Fréttablaðið - 06.05.2009, Page 22

„Við leggjum höfuðáherslu á hnit-
miðað gæðaefni og að skora vel
hjá google-leitarvélinni,“ segir
Sigurþór Marteinn, sem opnaði
upplýsinga- og þjónustuvefinn
MyReykjavikInfo.com í félagi
við Magnús Hafliðason í byrjun
apríl.
Viðtökur vefsins hafa verið
framar vonum félaganna og nú
þegar eru mörg af stærstu fyrir-
tækjunum í ferðaiðnaðinum orðin
þátttakendur í honum.
Á MyReykjavikInfo.com er
hægt að nálgast allar helstu upp-
lýsingar um Ísland, bæði höf-
uðborgarsvæðið og landsbyggð-
ina. Það geta verið upplýsingar
um veitingastaði, skemmtistaði,
verslanir, flugfélög, helstu við-
burði, hótel, bílaleigubíla og
ýmislegt fleira. „Svo eru ýmsar
nýjungar í honum líka. Það er til
dæmis svokallaður „trip planner“
en í honum er hægt að skipuleggja
fríið með því að draga inn í hann
upplýsingar af síðunni (e. drag
and drop). Hann er mjög þægileg-
ur og einfaldur í notkun og ferða-
menn geta dundað við að púsla inn
í hann áður en þeir leggja af stað
til landsins.“
Sem stendur er vefurinn á ensku
en til stendur að hann verði líka á
frönsku, þýsku, ítölsku, spænsku,
einu Norðurlandamáli og vonandi
íslensku upp úr miðju ári.
MyReykjavikInfo er hluti af
alþjóðlegu neti MyDestination-
Info.com sem rekur upplýsinga-
síður fyrir ferðamenn víðs vegar
um heim. Þeir Sigurþór og Magn-
ús, sem báðir eru markaðsmenn,
sáu tækifæri í að koma vefnum
upp hér og settu sig í samband við
fyrirtækið. Þeir byrjuðu á að fá
leyfi fyrir Reykjavík. Þegar þeir
sáu hversu góðar viðtökurnar
voru tryggðu þeir sér leyfi fyrir
öll Norðurlöndin. „Norðurlönd-
in eru að mörgu leyti eins og eitt
markaðssvæði, til dæmis hvað
varðar flugfélög, veitingahúsa-
og hótelkeðjur, svo það er rökrétt
að hafa upplýsingar um öll löndin
aðgengilegar á einum stað.“ Kaup-
mannahafnarvefurinn verður opn-
aður á næstu dögum, Stokkhólm-
ur í júní og vefir Osló og Helsinki
seinna á árinu.
Í dag eru tólf borgir hluti af
MyDestinationInfo en áætlað er
að þær verði 35 í lok árs. Stærsta
verkefnið hingað til er vefurinn
fyrir London sem verður opnaður
1. janúar með mikilli markaðsher-
ferð. „Það má segja að við höfum
hrasað um þennan þröskuld á
réttum tíma. Það verður gaman
að taka þátt í þessu verkefni og
sjá það vaxa.“
holmfridur@frettabladid.is
Auðvelda ferðafólki lífið
Á MyReykjavikInfo.com geta ferðamenn nálgast allar mögulegar upplýsingar um Ísland. Viðbrögðin hafa
verið gríðargóð. Stofnendur stefna lengra og opna síður á hinum Norðurlöndunum á næstu mánuðum.
Þeir Sigurþór Marteinn og Magnús Hafliðason reka upplýsinga- og þjónustusíðuna MyReykjavikInfo.com. FRÉTTABLAÐIÐ/VILHELM
AKRAFJALL er áfangastaður göngu
á vegum ferðafélagsins Útivistar sem
farin verður á sunnudaginn 10. maí.
www.utivist.is
Jón Gauti Jónsson hjá Íslenskum
fjallaleiðsögumönnum stingur
upp á fjallgöngu við borgar-
mörkin.
„Ég sting upp á göngu á Móskarða-
hnúka,“ svarar Jón Gauti Jóns-
son, markaðsfulltrúi hjá Íslensk-
um fjallaleiðsögumönnum, þegar
hann er beðinn um uppástungu
að góðri gönguleið rétt fyrir utan
borgarmörkin.
„Móskarðahnúkar eru leifar
gamallar megineldstöðvar sem
kennd er við Stardal,“ nefnir hann
og í framhaldinu bendir hann á að
þeir séu gerðir úr líparíti og því
alltaf eins og þar sé flennisól.
Beðinn um að lýsa ferðinni
segir hann: „Ekinn er Þingvalla-
vegur og þaðan er beygt til vinstri
við afleggjarann að Hrafnhólum.
Ekið er áleiðis að Þverárkoti og
síðan farið áleiðis til hægri inn
á sumarbústaðalandið inn undir
Móskarðahnúka við Skarðsá.“
Jón Gauti bendir á að sumar-
bústaðavegurinn henti reynd-
ar ekki litlum bílum en innst við
Skarðsá sé að finna ágætis bíla-
stæði. Gangan upp fjallið tekur
að hans sögn að jafnaði aðeins um
tvær klukkustundir, en fram og til
baka megi reikna með þremur til
fjórum tímum.
Hann mælir líka eindregið með,
fyrir þá sem vilja ganga aðeins
lengra, að ganga á alla tindana,
það er að segja upp öll Móskörðin
til vesturs, út að Laufskörðum og
fara þar niður Skánardal.
Ekki mega ferðalangar gleyma
að taka með sér nesti, og ómiss-
andi er að hafa meðferðis kort af
svæðinu. Jón Gauti bendir fólki að
lokum á að skoða vel myndakort
af Esju frá Loftmyndum, en það
gefur góða mynd af svæðinu. - vg
Móskarðahnúkar innan seilingar
Móskarðahnúkar eru úr líparíti og því alltaf bjart þar um að litast. MYND/ÚR EINKASAFNI
ÁRMÚLA 42 - SÍMI 553 4236
BÍLSKÚRS OG IÐNAÐARHURÐIR
• Hurðir til á lager • Smíðað eftir máli
• Eldvarnarhurðir • Öryggishurðir
Blaðberinn
bíður
þín
Þú færð Blaðberann þinn í Skaftahlíð 24
alla virka daga frá kl. 8-17.
...góðar fréttir fyrir umhverfiðBlaðberinn...