Fréttablaðið - 06.05.2009, Side 23

MIÐVIKUDAGUR 6. maí 2009 3
Mosfellingar opnuðu nýlega sitt
fyrsta fuglaskoðunarhús, við
Leirvog. Húsið er við Langatanga,
talsvert fyrir neðan golfvöllinn,
að sögn Karls Tómassonar, for-
seta bæjarstjórnar Mosfellsbæjar.
Hann segir einstakt fuglalíf við
Leirvoginn árið um kring og því
sé staðsetning hússins þar geysi-
lega spennandi.
„Tilkoma hússins á eftir að gera
mikið fyrir áhugasama fuglaskoð-
ara,“ segir hann og telur að það
geti verið allt frá grunnskólanem-
um til atvinnu fuglaskoðara.
„Jóhann Óli Hilmarsson, einn
helsti fuglafræðingur landsins,
var okkur innan handar frá upp-
hafi og reyndum við að leggja
okkur öll fram við að gera þetta
eins vel úr garði og mögulegt var,“
segir Karl og bendir á að til séu
nokkur viðlíka fuglaskoðunarhús
á landinu.
„Á þessu svæði er fjöldi vað-
fugla. Góð yfirsýn er yfir Langa-
tanga frá húsinu, en þann stað
nýta margar fuglategundir sem
hvíldarstað,“ segir Karl. Svo virð-
ist sem fuglinn hræðist ekki nein-
ar hreyfingar frá fólki sem er inni
í í húsinu. „Það er varla hægt að
komast nær fuglinum en í sér-
hönnuðu fuglaskoðunarhúsi sem
þessu,“ segir hann.
Karl segir ýmislegt hafa komið
sér á óvart eftir að hann fór að
kynna sér fuglaskoðun nánar.
„Það er til dæmis alveg ótrúlegur
fjöldi fólks sem er að skoða og ljós-
mynda fugla úti um allan heim.“
Nýlega komu hingað til lands
vísindamenn frá East Anglia-
háskólanum í Norwich, hjónin dr.
Jennifer Gill og Graham Appleton,
en þau eru að vinna að alþjóðlegu
rannsóknarverkefni sem snýr að
rannsókn á fari jaðrakana. Að
sögn Karls var óneitanlega gaman
að heyra af ánægju reyndra fugla-
skoðara með hina nýju aðstöðu,
enda hafi verið lagt upp með gott
aðgengi að húsinu. Lagðir göngu-
stígar meðfram ströndinni og frá
golfskálanum. Þá er í húsinu að
finna greinargott upplýsingaskilti
um þær fuglategundir sem finn-
ast á leirunni.
Hægt er að nálgast lykla að
fuglaskoðunarhúsinu í Íþrótta-
miðstöðinni Lágafelli frá klukk-
an 6.30 til 20.30 alla virka daga
en frá klukkan 8 til 19 um helgar.
Þess má geta að sérlegir fuglaá-
hugamenn eða félög geta fengið
lykil til umráða.
vala@frettabladid.is
Komist í návígi við fugla
Fuglaskoðunarhús var nýlega opnað í Mosfellsbæ. Við Leirvoginn er einstakt fuglalíf árið um kring og frá
fuglaskoðunarhúsinu er gott útsýni yfir Langatanga. Allir áhugasamir geta fengið aðgang að húsinu.
Mikið fuglalíf er við Leirvog. Þar getur að líta marga sjó- og vaðfugla. Hér má sjá fallega kríu í veiðihug. FRÉTTABLAÐIÐ/GVA
Hið nýja fuglaskoðunarhús stendur við Leirvog í Mosfellsbæ. MYND/ÚR EINKASAFNI
Ásbyrgi er gríðarmikil hamrakvos sem gengur inn í
Ásheiðina vestan Jökulsár á Fjöllum. Hamraveggirnir sem
umlykja kvosina hækka eftir því sem innar dregur og
verða allt að 100 metra háir. Ásbyrgi er um 3,5 km að
lengd og 1,1 km að þvermáli þar sem það er breiðast.
Fremst í byrginu miðju er Eyjan, um 250 m breið þar sem
hún rís upp af flatlendinu norðan byrgisins en mjókkar
og hækkar eftir því sem innar dregur þar til þverhníptir
hamraveggirnir beggja vegna mætast í hárri hamraegg.
Sögur herma að eitt sinn hafi Sleipnir, hestur Óðins,
drepið niður fæti norður í Kelduhverfi og við það hafi
Ásbyrgi orðið til. Þannig skýrði alþýða manna fyrr á öldum
þetta stórfenglega skeifulaga gljúfur. Á síðari tímum hafa
ýmsar aðrar tilgátur verið settar fram um tilurð þessa ein-
staka náttúruundurs en flest bendir til þess að Ásbyrgi hafi
myndast í tveimur hamfarahlaupum sem urðu í Jökulsá á
Fjöllum, hið fyrra fyrir um 8-10 þúsund árum og hið síðara
fyrir um 3 þúsund árum. www.nordausturland.is
Gljúfur umlukið hamrabelti
FORNAR SÖGUR SÖGÐU FRÁ ÞVÍ AÐ ÁSBYRGI HEFÐI ORÐIÐ
TIL ÞEGAR SLEIPNIR DRAP ÞAR NIÐUR FÆTI.
Ásbyrgi er einkar fögur náttúruperla á Norðausturlandi.
Mesta úrval landsins af rafgeymum í allar gerðir farartækja
MEÐ TUDOR