Morgunblaðið - 03.11.2008, Qupperneq 12

12 FréttirINNLENT
MORGUNBLAÐIÐ MÁNUDAGUR 3. NÓVEMBER 2008
Afhjúpaður Viktor Aðalsteinsson og Gunnar Berg Björnsson afhjúpuðu stjórnklefann. Gunnar Berg var um tíma flugmaður
hjá Viktori og síðar flugstjóri. Þristurinn glæsilegi, Páll Sveinsson, nýtur sín vel á Flugsafninu eins og sjá má í baksýn.
Við stjórnvölinn Viktor Aðalsteinsson, fyrrverandi flugstjóri, sem
var á Gullfaxa í ein 15 ár, settist í flugstjórasætið á nýjan leik.
Eftir Skapta Hallgrímsson
skapti@mbl.is
„ÞETTA er stórgjöf; stjórnklefi og
nef á sjálfum Gullfaxa. Áhugaverð-
asti hluti þessarar merku flugvélar
er að sjálfsögðu stjórnklefinn sem
segja má að sé bæði andlit og heili
þessarar fyrstu þotu Íslendinga.
Þetta er stórmerkilegur safn-
gripur,“ sagði Svanbjörn Sigurðs-
son, safnstjóri Flugsafns Íslands á
Akureyri, þegar hann tók formlega
við gjöfinni.
Það voru tveir fyrrverandi flug-
stjórar Gullfaxa, Viktor Að-
alsteinsson og Gunnar Berg Björns-
son, sem afhjúpuðu klefann og ekki
fór á milli mála að viðstöddum
fannst stundin stór enda um merkan
grip í flugsögu landsins að ræða.
Gestur Einar Jónasson, útvarps-
maður og flugáhugamaður, stjórnaði
samkomunni á laugardaginn og
hafði á orði að kannski hefðu aldrei
verið saman komnir jafn margir
flugtímar hér á landi! Við athöfnina
voru að minnsta kosti margir frækn-
ir flugkappar, þar af margir sem
Gullfaxi kominn á leiðarenda
Er þetta ekki …? Gréta Önundardóttir, sem var flugfreyja í Gullfaxa, að-
stoðar Hörð Geirsson frá Minjasafninu við að þekkja fólk á myndum.
Margir flugtímar Flugstjórarnir Rúnar Guðbjartsson, Magnús Jónsson og
Arngrímur Jóhannsson voru viðstaddir athöfnina á laugardaginn.
flugu Gullfaxa á sínum og þeir voru á
einu máli um að Boeing 727 vélin
hefði verið frábær; mjög flugmanna-
væn vél, eins og sumir sögðu. Og
margir þessara gömlu kappa stóðust
ekki þá freistingu að fara inn í klef-
ann og setjast undir stýri á nýjan
leik. Þá lék bros um varir.
Svanbjörn Sigurðsson sagði að
safnið væri varla meira en hús hefði
hóps vildarvina ekki notið við, en
einstaklingar, fyrirtæki og félög
hefðu fært safninu marga glæsilega
gripi til eignar eða varðveislu. Það
voru Avion Aircraft Trading, Ice-
landair, Eimskip, Flugfélag Íslands,
Arngrímur Jóhannsson og Hafþór
Hafsteinsson sem festu kaup á
stjórnklefanum og sáu um að koma
honum á áfangastað.
Gullfaxi markaði tímamót í flug-
sögu Íslands þegar hann kom til
landsins 24. júní 1967. Vélin var í
notkun hérlendis á vegum Flug-
félagsins og síðar Flugleiða fram í
ársbyrjun 1985.
Stjórnklefi fyrstu þotu
Íslendinga, Gullfaxa,
var afhentur Flugsafni
Íslands á Akureyri til
varðveislu á laugardag.
Morgunblaðið/Skapti Hallgrímsson
VEIÐISAFNIÐ á Stokkseyri hefur
sett upp til sýningar byssur og per-
sónulega muni frá tveimur gengnum
veiðimönnum, þeim Sigurði Ásgeirs-
syni í Gunnarsholti og Einari Guð-
laugssyni frá Þverá. Þeir létust báð-
ir í apríl á þessu ári. Báðir sköruðu
þeir fram úr hvað varðaði árangur í
refa- og minkaveiðum og eins hvað
varðaði tækniþekkingu, uppfinn-
ingar- og útsjónarsemi á veiðislóð.
Veiðisafnið hefur eignast byssur
og persónulega muni Sigurðar.
Einnig hefur það fengið muni og
byssur frá Einari heitnum til sýn-
ingar samkvæmt sérstökum samn-
ingi. Einar lést af slysförum á veiði-
slóð ásamt veiðifélaga sínum Flosa
Ólafssyni 2. apríl s.l.
Sigurður Ásgeirsson, eða Siggi
tófa, starfaði hjá Landgræðslu rík-
isins í Gunnarsholti og bjó þar til
margra ára. Það eru ekki margar
tófuskyttur á Íslandi sem hafa ár eft-
ir ár veitt yfir 100 dýr og sum árin
yfir 130 líkt og hann gerði.
Einar Þorgeir Húnfjörð Guð-
laugsson frá Þverá í Norðurárdal í
Austur-Húnavatnssýslu var án efa
einn af afkastamestu minka- og
refaveiðimönnum á Íslandi. Hann
var einnig upphafsmaður refaveiða
að vetri úr sérbyggðu skothúsi hér á
landi. Ásamt Sveini Einarssyni, fyrr-
verandi veiðistjóra, var hann fyrstur
til að setja miðunarsjónauka á
haglabyssur til refaveiða.
Sjá nánar á www.veidisafnid.is
Mikilla veiði-
manna minnst
Rebbi Einar Guðlaugsson frá Þverá
var frumkvöðull í skothúsveiði á ref. Lágfóta Sigurður Ásgeirsson, „Siggi tófa“, var afkastamikill tófubani.