Morgunblaðið - 29.09.2007, Blaðsíða 16

16 LAUGARDAGUR 29. SEPTEMBER 2007 MORGUNBLAÐIÐ
ERLENT
HUGO Chavez, forseti Venesúela,
lætur sér fátt óviðkomandi og sem
dæmi um það má nefna, að í ágúst
lét hann þau boð út ganga, að
klukkunni yrði breytt um hálftíma
til þess, að litlu börnin þyrftu ekki
að fara í skólann í kolsvarta
myrkri.
Þessi breyting hefði auðvitað
þýtt, að Venesúela hefði fengið sinn
einkatíma hvað sem liði tímabeltinu
en þessar umbætur forsetans áttu
að taka gildi um síðustu helgi.
„Á miðnætti sunnudaginn 23.
september munum við færa stóra
vísinn fram um hálftíma,“ sagði
Chavez í sínum vikulega sjónvarps-
þætti „Aló, presidente“ en í honum
er hann vanur að tjá þjóðinni skoð-
anir sínar á smáu jafnt sem stóru.
Í áheyrendasalnum í sjónvarpinu
fannst hins vegar a.m.k. ein hug-
rökk sál og hún benti forsetanum á,
að til að bíða birtunnar yrði að færa
klukkuna aftur, ekki fram.
Þetta kom augljóslega flatt upp á
forsetann, sem sneri sér að bróður
sínum menntamálaráðherranum,
sem var með honum, og spurði
hann ráða. Hann var að sjálfsögðu á
sama máli og forsetinn um það, að
stóra vísinn ætti að færa fram.
Að þessari frammistöðu þeirra
bræðra er nú hlegið um landið allt,
að minnsta kosti meðal andstæð-
inga þeirra, og Chavez hefur nú
frestað því að taka upp sérstakan,
venesúelanskan tíma.
Hætti við að taka upp sér-
stakan tíma fyrir Venesúela
Hugo Chavez, forseti Venesúela.
ÁÆTLAÐ er, að innflytjendur í Bretlandi
verði 45.000 fleiri á ári hverju en áður var
talið. Hefur breska hagstofan reiknað út, að
þeir verði um 190.000 á ári næstu tvo ára-
tugina en ekki 145.000. Talsmenn breska
Íhaldsflokksins segja, að breskt samfélag
geti alls ekki ráðið við þessa fjölgun.
Þetta þýðir, að innflytjendastraumurinn
verði 30% meiri en áætlað var og einnig, að
86% mannfjölgunarinnar, 7,2 millj. manna
frá 2004 til 2031, megi rekja til innflytjenda.
Damian Green, talsmaður Íhaldsflokksins
í innflytjendamálum, segir, að þetta geti
ekki gengið upp. Um það sé að ræða, að borg
á stærð við Liverpool bætist við árlega og við
það geti innviðir bresks samfélags ekki ráð-
ið. Sagði hann, að það væri stefna síns
flokks, að sett yrði ákveðið þak á þann fjölda, sem leyft yrði að setjast að í
landinu á hverju ári.
Áætlað er, að af 190.000 innflytjendum árlega muni 171.500 þeirra setj-
ast að í Englandi og 8.500 í Skotlandi. Miklu færri munu setjast að í Wales
og á Norður-Írlandi. Fram kemur hjá hagstofunni, að innflytjendastraum-
urinn sé langmestur frá Austur-Evrópu en hann hefur verið miklu meiri
þaðan en upphaflega var talið.
Segir samfélagið ekki ráða
við innflytjendastrauminn
Hitamál Breskir íhalds-
menn hafa lengi viljað koma
böndum á innflytjenda-
strauminn.
ALAN Green-
span, fyrrver-
andi seðla-
bankastjóri
Bandaríkjanna,
neitar því, að
hann og fyrrver-
andi samstarfs-
menn hans hafi
ekki séð fyrir
lánsfjárskortinn,
sem nú bagar efnahagslífið um all-
an heim.
Kom þetta fram í viðtali við
Greenspan í BBC, breska rík-
isútvarpinu, en þar kvaðst hann
hafa vaxandi áhyggjur af efnahags-
lífinu í heiminum. Kvaðst hann
telja, að hættan á samdrætti væri
þó enn innan við „helmingslíkur“
en svartsýni hans færi heldur vax-
andi en hitt.
Ástæða lánsfjárskortsins er ekki
síst vafasöm húsnæðislán í Banda-
ríkjunum. Segir Greenspan, að
hann hafi ekkert hafst að vegna
þess, að í þessum lánum hafi fyrst
og fremst auðugasta fólkið fjárfest
og honum hafi staðið á sama þótt
ríkidæmi þess léti eitthvað á sjá.
Hafði ekki áhyggjur af hugs-
anlegum áföllum ríka fólksins
Alan Greenspan
Alþjóðagjaldeyrissjóðurinn, IMF,
hefur valið Frakkann Dominique
Strauss-Kahn í stöðu yfirmanns
stofnunarinnar. Strauss-Kahn er
einn af frammámönnum sósíalista
en naut samt stuðnings Nicolas Sar-
kozy Frakklandsforseta.
Nýr yfirmaður
MATTHEW Hiasl Pan heitir hann
fullu nafni og er nýbúinn að tapa í
málaferlum fyrir héraðsdómi í Vín.
Er það krafa umbjóðenda hans, að
hann verði úrskurðaður persóna og
ætla að þeir að fara með málið alla
leið fyrir hæstarétt.
AP
Herra Hiasl
YASUO Fukuda, nýr forsætisráð-
herra í Japan, sem hefur heitið því
að berjast gegn spillingu, harmaði í
gær „bókhaldsvillur“ pólitísks
stuðningsmannahóps síns en hann
er grunaður um að hafa reynt að
fela fé fyrir yfirvöldunum.
Það, sem helst …
ÞÝSKIR tollverðir skýrðu frá því í
gær, að þeir hefðu fundið kókaín
fyrir 30 millj. evra, rúmlega 2,6
milljarða ísl. kr., í skipi í Bremer-
haven. Var það falið innan um vín-
flöskur frá Panama.
Kókaínfundur
Eftir Kristján Jónsson
kjon@mbl.is
MUN fleiri hafa sennilega fallið í að-
gerðum hersins í Búrma gegn and-
ófsmönnum en gefið hefur verið upp
í ríkisfjölmiðlum í landinu, að sögn
Gordon Browns, forsætisráðherra
Breta. Hann hvatti í gær til þess að
Evrópusambandið gripi þegar til að-
gerða gegn herforingjaklíkunni.
Ibrahim Gambari, sendimaður SÞ,
mun í dag fara til Búrma til viðræðna
við stjórnvöld.
Vestrænir diplómatar segjast hafa
fengið upplýsingar um óeiningu í
hernum. Getgátur eru um að deilur
séu uppi í herforingjaklíkunni, sumir
vilji taka mildilegar á andófsfólkinu
og jafnvel ræða við stjórnarand-
stöðuleiðtogann Aung San Suu Kyi,
að sögn Jyllandsposten í Danmörku.
Heimildarmenn úr röðum útlægra
stjórnarandstæðinga segja að 200
manns hafi fallið í átökunum síðustu
daga, opinbera talan er hins vegar
13. Stjórnvöld hafa nær algerlega
lokað fjarskiptaleiðum við umheim-
inn og því er afar erfitt að fá öruggar
fregnir af ástandinu en stjórnarher-
inn virtist hafa náð tökum á götunum
í stærstu borg landsins, Rangoon, í
gær. Öðru hverju heyrðust þó skot-
hvellir.
Um fimm milljónir manna, eða um
tíundi hluti þjóðarinnar, búa í
Rangoon og þar söfnuðust í gær um
2000 manns saman síðdegis að þar-
lendum tíma skammt frá Sule-must-
erinu í miðborginni. Fólkið hrópaði
ókvæðisorð að vopnuðum hermönn-
um en þeir svöruðu með því að skjóta
upp í loftið, mótmælendur flúðu þá
flestir á brott. Nokkrir voguðu sér í
átt að hermönnunum en voru þá
barðir með kylfum og sumir hand-
teknir. „Aftur blóðbað! Aftur blóð-
bað! Hvers vegna bjarga Banda-
ríkjamenn okkur ekki?“ hrópaði
maður sem fylgdist með atburðun-
um. Ljóst þykir að hernum hafi nú
að miklu leyti tekist að brjóta á bak
aftur aðgerðir búddamunkanna sem
hafa farið fyrir mótmælendum. Mun
herinn hafa einangrað með
gaddavírstálmum fimm klaustur
sem talið er að hafi verið aðalstöðvar
uppreisnarinnar. Hundruð munka
eru sögð í haldi og sumir þeirra
munu hafa sætt harkalegri meðferð.
Reuters
Styðja andóf Liðsmenn samtakanna Frjálst Búrma á Filippseyjum við sendiráð Búrma í Manila í gær með mynd
af öflugasta manni herforingjaklíkunnar, Than Shwe (t.v.) Yfir myndinni stendur að hann sé „eftirlýstur“. Einnig
halda mótmælendur á mynd af Aung San Suu Kyi, leiðtoga stjórnarandstæðinga í Búrma.
Segja að 200 manns
hafi fallið í Búrma
Merki um óeiningu innan herforingjaklíkunnar
og sagt að sumir hermenn neiti að hlýða skipunum
Í HNOTSKURN
»Um 500.000 Búddamunkareru í Búrma (öðru nafni
Myanmar). Þeir njóta mikillar
virðingar meðal almennings
og hafa oft haft forystu um
andóf gegn herforingjunum.
»Leiðtogi stjórnarandstæð-inga síðustu 18 árin, Aung
San Suu Kyi, er í stofufangelsi
í Rangoon. Hún hefur beitt sér
fyrir friðsamlegu andófi gegn
herforingjunum og vill að al-
þjóðasamfélagið beiti stjórn-
ina viðskiptarefsingum.
Washington. AP, AFP. | George W.
Bush, forseti Bandaríkjanna, ítrek-
aði í gær andstöðu sína við
ákveðnar takmarkanir gegn meng-
andi útblæstri og lagði áherslu á, að
baráttan gegn loftslagsbreytingum
ætti ekki að halda aftur af efna-
hagslífinu.
„Sérhvert ríki verður sjálft að
ráða þeim aðferðum og þeim vopn-
um, sem það vill beita í þessari bar-
áttu,“ sagði Bush í ræðu, sem hann
flutti á síðari degi ráðstefnu, sem
hann boðaði til í Washington með
fulltrúum 16 ríkja, þeirra, sem
menga hvað mest. „Við verðum að
hafa forystu um að draga úr út-
blæstri gróðurhúsalofttegunda en
við verðum að gera það þannig, að
ekki dragi úr hagvexti og þar með
úr velsæld ríkjanna.“
Condoleezza Rice, utanrík-
isráðherra Bandaríkjanna, sem
stýrði fundinum, og Bush lögðu
mikla áherslu á, að Bandaríkja-
stjórn gerði sér fulla grein fyrir því,
að mengunin væri að valda lofts-
lagsbreytingum um allan heim og
sögðu, að hún væri staðráðin í að
setja sér „langtímamarkmið“ í því
skyni að draga úr menguninni.
Þótt flest önnur ríki hafi fallist á
að skuldbinda sig til að draga úr
mengun hefur Bush aldrei viljað
undirrita Kýótó-sáttmálann um það
efni og ávallt borið því við, að slíkar
takmarkanir myndu bitna á banda-
rísku efnahagslífi.
Efast um heilindi
Bandaríkjastjórnar
Þrátt fyrir fögur orð á ráðstefn-
unni segjast flestir sérfræðingar í
mengunar- og loftslagsmálum efast
um, að Bandaríkjastjórn muni í
raun beita sér af miklum krafti fyrir
minni útblæstri en Bandaríkin eru
enn það ríki, sem mest mengar. Er
Kína raunar á svipuðu róli og mun
fljótlega fara fram úr þeim.
Fulltrúar Evrópuríkjanna kváð-
ust í gær fagna því, að Bandaríkja-
stjórn efaðist ekki lengur um, að
loftslagsbreytingarnar væru af
mannavöldum. En þeir voru ekki
hrifnir af því, að Bandaríkin og
hugsanlega fleiri ríki beittu sér fyr-
ir annarri og metnaðarminni leið en
þeirra, sem Sameinuðu þjóðirnar
vilja fara.
Á ráðstefnu SÞ á Bali í Indónesíu
í desember er ætlunin að ræða hvað
eigi að taka við af Kýótó-samn-
ingnum 2012.
Hafnar mengunarmörkum
Reuters
Bush í ræðustól á ráðstefnunni.