Morgunblaðið - 11.07.2008, Blaðsíða 40

40 FÖSTUDAGUR 11. JÚLÍ 2008 MORGUNBLAÐIÐ
Eftir Hjálmar Stefán Brynjólfsson
Á AKUREYRI verður hópur ung-
menna í skapandi sumarstörfum,
með fókus á spuna og leiklist. Starfið
miðast við að hleypa lífi í miðbæinn,
og að kynna bæinn og landið fyrir
túristunum sem heimsækja Ak-
ureyri í sumar. Verkefni sumarsins
eru í mótun, enda lítil hefð til að
byggja á, en hópurinn hefur nóg af
hugmyndum til að vinna með:
„Sjáðu fyrir þér konu í íslenskum
þjóðbúningi sem stendur frosin á
torginu,“ segir Jóhanna Vala Hösk-
uldsdóttir sem stýrir verkefninu og
nemur spunaleiklist í Glasgow, „fólk
að búa til slátur niðri við höfn og fólk
í bikiní þegar það sér pínkulitla sól í
miðbænum. Sjáðu fyrir þér íslensku-
kennslu fyrir túrista, þar sem við
kennum þeim að segja nauðsynlega
hluti eins og kók í bauk.
Við ætlum að snúa bænum á röng-
una, þannig að inn verður út og út
verður inn, hið eðlilega verður óeðli-
legt og eftirtektarvert með því að
koma því fyrir á óeðlilegum stöðum.
Við munum kynna alvöru Ísland fyr-
ir útlendingum, hleypa þeim að
innsta koppi, ekki bara lesa sögur af
körlum sem eru löngu dauðir.“
Feiti víkingurinn ekki Akureyri
Spuni spilar stóra rullu í starfi
hópsins, en í honum er að finna fjög-
ur ungmenni sem hlutu 2. verðlaun í
alþjóðlegri spunakeppni fyrr á
árinu: Grétu Kristínu Ómarsdóttur,
Önnu Hafþórsdóttur, Val Sigurð-
arson og Gísla B. Gíslason. Einnig
taka þau Arnrún Tryggvadóttir,
Björk Óðinsdóttir og Jóhann Ing-
ólfsson þátt í verkefninu.
„Hver einasti túristi sem kemur í
bæinn tekur mynd af sér með feita
víkingnum,“ bendir Jóhanna Vala á.
„Það er ekki Akureyri. Akureyri er í
raun miklu merkilegri en hún heldur
að hún sé. Þegar þú býrð hérna fatt-
arðu það ekki, en við ætlum að draga
fram þessa merkilegu en hversdags-
legu hluti sem við erum hætt að taka
eftir því við lifum og hrærumst í
þessu umhverfi.“
Í lokin er rétt að taka fram að
gangandi vegfarendur eiga á hættu
að rekast á uppátæki og skæruliða-
starfsemi hópsins víðs vegar um bæ-
inn í allt sumar.
Akureyri snúið á rönguna
Morgunblaðið/Hjálmar S. Brynjólfsson
Óeðli Maðurinn með hattinn sat á áberandi auglýsingastaur í miðbænum og
las ljóð fyrir gesti og gangandi í fjóra klukkutíma í vikunni.
Alþjóðlegir spunameistarar sýna
óvenjulegar hliðar á bænum
„VIÐ mörkum okkar kassa með
teipi í miðbænum og spinnum ein-
hvern tiltekinn tíma,“ segir Gréta
sem tekur þátt í skapandi starfi á
Akureyri. Í gær spunnu þau t.d. í
miðbænum á milli kl. 16 og 17.
Í spunanum bregður fyrir alls
kyns kunnuglegum og athyglis-
verðum karakterum að sögn Grétu:
„Einn er geðveikt á móti Kára-
hnjúkum en fór aldrei þangað. Ann-
ar er kraftakarl sem lyftir stöng
með brauðkringlum á endunum.
Hann drekkur prótíndrykki en
borðar skyndibitamat.
Svo er þarna dansari sem dansar
í álbúningi til að mótmæla virkj-
unum og einnig persónulegur
trúbador sem er óvirkur alki og
borgar meðlag af fjórum börnum
sem hún á með fjórum mönnum og
hefur fundið Guð.“
Gréta var einn fjögurra kepp-
enda í MA sem unnu Leiktu betur í
vetur og unnu svo til silfurverð-
launa á alþjóðlegri spunakeppni
framhaldsskóla í Vín í vor. Gréta
segir að reynslan sem þau fengu úr
spunakeppninni erlendis nýtist
mjög í starfinu í sumar: „Við sem
fórum út höfum verið að nota það
sem við lærðum úti, alla stílana og
aðferðirnar. Við fylgjum engu
handriti, allt það sem gerist á með-
an við erum í karakter er spuni, og
við hnýtum bara í kringum ramm-
ann sem er Akureyringur.“
Spuninn
/ ÁLFABAKKA
WANTED kl. 5:40 - 8 - 10:20 B.i. 16 ára
THE CHRONICLES OF NARNIA 2 kl. 5 B.i.12 ára
INDIANA JONES 4 kl. 8 B.i. 12 ára
THE BANK JOB kl. 10:20 B.i. 16 ára
/ KRINGLUNNI
MAMMA MÍA kl.3:40-5:40D-8D-10:20D LEYFÐ DIGITAL
MAMMA MÍA kl. 5:40 - 8 - 10:20 LEYFÐ LÚXUS VIP
KUNG FU PANDA m/íslensku tali kl. 3:40D - 6 LEYFÐ DIGITAL
KUNG FU PANDA m/ensku tali kl. 4 - 6 - 8 - 10:10 LEYFÐ
HANCOCK kl. 8 - 10:10 B.i. 12 ára
MEET DAVE kl. 4 - 6 - 8 - 10 B.i. 7 ára
WANTED kl. 8D - 10:20D B.i. 16 ára DIGITAL
KUNG FU PANDA m/ísl. tali kl. 4D - 6D LEYFÐ DIGITAL
CHRONICLES OF NARNIA kl. 6 - 9 B.i. 7 ára
OG SELFOSSI
SÝND Í ÁLFABAKKA, KEFLAVÍK
SÝND Í KRINGLUNNI OG KEFLAVÍKVIP
SALURINN
ER BARA LÚXUS
ER STAÐSETTUR Í SAMBÍÓUNUM ÁLFABAKKA
Þau komu langt utan úr geimnum...
í dulargervi sem hæfði veröld okkar fullkomnlega...
Það er heill heimur inni í honum sem heldur honum gangandi
Eddie Murphy er inn í
Eddie Murphy
í frábærri gamanmynd
fyrir alla fjölskylduna!
SÝND Í ÁLFABAKKA, KRINGLUNNI OG AKUREYRI
,,Ævintýramynd Sumarsins”
- LEONARD MALTIN, ET.
,,Besta spennumynd ársins”
- TED BAEHR, MOVIEGUIDE.
,,Stórsigur. Aðdáendur
bókanna munu elska þessa”
- MEGAN BASHAN, WORLD MAGAZINE.
BYGGT Á EINUM VINSÆLASTA
SÖNGLEIK ALLRATÍMA
SPARBÍÓ 550kr á allar sýningar merktar með appelsínugulu Í SAMB
eeee
Yfirburða snilldarleg bresk- bandarísk
gaman-, söng- og dansræma byggð á
svellandi ABBA-lögum, frábærlega fjörug,
fyndin, fjölskrúðug og kynþokkafull.
- Ó.H.T, Rás 2