Morgunblaðið - 03.05.2008, Síða 21

MORGUNBLAÐIÐ LAUGARDAGUR 3. MAÍ 2008 21
SUÐURNES
Eftir Sigurð Sigmundsson
Flúðir | Kaupþing banki hefur
ákveðið að loka útibúi sínu á Flúð-
um þann 11. júlí næstkomandi.
Reiði er meðal íbúa Hrunamanna-
hrepps með þessa ákvörðun og
hefur komið fram að íbúar íhuga
að hætta viðskiptum við bankann.
Um 400 manns af 800 íbúum
sveitarinnar skrifuðu undir mót-
mælaskjal af þessu tilefni. Var það
afhent Kristófer Tómassyni, að-
stoðarútibússtjóra KB banka á Sel-
fossi, síðastliðinn miðvikudag.
Búnaðarbankinn hóf bankaþjón-
ustu í smáum stíl á Flúðum 1971.
Fyrir 20 árum byggði bankinn hús
yfir starfsemi sína þar. Um all-
langt árabil hefur útibúið verið op-
ið frá kl. 11 til 16 á virkum dögum
og hafa stöðugildi verið tæplega
tvö.
Færslur í bankanum eru sagðar
of fár til að hafa útibúið opið. Fjöl-
margir hafa tekið í notkun net-
þjónustu í bankaviðskiptum sínum.
Hraðbanki verður þó starfræktur
áfam, sem kemur sér vel fyrir
þann mikla fjölda ferðamanna og
frístundahúsaeigenda sem hér eru,
auk heimamanna.
Frá árinu 2000 hefur póstþjón-
usta verið í bankahúsinu en nú er
fyrirhugað að lesa allan póst sund-
ur á Selfossi en landpóstur kemur
virka daga. Frímerkjasala verður í
versluninni Strax á Flúðum.
Morgunblaðið/Sigurður Sigmundsson
Mótmæli Ísólfur Gylfi Pálmason sveitarstjóri afhendir Kristófer Tóm-
assyni mótmælin. Að baki þeirra eru hreppsnefndarmennirnir Ragnar
Magnússon, Sigurður Ingi Jóhannsson oddviti og Esther Guðjónsdóttir.
Mótmæla lokun bankans
Ísafjörður | Nokkrir af bestu skíða-
göngumönnum heims taka þátt í
Fossavatnsgöngunni sem fram fer á
Ísafirði í dag. Mikill áhugi er fyrir
göngunni og að sögn Kristbjörns
Sigurjónssonar, eins af forsvars-
mönnum göngunnar, er gert ráð
fyrir að þátttakendur verði um 300
talsins, sem er metþátttaka.
„Við erum með talsvert af erlend-
um keppendum enda höfum við á
undanförum árum unnið markvisst
að því að kynna gönguna á erlend-
um vettvangi. Nú eigum við von á
keppendum frá Svíþjóð, Noregi,
Bandaríkjunum, Finnlandi, Eist-
landi, Hollandi, Venezuela og Slóv-
akíu.“
Langflestir keppendur koma frá
Ísafirði og nágrenni enda löng hefð
fyrir því að mæta í gönguna sem
var fyrst haldin á páskum árið
1935. Sífellt fleiri koma af öðrum
stöðum landsins.
Fossvallagangan í dag
LANDIÐ
Vallarheiði | Fræðslustjóri Reykja-
nesbæjar hefur hafið undirbúning að
stofnun og uppbyggingu hverfis-
skóla á Vallarheiði. Stefnt er að því
að skólinn taki til starfa í haust.
Þegar fólk byrjaði á ný að flytjast í
íbúðarhúsin á Vallarheiði var Hjalla-
stefnan fengin til að koma þar upp
leikskóla. Einnig var ákveðið að
setja á fót barnaskóla fyrir fjóra
yngstu árgangana í tilraunaskyni og
var hann rekinn undir merkjum
Hjallastefnunnar í vetur. Að sögn
Eiríks Hermannssonar hefur
Reykjanesbær og Hjallastefnan
komist að sameiginlegri niðurstöðu
um að rétt sé að byggja upp hverf-
isskóla á vegum bæjarins á Vallar-
heiði, til þess að geta veitt sömu
þjónustu þar og í öðrum hverfum
bæjarins. Verið er að leita að hent-
ugu húsnæði og er fyrirhugað að
skóli fyrir fimm yngstu árangana
taki til starfa í haust. Ætlunin er að
bæta einum árgangi við á hverju
hausti. Í upphafi verður skólinn
útibú frá Njarðvíkurskóla.
Um 50 börn eru nú í skólanum á
Vallarheiði. Áætlanir gera ráð fyrir
að þeim muni fjölga í haust og vetur.
Hjallastefnan hefur áhuga á að
halda áfram þróun barnaskóla í
Reykjanesbæ, en þá meira miðsvæð-
is í bænum.
Byggja upp
hverfisskóla
á Vellinum
Keflavíkurflugvöllur | Forsvars-
menn almannavarna á Keflavíkur-
flugvelli og ríkislögreglustjóri hafa
undirritað nýja og endurskoðaða
flugslysaáætlun fyrir Keflavík-
urflugvöll.
Flugslysaáætlunin segir fyrir um
skipulag og stjórnun aðgerða í kjöl-
far flugslyss á flugvellinum eða í
nágrenni hans. Áætlunin er unnin
af almannavarnadeild ríkislög-
reglustjóra, lögreglustjórunum á
Suðurnesjum, almannavarnanefnd-
um Keflavíkurflugvallar, Suður-
nesja og Grindavíkur, flugvallar-
stjóranum á Keflavíkurflugvelli og
landlækni í samstarfi við viðbragðs-
og hagsmunaaðila.
Flugslysaáætlunin er virkjuð
þegar flugvél lýsir yfir viðbúnaðar-
eða hættuástandi eða flugvél brot-
lendir. Virkjun er tvískipt, annars
vegar þegar um er að ræða flugvél
með níu manns eða færri um borð
og hins vegar þegar tíu eða fleiri
eru um borð.
Ný flugslysa-
áætlun gerð
Áætlun Stefán Thordersen, Har-
aldur Johannessen og Jóhann R.
Benediktsson við undirritun nýrrar
flugslysaáætlunar.
Eftir Helga Bjarnason
helgi@mbl.is
Sandgerði | „Ég hafði gaman af því
að gera myndina. Það spannst vel úr
efninu og söguþráðurinn er góður,“
segir Páll Steingrímsson kvik-
myndagerðarmaður. Hann hefur
lokið við heimildarmynd um æðar-
varp og æðarbændur, „Fólk og fugl-
ar í Norðurkoti“.
Páll gerði heimildarmynd um æð-
arfuglinn fyrir rúmum áratug og
þekkir viðfangsefnið vel. „Það sat í
mér hvað Sigurður Eiríksson í Norð-
urkoti hefur verið natinn við æðar-
varpið sitt,“ segir Páll þegar hann er
spurður um aðdraganda kvikmynd-
arinnar. Hann er oft á ferðinni á
Reykjanesi að taka myndir og í eitt
skiptið, þegar hann ók fram hjá
Norðurkoti, var komið listaverk eftir
Sigurð í hlíðina við hús hans og þá
ákvað hann að láta verða af því að
gera nýja mynd. Fjölskyldan tók
honum vel og kvikmyndatakan hófst
í fyrravor.
Myndaði í 38 daga
Hann var 38 daga að mynda, nán-
ast samfleytt. Lá yfir fuglinum og
var með fólkinu í þeirra störfum við
að verja varpið og hlúa að því. Einnig
fylgdist hann með erlendum vísinda-
mönnum sem verið hafa að rannsaka
æðarfuglinn í Norðurkoti. Þá var
hann með Sigurði á smíðaverkstæð-
inu þar sem hann sker meðal annars
út fugla.
Páll hefur fengið vilyrði fyrir því
að Sjónvarpið taki myndina til sýn-
ingar og vonast til þess að það verði í
sumar. Hann bauð fjölskyldunni í
Norðurkoti og þeim sem hafa að-
stoðað hann við gerð myndarinnar til
að sjá hana á forsýningu í Ráðhúsinu
í Sandgerði á dögunum. Starfsmaður
Háskólasetursins í Stykkishólmi að-
stoðaði hann einnig við gerð mynd-
arinnar og þegar Páll bauðst til að
sýna starfsfólkinu myndina ákvað
Háskólasetrið að bjóða öllum bæj-
arbúum í bíó.
Það spannst vel úr efn-
inu um æðarfuglinn
Páll Steingrímsson hefur lokið við Fólk og fugla í Norðurkoti
Morgunblaðið/Reynir Sveinsson
Fólkið Páll hitti fjölskylduna í Norðurkoti við forsýningu myndarinnar,
Sigurður Eiríksson, Sigurður Bjarki Pálsson, Páll Steingrímsson, Sigríður
Hanna Sigurðardóttir og Páll Þórðarson.
Fræðaþing um Urriðafossvirkjun
verður haldið í félagsheimilinu Þingborg mánudaginn 5. maí kl. 20:00.
Við hvetjum sem flesta til að mæta og hlusta á hagsmunaaðila og færustu sérfræðinga þjóðarinnar
fjalla um Urriðafossvirkjun og áhrif hennar á samfélagið og umhverfið.
Áhugafólk um samfélags- og umhverfismál í Flóahreppi.
Framsöguerindi flytja:
1. Fulltrúi Landsvirkjunar
Urriðafossvirkjun frá sjónarhóli Landsvirkjunar.
2. Páll Einarsson, jarðfræðingur
Flekaskilin á Suðurlandsundirlendi, jarðskjálftar og sprungur.
Fjallað verður um orsakir jarðskjálfta á Suðurlandi og hvernig þeir tengjast hreyfingum
jarðskorpuflekanna, bæði stóru flekanna tveggja, Norður-Ameríkuflekans og Evrasíuflekans, og litla
flekans, Hreppaflekans, sem liggur milli þeirra. Jarðskjálftar verða þegar jarðskorpan á flekaskilunum
brotnar eða hrekkur á misgengjum sem koma fram á yfirborðinu sem raðir af opnum sprungum og
sprunguhólum.
3. Fulltrúi Flóahrepps
Samningur Landsvirkjunar og Flóahrepps, jákvæð og neikvæð áhrif.
4. Arnar Þór Stefánsson, lögmaður
Álitamál er varða aðalskipulag Flóahrepps og Urriðafossvirkjun. M.a. lögmæti þess samkomulags
sem Landsvirkjun gerði við Flóahrepp 19. júlí 2007 og leiddi til þess að Urriðafossvirkjun var sett á
aðalskipulag hreppsins. Þá mun hann velta því upp hvort Landsvirkjun geti þvingað sveitarstjórn til
að setja virkjunina inn á aðalskipulag og hvort sveitarfélagið verði skaðabótaskylt fari svo að virkjunin
fari ekki inn á eða verði tekin út af skipulagi.
5. Guðmundur Páll Ólafsson, líffræðingur
Þjórsá og þorskurinn - ástarsaga ?
6. Ragnhildur Sigurðardóttir, vistfræðingur
Lífríki Þjórsár og laxveiðihlunnindin.
Um áhrif Urriðafossvirkjunar á lífríki Þjórsár, fokhættu af efnishaugum á bökkum árinnar og
afleiðingar virkjunarinnar á laxastofninn og laxveiðihlunnindi íbúa Flóahrepps. Hversu áreiðanlegar eru
lausnir Landsvirkjunar til varnar lífríkis Þjórsár og hver eru óleystu vandamálin?
7. Harpa Hreggviðsdóttir, íbúi í Flóahreppi
Framtíðarsýn íbúa Flóahrepps
8. Pallborðsumræður og fyrirspurnir