í upphafi velti ég fyrir mér
hvernig flokkun efnisins ætti að fara
fram og varði nokkrum tíma í þá
vinnu. Á síðari stigum fór vefurinn
að taka á sig mynd þegar ég fann
hugbúnað sem hentaði til framsetn-
ingar og naut ég aðstoðar Garðars
Garðarssonar netráðgjafa í þeim
efnum. Að lokum var vefurinn kom-
inn í endanlegt horf og orðið tíma-
bært að opna hann.
Þeir notendur sem geta haft gagn
af efni vefjarins eru í raun allir þeir
sem hafa áhuga á að finna landakort
á Netinu. Vefurinn mun án efa nýt-
ast öllum almenningi og skólakerfinu
sömuleiðis. Einnig munu sérfræð-
ingar í mörgum greinum geta nýtt
sér vefinn. Þarna er um að ræða mik-
ið efni sem er samankomið á einum
stað og það vita þeir sem til þekkja
hversu vinnusparandi það er að fara
inn um eina vefgátt í leit að tilteknu
efni.“
Ferðamál og kortavefsjár
Á landakort.is er efnið flokkað í 12
meginflokka sem síðan er skipt upp í
38 undirflokka. Í meginflokkum eru
m.a. ferðamál, kortavefsjár, söfn og
fjarkönnun. Meðal undirflokka má
nefna kortavefi og -verslanir, gervi-
tunglamyndir, loftmyndir, korta- og
landfræðisöfn svo fátt eitt sé nefnt.
Þorvaldur segist stefna að því að
stækka vefinn umtalsvert í náinni
framtíð, þó með þeim fyrirvara að
efnið standist ákveðnar kröfur. „Ég
vil fjölga tenglunum sem fara inn á
vefinn og jafnframt vil ég hafa tæki-
færi til að búa til efnisorðakerfi til að
efla leit í vefgáttinni. Ég sé ýmsa
möguleika á áframhaldandi þróun
t.d. í samstarfi við ýmis fyrirtæki.“
Þorvaldur segir að við vinnslu
vefjarins hafi það komið honum tölu-
vert á óvart hversu mikið landfræði-
legt efni sé tiltækt á Netinu, bæði ís-
lenskt efni og erlent. „Þegar saman
fór sú staðreynd að gífurlegt efni var
að finna á Netinu og áhugi minn á
miðlun þessara upplýsinga var nán-
ast sjálfgefið að vefur af þessu tagi
myndi líta dagsins ljós,“ segir Þor-
valdur sem ætlar að halda áfram að
bæta vefinn.
Kort og landfræðilegar
upplýsingar á nýrri vefgátt
Morgunblaðið/Kristinn
Netið Vefurinn heitir landakort.is og er hannaður af Þorvaldi Bragasyni.
TENGLAR
..............................................
landakort.is
FULLTRÚAR úr Átakshópi ör-
yrkja, þeir Arnór Pétursson, Arn-
þór Helgason og Hannes Sigurðs-
son, hafa sent frá sér
fréttatilkynningu. Þar segjast þeir
hafa afþakkað samstarf við Bar-
áttusamtök eldri borgara og ör-
yrkja vegna framboðs til Alþingis í
vor.
„Við teljum að ekki muni nást sú
breiðfylking sem þarf til þess að
slíkt framboð skili árangri, enda
hafa ýmis samtök aldraðra og ör-
yrkja beinlínis tekið afstöðu gegn
slíku framboði. Við teljum þessa af-
stöðu ámælisverða og hörmum að
stjórnir samtakanna skuli ekki bera
gæfu til þess að styðja með einum
eða öðrum hætti við framboðið,“
segir m.a. í tilkynningunni.
Fulltrúarnir úr átakshópnum
spyrja hvort það geti verið að for-
ráðamenn samtakanna séu svo
bundnir eða háðir þeim stjórnmála-
flokkum sem eiga fulltrúa á Alþingi
að það móti þessa „óskiljanlegu af-
stöðu“.
Meiri áhersla á aldraða
Þeir telja einnig að umræðan
vegna framboðs eldri borgara og
öryrkja hafi orðið til þess að flestir
stjórnmálaflokkar leggi nú meiri
áherslu á málefni lífeyrisþega en
áður. Þó halli mjög á fatlaða í um-
ræðunni. Þá óska þeir Baráttuhópn-
um góðs gengis og hvetja fatlað fólk
til að skoða vandlega þá kosti sem
verða í boði í vor.
Afþakka
samstarf
við Baráttu-
samtökin
HINN 20. mars nk. fer fram ráð-
stefna á Grand Hotel um breyttar
áherslur í þjónustu aldraðra. Meðal
framsögumanna verða þær Angela
Joel Anderson og Mary Lonergan,
framkvæmdastjórar White Oak í
Ástralíu, en fyrirtækið býður upp á
alhliða umönnun í heimahúsum.
Morgunblaðið ræddi við aðra þeirra,
Angelu Anderson, en hún er iðju-
þjálfi að mennt og hefur mikla
reynslu á sviði heilbrigðis- og örygg-
isráðgjafar; hefur sinnt einkarekstri
í áratug og er varaformaður félags
smáfyrirtækja í Ástralíu. „Við erum
lítið, einkarekið fyrirtæki sem brúar
bilið milli spítala og heimilis. Starf
okkar miðar aðallega að því að gefa
einstaklingum sem hafa verið á
sjúkrahúsi tækifæri til að komast
fyrr heim en ella, auk þess sem við
bjóðum öldruðum sem þarfnast
minniháttar aðstoðar upp á þann val-
kost að dvelja heima hjá sér í stað
þess að fara á hjúkrunar- eða elli-
heimili,“ segir
Angela. Hún
kveður tilgang
heimsóknarinnar
fyrst og fremst
þann að sýna Ís-
lendingum fram á
hvernig einkafyr-
irtæki geti stuðl-
að að eflingu hins
opinbera heil-
brigðiskerfis.
„Tökum okkur sem dæmi: Við erum
lítil og skilvirk eining með fagfólk í
hverri stöðu. Við erum sveigjanleg
sökum smæðarinnar og ég tel að
þegar allt kemur til alls sé það alls
ekki kostnaðarsamara fyrir ríkið að
verja fjármunum í einkaaðila á borð
við okkur, þar sem opinberar stofn-
anir eru oft á tíðum mjög ósveigjan-
legar og skriffinnskan þar yfirþyrm-
andi.“ Angela segir að með
einkarekstri á þessu sviði minnki
álag á sjúkrahúsum og hjúkrunar-
heimilum til muna auk þess sem
ánægja sjúklinga með heilbrigðis-
kerfið aukist, þar sem þeir geta valið
milli þess að vera á stofnun eða fá þá
hjálp sem þeir þarfnast heima við.
Þjónustan í fyrirrúmi
Að sögn Angelu er umræðan um
einkarekstur í heilbrigðiskerfinu oft
á tíðum lituð af því viðhorfi fólks að
einkafyrirtæki svífist einskis við að
hámarka eigin hagnað og það komi
niður á gæðum þeirrar þjónustu sem
veitt er. „Okkar markmið er alls ekki
að stórgræða á þessu, umönnunin er
alltaf í fyrsta sæti og við förum eftir
ákveðnum stöðlum og siðareglum,“
segir Angela. Að sögn Angelu hafa
viðtökur Ástrala við þjónustu White
Oak verið mjög góðar, ekki bara hjá
þeim sem nýta sér þjónustuna, held-
ur einnig aðstandendum þeirra, sem
geti nú varið auknum tíma með sín-
um nánustu án þess að vera föst í
umönnunarhlutverkinu.
Brúa bilið milli
spítala og heimilis
Áströlum boðið upp á einkarekna umönnunarþjónustu
Angela Joel
Anderson
UM hundrað manns tóku þátt í vor-
maraþoni Félags maraþonhlaupara
í Reykjavík um helgina. Hlaup-
ararnir, konur og karlar á öllum
aldri, hlupu hálft eða heilt mara-
þon.
Keppnin hófst við gamla Raf-
veituhúsið í Elliðaárdal og hlaupið
var eftir hitaveitustokknum inn
Fossvogsdalinn, út á Ægissíðuna og
til baka. Þeir sem þreyttu heilt
maraþon hlupu leiðina tvisvar sinn-
um. Þrátt fyrir snjóinn sem kyngt
hafði niður fór hlaupið fram í blíð-
skaparveðri, lygnt var og hitinn um
1,4 gráður á Celsíus.
Morgunblaðið/Sverrir
Vormaraþon í mjöll
og rjómablíðu
„HINIR staðföstu stríðsandstæðing-
ar“ er heiti á hópi félagasamtaka sem
eiga það sameiginlegt að hafa alla tíð
andæft stríðinu í Írak og gera það
enn. Í hópnum eru ungliðahreyfingar
tveggja stjórnmálaflokka auk félaga
sem látið hafa sig varða friðar- og af-
vopnunarmál.
Nú þegar fjögur ár eru liðin frá
þessari hörmulegu innrás hefur heim-
inum aldrei mátt vera betur ljóst hví-
lík mistök voru þar gerð. Mistök þessi
nutu fulltingis íslensku ríkisstjórnar-
innar. Mánudagskvöldið 19. mars
munu „hinir staðföstu stríðsandstæð-
ingar“ efna til baráttusamkomu í
Austurbæ, þar sem hernáminu verð-
ur mótmælt og þess krafist að íslensk
stjórnvöld axli ábyrgð vegna hins sví-
virðilega stuðnings við ólöglegt árás-
arstríð, segir í fréttatilkynningu.
Dagskráin hefst kl. 20. Ávörp
flytja: Guðfríður Lilja Grétarsdóttir
og Helgi Hjörvar. Tónlistaratriði:
XXX Rottweilerhundar, Ólöf Arnalds
& Vilhelm Anton Jónsson. Upplestur:
Bragi Ólafsson. Kynnir: Davíð Þór
Jónsson. Hinir staðföstu stríðsand-
stæðingar eru: Samtök hern-
aðarandstæðinga, MFÍK, Þjóðar-
hreyfingin – með lýðræði, Ung vinstri
græn og Ungir jafnaðarmenn.
„Stjórnvöld axli ábyrgð“