Morgunblaðið - 09.06.2007, Blaðsíða 27

úr bæjarlífinu
MORGUNBLAÐIÐ LAUGARDAGUR 9. JÚNÍ 2007 27
Sveitarstjórn Djúpavogshrepps
sendi frá sér á síðasta fundi harð-
ort bréf vegna úthlutunar byggða-
kvóta fyrir árið 2007. Á Djúpavogi
þykir mönnum skilningsleysi
stjórnvalda algjört gagnvart stöðu
jaðarsveitarfélaganna á Austur-
landi. Byggðakvótaúthlutunin í ár,
þ.e. alls 46 tonn til Djúpavogs-
hrepps, sem er utan stóriðju- og
atvinnuþenslunnar á miðsvæðinu,
þykir ekki í neinum takti við stöðu
sveitarfélagsins og þau áföll er
gengið hafa yfir í sjávarútveginum
á svæðinu á undanförnum árum.
  
Gamli maðurinn á bryggjupoll-
anum, sem horfir til skiptis ofan í
tóman bátinn og út á fjörðinn,
spyr sig í hvaða heimi stjórn-
málamenn lifi sem taki slíkar
ákvarðanir.
Er það staðreyndin að þeir vilji
innst inni slátra hinum minni sjáv-
arbyggðum sem byggja nær alla
sína lífsafkomu á þeim gula? Hann
spyr bréfritara í framhaldinu
hvernig það megi vera að stór-
iðjusvæðið fyrir austan, þar sem
ennþá vantar fólk til vinnu í álver-
ið, skuli fá fimmfalt meiri bygg-
ðakvótaúthlutun en þá sem komi í
hlut Djúpavogshrepps.
Já, hún er skrýtin atvinnu- og
byggðastefnan í dag, segir sá
gamli og hristir hausinn.
  
Djúpivogur er orðinn þekktur sem
ferðamannabær og hefur gestum
sífellt fjölgað á milli ára sem hafa
viljað eyða meiri og meiri tíma á
svæðinu. Almenn þjónusta við
ferðamenn þykir mjög góð í
Djúpavogshreppi og eru mögu-
leikar á ýmissi afþreyingu sífellt
að aukast.
  
Hinn 5. júní renndi skemmti-
ferðaskipið Endeavour að bryggju.
Það er fyrsta skipið sem kemur til
Djúpavogs á þessu ári, en von er á
fleiri skipum seinna í sumar. Eitt
af sóknarfærum Djúpavogshrepps
í ferðaþjónustu er einmitt talið
móttaka á skemmtiferðaskipum og
þjónusta við farþega þeirra.
  
Í ljósi þeirra tækifæra sem hægt
er að skapa í kringum komu
skemmtiferðaskipa hafa sveit-
arstjórnir Djúpavogshrepps og
Austur-Skaftafellssýslu m.a. hist
með það að markmiði að hefja
samvinnu á þessu sviði ferðaþjón-
ustunnar þar sem suðausturhluti
landsins hefur upp á nokkrar af
stærstu náttúruperlum Íslands að
bjóða.
Morgunblaðið/Andrés Skúlason
Sóknarfæri Von er á nokkrum skemmtiferðaskipum til Djúpavogs í sumar
og móttaka skemmtiferðarskipa er eitt af sóknarfærunum í ferðaþjónustu.
DJÚPIVOGUR
Andrés Skúlason
Davíð Hjálmar Haraldsson hefur
fylgst með fréttum úr
Kópavoginum upp á síðkastið:
Lifna nú troðnir og raskaðir reitir
og ræsin þau blómgast svo fáu er líkt
því Gunnar um bæinn sinn vatninu
veitir
og vatnið er sérlega áburðarríkt.
Kristján Eiríksson hjó eftir því í
fréttum að frændur okkar
Norðmenn ætluðu að sjá um
landvarnir okkar á friðartímum:
Frændur í gegnum þunnt og þykkt
þrautseigir löngum í varnarglímum
í heiminum búa oss hæli tryggt og
hernaðarumsvif á friðartímum.
Og ekki fóru tíðindin framhjá
Jóni Arnljótssyni:
Nýlegt, þjóðar, frelsi fengið,
færði okkur lítið hald.
Ísland hefur aftur gengið
undir Noregskonungs vald.
Sveinbjörn Högnason, prófastur
á Breiðabólstað, var eitt sinn að
koma sunnan úr Reykjavík og bar
þungar töskur í hvorri hendi. Hann
mætti bónda nokkrum sem spurði
hvað væri í þessum töskum. Prestur
svaraði: „Von, trú og kærleikur.“
Þá svaraði bóndinn:
Vínkærleikur er þar inni
eða nokkur gróðavon
en trú er ekki til í þinni
tösku Sveinbjörn Högnason.
Sóknarbörnum var svo hlýtt til
Sveinbjörns að enginn hefur viljað
gangast við þessari annars ágætu
vísu. Það fer vel á því að Símon
Dalaskáld eigi síðasta orðið, hann
kveður við konuna:
Hann, sem ræður himni bæði’ og jörðu,
bæti móð og bölið þitt,
blessað, góða hjartað mitt.
VÍSNAHORNIÐ
Af ræsum
og hernaði
pebl@mbl.is
Fréttir
í tölvupósti
P
IP
A
R
•
S
ÍA
•
7
11
31
Nánari upplýsingar á www.landsvirkjun.is og í síma 515 9000
„Hvað er með Ásum?“
Ævintýraferð í goðheima fyrir alla fjölskylduna.
Goðastyttur Hallsteins Sigurðssonar við texta
Árna Björnssonar, þjóðháttafræðings.
Laxárstöðvar í Aðaldal
Orka í iðrum jarðar!
Heimsækið gestastofuna í Kröflu, sjáið myndir
frá Kröflueldum. Kynnist jarðvarma og
orkuvinnslu.
Kröflustöð í Mývatnssveit
Kraftverk
Listaverk sem sjaldan hafa komið fyrir almenn-
ingssjónir – mörg hver með áhugaverða sögu
sem tengist Landsvirkjun og orkumálum.
Kjarval, Ásgrímur, Gunnlaugur Blöndal og fleiri.
Ljósafossstöð við Sog
Kynnist Kárahnjúkavirkjun!
Upplýsingar um Kárahnjúkaframkvæmdirnar
ásamt ferðamennsku og útivist norðan
Vatnajökuls. Góður viðkomustaður áður en
haldið er upp á Fljótsdalsheiði.
Végarður í Fljótsdal
Líf í Þjórsárdal
Ómissandi viðkomustaður á leiðinni inn á
Sprengisand og í Veiðivötn.
Sultartangastöð ofan Þjórsárdals
Heimsókn í Húnaþing
Kynnið ykkur orkumál og starfsemi
Blöndustöðvar í starfsmannahúsi stöðvarinnar.
Blöndustöð, Húnaþingi
Kynnist okkur af eigin raun
Heimsækið Landsvirkjun í sumar.
Stöðvarnar eru opnar alla eftirmiðdaga í sumar.
Komdu í heimsókn í sumar!
Landsvirkjun býður landsmönnum að heimsækja sex stöðvar í sumar þar sem bæði er hægt að kynna sér staðreyndir
um umhverfisvæna íslenska orku og skoða fjölbreyttar sýningar um menningu, list og sögu.
Íslensk orkumál og virkjanir – alþjóðleg fyrirmynd í umhverfismálum
Opnar 11. júní