Morgunblaðið - 17.06.2008, Blaðsíða 1

Þ R I Ð J U D A G U R 1 7. J Ú N Í 2 0 0 8
STOFNAÐ 1913
164. tölublað
96. árgangur
Landsprent ehf.
MBL.IS
Morgunblaðið
hvar sem er
hvenær sem er
Ljósmynd/Gunnar Rögnvaldsson
Hraun Rögnvaldur Steinsson við
dúntekju á Hrauni á dögunum.
„VIÐ erum hér í herkví eins og er,
undir lögregluvernd,“ segir Rögn-
valdur Steinsson, ábúandi á Hrauni I
á Skaga. Hvítabjörninn sem gekk á
land í Skagafirði í gær kom sér fyrir í
miðju æðarvarpi því sem Rögnvald-
ur á og rekur ásamt syni sínum, og
er í um 230 metra fjarlægð frá bæn-
um.
Aðspurður segist Rögnvaldur ótt-
ast að nærvera hvítabjarnarins muni
hafa neikvæð áhrif á æðarvarpið á
næsta ári. „Það er enginn skaði skeð-
ur í sumar því við vorum búnir að
tína allan dúninn,“ segir Rögnvaldur
og tekur fram að um þrjú þúsund
kollur hafi haldið sig í æðarvarpinu
hjá Hrauni og gefi árlega af sér um
50 kg af hreinsuðum dún. „Hins veg-
ar er ósköp hætt við því að það verði
einhver afföll af æðarvarpinu á
næsta ári þar sem fuglinn hafi
hvekkst svo mikið í dag að hann þori
jafnvel ekki að koma aftur,“ segir
Rögnvaldur.
„Ég varð dauðhrædd þegar ég sá
björninn,“ segir Karen Helga
Steinsdóttir, heimasæta á Hrauni II,
sem gekk fyrst allra fram á björninn
um miðjan dag í gær. silja@mbl.is
Hvítabjörninn í um 230 metra fjarlægð frá bænum
„Erum hér í herkví“
REYKJAVÍKREYKJAVÍK
SPÁÐI TINNI FYRIR
UM OLÍUKREPPUNA?
DAGLEGTLÍF
Annað en sveitin
kom ekki til mála
Eftir Andra Karl
andri@mbl.is
„ALLT ÞAÐ sem þurfti að gera hefur verið gert. Nú er þetta
aðeins spurning um að áætlanir gangi upp. Tíminn er okkar
helsti óvinur,“ sagði Hjalti J. Guðmundsson, sviðsstjóri nátt-
úruauðlinda hjá Umhverfisstofnun, í gærkvöldi. Hann hefur
haft veg og vanda af björgun hvítabjarnarins sem gekk á land
við bæinn Hraun á Skaga í gær. Hvítabjörninn, sem var hinn
rólegasti í gærdag og fram á kvöld, var vaktaður í nótt og
nutu sjö vaktmenn aðstoðar Landhelgisgæslunnar sem kom
með þyrlu á vettvang.
Sérfræðingur frá dýragarðinum í Kaupmannahöfn kemur
til landsins í dag, auk þess sem flutt verður hingað búr fyrir
dýrið – 250 kg, 2 metrar á lengd og 1,4 metrar á breidd.
Ákvörðun um hvert björninn verður fluttur á hins vegar eftir
að taka. Kostirnir eru tveir; að fara með hann í dýragarð í
Kaupmannahöfn eða aftur á heimaslóðir. Að sögn Hjalta er
það sérfræðingsins að taka ákvörðunina. „Það veltur í raun og
veru á hvað dýragarðurinn vill gera. Þar skiptir máli af hvaða
kyni björninn er og hvað hann er gamall. En óskakostur okk-
ar er að flytja hann til Grænlands.“ Raunar á eftir að ræða
við stjórnvöld á Grænlandi sem þurfa að samþykkja flutning
bjarndýrsins þangað.
Málið er reyndar aðeins flóknara því það veltur mikið á
hvað björninn gerir. Þrátt fyrir að hann hafi verið rólegur í
gær er ekkert sem segir að hann haldi ró sinni áfram. Lög-
regluyfirvöld á staðnum hafa leyfi til að bregðast við hverjum
þeim aðstæðum sem upp koma. Ef björninn veldur á einhvern
hátt almannahættu verður hann felldur. Tíminn er því lyk-
ilþáttur í málinu öllu. Hjalti segir allt hafa verið gert til að
flýta för sérfræðingsins og búrsins, hins vegar hafi reynst erf-
itt að fá flug fyrir búrið með skömmum fyrirvara.
Ef allt gengur að óskum mun Landhelgisgæslan sinna
veigamiklu hlutverki. Hún mun sjá um flutning búrsins norð-
ur og að öllum líkindum verður varðskip notað til að flytja
björninn til Danmerkur eða Grænlands.
Morgunblaðið/RAX
„Tíminn okkar helsti óvinur“
 Óskakostur að koma birninum á heimaslóðir en hann gæti endað í dýragarðinum í Kaupmannahöfn
 Sérfræðingur frá dýragarðinum kemur til landsins í dag  Vaktmenn litu eftir birninum í nótt
 Hvítabjörninn | 2, 8, 9 og miðopna