Morgunblaðið - 14.05.2007, Page 4

4 MÁNUDAGUR 14. MAÍ 2007 MORGUNBLAÐIÐ
FRÉTTIR
Skógarhlíð 18 • sími 595 1000 • www.heimsferdir.is
Frábær sólartilboð
í maí og júní
frá kr. 39.990
Góð gisting - frábær sértilboð
Rhodos, 2. júní
Verð frá kr. 49.990
- Sértilboð á Kassandra
Costa del Sol, 23. maí
Verð frá kr. 39.990
- „Stökktu“ í 2 vikur
Króatía, 3. júní
Verð frá kr. 39.990
- Sértilboð á Diamant
Mallorca, 25. maí
Verð frá kr. 49.990
- Sértilboð á Fontanellas
Munið Mastercard
ferðaávísunina
Kynntu þér þessi og önnur tilboð á
www.heimsferdir.is
KJÖRSÓKN hefur aldrei fyrr í sögu
lýðveldisins verið jafn lítil og í al-
þingiskosningunum um helgina, en
þá var kosningaþátttaka 83,6%. Þar
áður var kjörsókn minnst 1999,
84,1%. Á landinu voru 221.368 á kjör-
skrá en 185.071 neyttu kosninga-
réttar síns.
Meðalkjörsókn í þeim 19 alþing-
iskosningum sem hafa verið frá og
með kosningunum árið 1946 er
89,1% og hefur kjörsókn ekki náð
meðaltalinu eftir 1987 þegar hún var
nokkuð yfir meðaltali eða 90,1%.
Slökust í Reykjavíkur-
kjördæmum
Milli kjördæma er kjörsókn nokk-
uð mismunandi og er hún minnst í
Reykjavík norður eða 81,4% en þar
kusu 35.625 af þeim 43.775 sem á
kjörskrá voru. Mest var kjörsókn í
Norðvesturkjördæmi þar sem 18.179
kusu af 21.126 á kjörskrá eða 86%.
Í öðrum kjördæmum var kjörsókn
sem hér segir:
Í Reykjavík suður kusu 82,6%
þeirra 43.398 sem á kjörskrá voru.
Fjölmennasta kjördæmið á land-
inu er Suðvesturkjördæmi en þar
voru 54.584 á kjörskrá og kusu rétt
innan við 46 þúsund manns eða
84,3%.
Í Norðausturkjördæmi voru
27.888 á kjörskrá og kusu 84,8%
þeirra eða 23.644. Þá var kjörsókn í
Suðurkjördæmi 84,3% af þeim
30.597 sem á kjörskrá voru.
Kjósendum fjölgað
Kjörsókn á landinu nær hvergi því
hlutfalli sem var í síðustu alþing-
iskosningum, árið 2003. Þá fór kjör-
sókn hvergi niður fyrir 87%. Nú er
munur mestur á milli kjördæma
4,6% en var þá mestur 2%.
Kjósendum hefur fjölgað um
10.064 frá alþingiskosningum 2003
eða um tæp 4,8%.
Þegar skoðað er nánar hvernig
kjörsókn var kemur í ljós að sums
staðar nýttu nær allir kosningabærir
menn sér rétt sinn til þess að taka
þátt í kosningunum. Í Mjóafirði voru
28 manns á kjörskrá sem gerir hann
minnstu kjördeild landsins. Þar kusu
27 eða 96,4%.
Sömu sögu er að segja úr Gríms-
ey. Þar var mjög góð kjörsókn nú
sem endranær eða 100%.
Því er ljóst að meirihluti lands-
manna hefur áhuga á því að nýta sér
kosningarétt sinn en umhugsunar-
efni hvað veldur því að kjörsókn hef-
ur minnkað jafnt og þétt undanfarin
ár.
Minnsta kosningaþátttaka í alþingiskosningum frá stofnun lýðveldis árið 1944
Kjörsókn best
í Norðvestur-
kjördæmi
     





 

 











 














       


 



    
Morgunblaðið/Sigurður Jónsson
LANDHELGISGÆSLAN hefur
fengið búnað til að nota í þyrlum
Landhelgisgæslunnar sem er sér-
staklega hannaður til að slökkva
gróðurelda. Um er að ræða sérhann-
aða fötu sem notuð er í þessum til-
gangi. Hún rúmar alls 2000 lítra af
vatni.
Brunamálamálastofnun hafði
frumkvæði að því fyrir nokkru að
kaupa þennan búnað og óskaði eftir
liðsinni Skógræktar ríkisins,
Slökkviliðs höfuðborgarsvæðisins,
Almannavarnardeildar Ríkislög-
reglustjóra og Landhelgisgæslunn-
ar. Úr varð að þessar stofnanir
skiptu með sér kostnaðinum og
hefur búnaðurinn verið afhentur
Landhelgisgæslu Íslands.
Brunamálastofnun hafði for-
göngu um að láta þýða kennslubók
um viðbrögð við gróðureldum en
Eignarhaldsfélagið Brunabóta-
félag Íslands fjármagnaði útgáfu
bókarinnar. Bókin verður notuð
verður til að mennta viðbragðsaðila
um slökkvistarf þegar gróðureldar
eiga sér stað og er ætlunin að gera
sérstakt átak í fræðslu hvað þetta
varðar.
Keyptu búnað til að
slökkva gróðurelda
ÞAÐ mun væntanlega ekki skýrast
fyrr en um miðja vikuna hvort út-
strikanir á kjörseðlum hafa áhrif á
niðurstöðu kosninganna. Karl Gauti
Hjaltason, oddviti yfirkjörstjórnar í
Suðurkjördæmi, staðfestir að strik-
að hefur verið yfir nafn Árna John-
sen á milli 21% og 22% atkvæða sem
greidd voru D-lista í Suðurkjör-
dæmi, en ekki liggur endanlega fyrir
hvort það hefur áhrif á stöðu hans á
listanum.
Karl Gauti sagði að einnig hefði
eitthvað verið strikað yfir nafn Árna
M. Mathiesen en það væri mun
lægra hlutfall eða undir 3%. Yfir-
strikaðir og breyttir atkvæðaseðlar
D-lista voru 2.236 í Suðurkjördæmi
eða 24,52%. Aðrir listar voru með
minna.
Það er landskjörstjórn sem út-
hlutar þingsætum eftir að henni hafa
borist gögn frá yfirkjörstjórnum
kjördæmanna. Fundur var í lands-
kjörstjórn í gær, en engar ákvarð-
anir voru teknar. Reiknað er með að
landskjörstjórn berist skýrslur frá
yfirkjörstjórnum síðar í vikunni og
að nýr fundur verði í landskjörstjórn
nk. sunnudag.
Ekki búið að telja útstrikanir
Jóhannes Jónsson, kaupmaður í
Bónus, skoraði á kjósendur í Reykja-
víkurkjördæmi suður að kjósa Sjálf-
stæðisflokkinn en strika yfir nafn
Björns Bjarnasonar dómsmálaráð-
herra.
Sveinn Sveinsson, formaður kjör-
stjórnar í Reykjavíkurkjördæmi
norður sagði aðspurður að kjörseðl-
ar með útstrikunum hefðu verið
teknir til hliðar þegar atkvæðin voru
talin. Ekki væri búið að telja þessa
seðla, en kjörstjórn myndi hittast í
dag og fara yfir þessi mál. Hann
sagðist ekki geta lofað því að þessari
vinnu lyki í dag. Þetta væru allmörg
nöfn og margir seðlar. Hann sagðist
ekki geta svarað því hvort óvenju-
lega mikið væri um útstrikanir í
kjördæminu.
Einar Farestveit, starfsmaður yf-
irkjörstjórnar, segir að yfirkjör-
stjórn hafi á þessu stigi ekkert í
höndum um útstrikanir, en þær
verði ræddar þegar skýrslur yfir-
kjörstjórna berist. Þar komi fram
upplýsingar um umfang útstrikana
og hugsanleg áhrif á röðun á lista.
21–22% strikuðu yfir
nafn Árna Johnsen
Tölur um útstrikanir liggja fyrir um miðja vikuna
Kosningar Landskjörstjórn kom saman til fundar síðdegis í gær til að fara yfir úrslit alþingiskosninganna.
Morgunblaðið/Brynjar Gauti
REGLAN um 5%
kjörfylgi á lands-
vísu „setur skorð-
ur en veitir líka
rétt,“ segir Þor-
kell Helgason,
stærðfræðingur
og ráðgjafi lands-
kjörstjórnar.
Hér áður fyrr
gátu flokkar ein-
ungis fengið uppbótarþingmann ef
flokkurinn hafði náð kjördæmakjörn-
um manni óháð fylgi á landsvísu.
Síðari tíma lög hafa svo fest upp-
bótarþingmenn, sem nú heita jöfnun-
armenn, við kjördæmi og þurfa flokk-
ar 5% kjörfylgi á landsvísu til að
öðlast rétt til jöfnunarþingmanns,
óháð því hvort flokkur hafi náð kjör-
dæmakjörnum manni. Það er því ekki
alfarið rétt að segja að það sé örðugra
nú en fyrr að fá jöfnunarmenn, segir
Þorkell.
Þorkell segir menn verða að sætta
sig við að engin fullkomin aðferð sé til
við að úthluta þingsætum. Það séu
þrjú ósamrýmanleg markmið í kosn-
ingalöggjöfinni: þingsætafjöldi skuli
vera í samræmi við fylgi flokkana á
landsvísu; kjördæmin hafi sín
ákveðnu þingsæti og að misvægi í tölu
kjósenda að baki hverju þingsæti geti
verið allt að einn á móti tveimur.
Samkvæmt lokatölum á mbl.is var
vægi atkvæða nærri 1:2 þar sem 2.019
kjósendur voru fyrir hvert þingsæti í
Norðvesturkjördæmi á móti 3.832 í
Suðvestur kjördæmi.
Engin
fullkomin
aðferð til
Þorkell Helgason
Ósamrýmanleg
markmið