Morgunblaðið - 10.06.2008, Blaðsíða 12

12 ÞRIÐJUDAGUR 10. JÚNÍ 2008 MORGUNBLAÐIÐ
FRÉTTIR
Í DAG, þriðjudag, verður farin
fræðslu- og gönguferð á Hengils-
svæðinu á vegum Orkuveitu
Reykjavíkur. Gangan er liður í hin-
um árvissu fræðslugöngum fyrir-
tækisins. Hugað verður að orkunni
og beislun hennar, orkujarðfræði,
gróðri og sögu. Mæting er í Hellis-
heiðarvirkjun við Kolviðarhól kl.
19:30. Leiðsögumenn eru Einar
Gunnlaugsson jarðfræðingur, Guð-
ríður Helgadóttir líffræðingur og
Kristinn H. Þorsteinsson garð-
yrkjufræðingur.
Fræðslugöngur Orkuveitu
Reykjavíkur eiga sér margra ára
sögu og hafa jafnan verið vel sótt-
ar. Dagskráin í ár hófst 11. maí og
stendur til 13. september. Þær eru
mislangar og misjafnlega erfiðar
og viðfangsefni þeirra fjölbreytt.
Þungamiðja þeirra er þó fræðsla
um náttúru og sögu útisvæða í
umsjá eða eigu Orkuveitu Reykja-
víkur. Nánari upplýsingar um
gönguna er hægt að finna á vef
Orkuveitunar, www.or.is.
Morgunblaðið/RAX
Gengið um
Hengilssvæðið
EINS og undanfarin ár er Grasa-
garður Reykjavíkur í Laugardal með
fjölbreytta sumardagskrá. Á fimmtu-
daginn nk. mun Auður Óskarsdóttir,
garðyrkjufræðingur og blómaskreyt-
ir, leiðbeina um niðurröðun í blóma-
ker með sumarblómum og matjurt-
um. Fræðslan hefst kl. 20 við Laugar-
tungu og er ókeypis.
Færst hefur í aukana að setja sum-
arblóm í ker, potta eða gluggakassa.
Í blómakeri er hægt að hafa saman
bæði sumarblóm og nytjajurtir. Margar nytjajurtir eru ákaflega fallegar
hvað varðar lit og lögun. Sumarblóm eru þekkt fyrir blómskúð sitt en lauf-
blöð þeirra geta líka verið skrautleg. Það skiptir máli að þekkja lit, form
og áferð plantnanna þegar þær eru gróðursettar saman í ker.
Lærðu að rækta blóm
FÉLAG Grímseyjarvina efnir til
hópferðar til Grímseyjar sunnudag-
inn 22. júní nk. ef næg þátttaka
fæst. Félagið efndi til sams konar
ferðar í fyrrasumar og var áhuginn
svo mikill að hópurinn fyllti tvær
flugvélar. Á þessum árstíma er
bjart allan sólarhringinn í Grímsey.
Farið verður frá Reykjavík kl.
09.00 með flugvél frá Flugfélagi Ís-
lands. Farið verður til baka frá
Grímsey um kl. 22.00. Þegar til
Grímseyjar er komið verður boðið
upp á gönguferð um eyna undir
leiðsögn Björns Friðfinnssonar og
Helga Daníelssonar, siglingu í
kringum eyna og sýnt verður bjarg-
sig í Básavík. Möguleikar til nátt-
úruskoðunar og fuglaljósmyndunar
eru ríkulegir í eynni.
Í Grímsey er hægt að fá mat og
kaffi að hætti Grímseyinga.
Nánari upplýsingar er að fá hjá
Helga Daníelsyni formanni á net-
fanginu helgidan@gmail.com.
Áforma hópferð
til Grímseyjar
LÖGREGLAN í Borgarnesi hafði
afskipti af tveimur ökumönnum
sem óku undir áhrifum fíkniefna í
gær.
Í báðum tilfellum hafði fólkið í
bílunum neytt kókaíns og kannab-
isefna fyrir eða á meðan á akstr-
inum stóð. Ökumennirnir voru
færðir á lögreglustöðina í Borgar-
nesi þar sem sýni voru tekin og þeir
yfirheyrðir. Þeir voru látnir lausir
samdægurs en fengu vitanlega
ekki að yfirgefa lögreglustöðina
akandi. | onundur@mbl.is
Undir áhrifum
STUTT
FRÉTTASKÝRING
Eftir Ylfu Kristínu K. Árnadóttur
ylfa@mbl.is
HÆGT gengur að draga úr brottfalli
nemenda í framhaldsskólum. Síðustu
árin hefur hlutfall þeirra Íslendinga
sem ekki hafa lokið formlegu fram-
haldsskólaprófi við 25 ára aldur verið
á bilinu 35-40%. Hlutfallið fer lækk-
andi með aldri og við 35 ára aldur er
það komið niður í 25%.
Algengara er að drengir flosni upp
úr framhaldsskólanámi en stúlkur og
þegar kemur að því að snúa aftur til
náms og ljúka prófi eru stúlkur tölu-
vert duglegri en drengirnir. Jón
Torfi Jónasson, prófessor í uppeldis-
og menntunarfræði við Háskóla Ís-
lands (HÍ), segir nemendur flosna
jafnt upp úr námi í bekkja- og
áfangakerfum. Ekkert skýrt mynst-
ur sé að finna í þeim efnum en hins
vegar sé ljóst að brottfall er algeng-
ast á fyrsta ári og að því loknu.
Efla á náms- og starfsráðgjöf
Margvíslegar ástæður geta legið
að baki brotthvarfi úr framhalds-
skólum. Sumum býðst góð vinna,
aðrir fá ekki stuðning frá fjölskyldu
eða vinum eða þeim líður einfaldlega
illa í skólanum. Þá er algengt að þeir
sem eigi við vímuefnavanda að stríða
flosni upp úr námi.
En hvað er hægt að gera til að
sporna við þessu brottfalli? Að mati
Bjargar Árnadóttur, forstöðumanns
Námsflokka Reykjavíkur, getur öfl-
ug náms- og starfsráðgjöf haft mikið
að segja. Mikilvægt sé að hún byrji
strax í grunnskóla og haldi áfram
gegnum framhaldsskólann og út á
vinnumarkaðinn.
Ráðgjöfin er tvíþætt. Annars veg-
ar er fræðsla um hvað stendur til
boða og hins vegar er stuðningur og
persónuleg ráðgjöf. Björg og Jón
Torfi sammælast um að öflug náms-
og starfsráðgjöf sé afar veigamikill
þáttur bæði í skólastarfinu og í at-
vinnulífinu til að vekja og viðhalda
áhuga fólks á námi.
Breyttar áherslur
Til þess að fá fólk á þrítugsaldri og
eldra til að snúa aftur til náms segir
Jón Torfi nauðsynlegt að einhver úr-
ræði verði í boði sem fólk viti af og fái
stuðning til að nýta sér. Hefðbund-
inn framhaldsskóli henti ekki mörg-
um sem komnir eru yfir tvítugt og
svo virðist sem öldungadeildirnar
séu farnar að missa dampinn.
Björg segir nauðsynlegt að tekið
sé á móti þessum nemendum á annan
hátt en hinum yngri. Leggja þurfi
áherslu á að þarna sé um að ræða
fullorðna nemendur sem séu að snúa
aftur til náms. Þeir séu hugsanlega
haldnir skólaótta, sem nota þurfi sér-
stakar aðferðir til að draga úr, og því
þurfi umhverfið að vera notalegt en
ekki stofnanalegt. Leggja þurfi mik-
ið upp úr sjálfsstyrkingu og náms-
tækni og hjálpa fólki að byrja aftur
að læra. Í stað þess að fólki sé kastað
út í djúpu laugina er nauðsynlegt að
það sé látið ganga í gegnum vissa að-
lögun.
Mikilvægt að sporna
gegn brottfalli nema
% &' & ('

)*    
 !

"#
$%
&
& '


# (
 
)* &
,
)
$-.#!"$%
$#
$ $+ ,
$ 

#"$%
#"&$%
#"&$%
/"'
)
01 !
2
)
-
& 
 .
 # (
 /      01
 0 0,1
2  1 Tæp 40% 25 ára
án framhalds-
skólaprófs
Eftir Björn Björnsson
Skagafjörður | Hún Sunneva var
ánægð á árlegum fjölskyldudegi
Félags slökkviliðsmanna í Skaga-
firði. Fjölmargir yngri sem eldri
brugðu undir sig betri fætinum og
komu og skoðuðu aðstöðu og búnað
á slökkvistöðinni á Sauðárkróki, en
þar var tekið á móti þeim með ham-
borgurum, pylsum og vöfflukaffi.
Það voru einkum yngri gestirnir
sem áhuga höfðu á bifreiðakostin-
um, sírenum og bláum ljósum og
fengu þeir einnig að máta búnað
þeirra sem fást þurfa við eld.
Að sögn Kára Gunnarssonar hjá
slökkviliðinu er félagið tólf ára og
öll árin hefur það staðið fyrir fjöl-
skyldudegi sem þessum. Sagði hann
ánægjulegt að alltaf væri vinsælt,
sérstaklega hjá hinum yngri, að
koma og skoða þann búnað og tæki
sem liðið hefði yfir að ráða.
Morgunblaðið/Björn Björnsson
Sunneva í fullum skrúða
Hermann Arnar Guðmundsson hætti í Menntaskólanum í Kópavogi þegar
hann var 17 ára eftir að hafa leiðst út í „drykkju og rugl“, eins og hann orðar
það sjálfur. Hann er núna 28 ára og er staðráðinn í að ná stúdentsprófinu,
„svo ég hafi vald yfir því hvað ég geri í framtíðinni“. Hermann hefur þegar
lokið einni önn við Fjölbrautaskólann í Ármúla og stefnir á að sitja þar á
skólabekk allt næsta skólaár en að því loknu ætlar hann í Háskólabrú Keilis.
Spurður hvort það hafi verið erfitt að snúa aftur í dagskóla segir Her-
mann að sem slíkt hafi það verið lítið mál en að þurfa að skipuleggja sig og
fara að læra aftur var aðeins flóknara. Það hafi þó verið auðveldara en hann
bjóst við.
Flókið að byrja að læra
aftur og skipuleggja sig
Í GÆR hófst starfsemi vinnuskól-
anna fyrir nemendur 8.-10. bekkja
grunnskóla höfuðborgarsvæðisins.
Laun hækka almennt um 3% milli
ára nema í Reykjavík þar sem þau
hækka um 2,5%. Ástæða þessa er sú
að í Reykjavík hækka launin jafnt á
við laun annarra starfsmanna borg-
arinnar.
Tímakaup fyrir starfsmenn
fædda árið 1994 er í kringum 325
krónur í sveitarfélögunum. Starfs-
menn fæddir árið 1993 fá um 367
krónur á tímann og þeir elstu, sem
fæddir eru árið 1992, fá um 488
krónur í tímakaup. Í Reykjavík fá
þeir þó 486 krónur á tímann.
Heildartímafjöldi sem starfs-
mönnum vinnuskólanna býðst að
vinna er svipaður í öllum sveitar-
félögum en nokkur munur er þó á
skipulagi þeirra. Í Vinnuskóla
Garðabæjar býðst t.d. nemendum
fæddum árið 1994 að taka þátt í
svokallaðri unglingasmiðju einn
dag í viku og fá fyrir það tveggja
stunda laun. Í smiðjunni sinna
krakkarnir ýmsum skemmtilegum
verkefnum og taka þátt í leikjum.
Þá er fræðslu- og forvarnarstarf
jafnan mikilvægur hluti skólanna í
öllum sveitarfélögum. Vinnuskól-
unum lýkur lok júlí í Garðabæ,
Kópavogi og Hafnarfirði en starf-
semin teygir sig fram í byrjun
ágúst í höfuðborginni. | haa@mbl.is
Morgunblaðið/G. Rúnar
Vinnuskóli Þessir krakkar starfa í bæjarvinnunni í Borgarnesi. Það er nóg
að gera og mórallinn er góður. Launin mættu auðvitað vera hærri.
Laun í vinnuskólunum hækka