Morgunblaðið - 10.06.2008, Side 21

traðkar á tánum á mér í
öllu plássleysinu og svo
hefur hann loksins skilið
sitt hlutverk hér um borð.
Þar sem ég er skráður
skipstjóri á skútuna er
það ég sem ræð. Það gerir
Gest minn að messa-
gutta,“ segir Sigga graf-
alvarleg í bragði og bætir
að lokum við: „Við Gestur minn erum
sammála um að fólk eigi ekkert að
fresta því að lifa lífinu lifandi, eins og
svo margir gera. Ég held að það sé
nokkuð ljóst að ef við þolum hvort
annað eftir þessa ferð,
þá gætum við allt eins
gifst, eignast börn og
lifað hamingjuríku lífi
hér eftir sem hingað til.
Það er bara vonandi að
kreppan verði búin og
einhver vilji ráða okkur
í vinnu eftir heimkom-
una, en svo stefnum við
á framhaldsnám í sálfræði í Banda-
ríkjunum eftir eitt eða tvö ár.“
Sjóarar Gestur Gunnarsson og Sig-
ríður Soffía Sigurjónsdóttir tóku
GPS-tæki og bókina „Sailing for
dummies“ með í skútuferðalagið.
Komdu nú, karlinn Sigga passar upp á að Gestur fari sér ekki að voða við
að skera reipi, sem hafði undið upp á sig, úr skrúfunni.
Það gerðist
nefnilega einu
sinni þegar við
sváfum værum
blundi í neðstu
kojum að Sigga
mín fékk
horslummu á sig
úr efri kojum …
my.opera.com/gesturg
annað
menntun
MORGUNBLAÐIÐ ÞRIÐJUDAGUR 10. JÚNÍ 2008 21
Grindavík | Gunnlaugur Dan Ólafsson hefur slitið
Grunnskóla Grindavíkur í síðasta sinn. Hann er að
hætta sem skólastjóri eftir rúm 28 ár. Margt hefur
breyst á þessum tíma, bæði í skólastarfi og ekki síður í
umhverfi barnanna og sveitarfélaginu sjálfu. Bærinn
var hefðbundið sjávarpláss þegar Gunnlaugur byrjaði
en er nú mun fjölmennara sveitarfélag með fjölbreytt-
ara atvinnulíf.
„Ýmislegt hefur breyst í umhverfinu sem veldur því
að ég tel rétt að breyta til núna. Nýr skóli tekur til
dæmis til starfa hér á næsta ári og það hefur í för með
sér breytingar á skólastarfinu. Ég tel heppilegt að
þessi skipti verði um svipað leyti,“ segir Gunnlaugur.
Hann verður sextugur á árinu og vekur athygli á því að
meðalstarfsaldur skólastjóra sé um það bil helming-
urinn af árunum tuttugu og átta sem hann hefur verið í
starfi.
Gunnlaugur varð skólastjóri fyrir tilviljun, vegna
mála sem komu upp við skólastjóraskipti. Hann var þá
kennari við Grindavíkurskóla. „Mér gekk vel sem kenn-
ara og fékk mikið út úr því starfi. Þegar þetta tækifæri
kom ákvað ég að prófa það í eitt ár en þau urðu 28.
Þannig gerist þetta stundum.
Kennt á laugardögum
Mér finnst eins og hlutirnir hafi verið tiltölulega ein-
faldir þá og átakalausir,“ segir Gunnlaugur um breyt-
ingar á þeim tíma sem hann hefur verið skólastjóri.
„Starfið í skólanum er orðið faglegra og fleiri taka þátt
í því. Farið er að huga vel að hverjum og einum nem-
anda, ekki síst þeim sem eiga af einhverjum ástæðum
undir högg að sækja í skólanum. Um leið er starfið orð-
ið miklu flóknara.“
Hann getur þess að framboð af námsgreinum og
námsefni hafi aukist mikið á þessum tíma. Nefnir sem
dæmi að þegar hann byrjaði voru sex ára börn ekki
skólaskyld. Þegar hann hóf störf sem kennari var
kennt fyrir hádegi á laugardögum. Þá var kennslu-
skylda kennara 36 stundir í viku en er nú 26 stundir og
finnst mörgum alveg nóg.
„Meira álag er á öllum en áður var, að minnsta kosti
upplifi ég það þannig. Hugsanlega erum við komin með
erfiðari nemendur. Að minnsta kosti varð maður ekki
var við jafnmikil vandamál hjá einstaklingum þegar ég
byrjaði,“ segir Gunnlaugur.
Ekki hættur að vinna
Hann er ánægður með stöðuna í skólanum á þessum
tímamótum og segist fara sáttur frá borði. Skólinn hafi
vaxið mikið og nemendur skili betri árangri. „Ég geri
ráð fyrir því að það sé betra skólastarfi að þakka. Þá
hefur metnaður foreldra aukist gagnvart námi barna
sinna. Það tengist að einhverju leyti samsetningu sam-
félagsins hér. Það hefur breyst mikið á þessum tíma, úr
dæmigerðu sjávarplássi í sveitarfélag þar sem eru fjöl-
breyttari atvinnutækifæri og samsetning íbúa öðruvísi.
Allt umhverfið hefur líka breyst og staðurinn orðinn
snyrtilegur.“
Gunnlaugur verður viðloðandi skólamálin áfram.
Hann verður áfram með skólastjóratitil og vinnur að
sérstökum verkefnum fyrir Grindavíkurbæ í eitt ár.
Gunnlaugur hefur því góðan tíma til að huga að málum
í framhaldinu. „Ég er ekki hættur að vinna – en ætla
að fara út í eitthvað annað.“ | helgi@mbl.is
Ætlaði að prófa í eitt ár
Það er komið að því hjá Gunnlaugi Dan Ólafssyni að breyta til eftir 28 ár í starfi
skólastjóra Grunnskóla Grindavíkur. Helgi Bjarnason tók hann tali.
„Þau hafa í raun ekki breyst. Hins vegar hefur um-
hverfi þeirra breyst, þau verða fyrir svo miklu áreiti.
Ég held líka að þau séu orðin mun sjálfstæðari en áður.
Því fylgja bæði kostir og gallar,“ segir Gunnlaugur
þegar hann er inntur eftir því hvort börnin hafi breyst
mikið á þeim tíma sem hann hefur kennt.
„Þau fá tilboð um allskonar hluti. Mér virðist eins og
þau séu svolítið óörugg í þessu öllu saman og það sé
hluti af skýringunni. Vitað er að börnin leika sér minna
úti en áður. Mörg börn sitja allan daginn eftir skóla við
tölvuna og það má gera ráð fyrir því að það komi niður
á samskiptahæfni þeirra. Samskiptin eru orðin minni
og örugglega öðruvísi en áður.“
Leika sér minna
úti en áður
Pétur Stefánsson segir margauna sér við sjónvarpsgláp
þessa dagana og er hann sjálfsagt
einn þeirra ef marka má vísuna:
Þó að skíni sól um svið
sé ég fáa á kreiki.
Hanga margir heimavið
að horfa á boltaleiki.
Á milli þess sem Pétur horfir á
fótbolta fylgist hann með
mannlífinu og gaumgæfir það sem
fyrir augu ber:
Um lífsins stræti er gengið fimum
fótum,
og fúnum og völtum líka.
Ýmsir þreyja á atvinnuleysisbótum,
aðra gerir Mammon ríka.
– Mikið er ég því frelsi feginn
að fá að ganga meðalveginn.
Sigurður Ingólfsson fékk
hugskeyti frá hundi sínum Elvis,
sem ku vera „furðulega“
minnisgóður. Að minnsta kosti orti
Elvis upp úr svefni þar sem hann lá
til fóta hjá Sölva syni Sigurðar:
Alltaf man ég eftir þér,
elsku pabbi og því vatni
sem þú helltir handa mér
af hjarta úti á Mývatni.
VÍSNAHORNIÐ
pebl@mbl.is
Af hundi og
boltaleikjum
„Í fyrstu vorum við alvarlega að
spá í að kaupa skútu þar sem við
reiknuðum ekki með að nokkur
maður væri til í að leigja okkur
skútu á viðráðanlegu verði í svo
langan tíma, en eftir að þeir
Budget-bræður Hasan og Azis í
tyrkneska skútubænum Göcek
buðu okkur góðan leigu-díl
ákváðum við að taka tilboðinu.
Við gerðum tíu mánaða leigu-
samning um 27 feta skútu af
gerðinni Aloa sem í daglegu tali
gengur undir nafninu Alóan eða
korktappinn og hefur heimahöfn
í Göcek.“
Lóa til leigu
Skipstjórinn „Skipstjóri hefur í öll-
um efnum hið æðsta vald á skipi.
Áríðandi er að öllum sé þetta ljóst,“
minnir Sigga Gest reglulega á.
Kveðjustund Samstarfsfólk Gunnlaugs Dan Ólafssonar
færði honum myndir þegar það kvaddi hann eftir skóla-
lok á dögunum.
ÞESS má vænta í framtíðinni að fyrirbyggjandi þunglyndislyf verði gefin
heilablóðfallssjúklingum. Þetta kemur fram á fréttavef MSNBC. Er talið að
lyfjagjöfin sé sambærileg því þegar fólk tekur lyf til að lækka blóðfitu til að
fyrirbyggja hjartaáfall.
Í bandarískri rannsókn kom í ljós að heilablóðfallssjúklingar sem tóku lít-
inn skammt þunglyndislyfja voru 4,5 sinnum líklegri til að sleppa við þung-
lyndi en þeir sem fengu lyfleysu.
Einn þriðji þeirra sem fá heilablóðfall þróar með sér þunglyndi innan
tveggja ára, bæði vegna heilaskemmda og streitu sem fylgir endurhæfing-
unni. Þunglyndi hægir á bata sjúklinga og því telja sérfræðingar fyrirbyggj-
andi þunglyndislyfjagjöf geta komið sjúklingum til góða.
Heilablóðfallssjúklingar
fái þunglyndislyf
TENGLAR
.................................................
www.budgetsailing.com