Fréttablaðið - 14.05.2009, Blaðsíða 27

FIMMTUDAGUR 14. maí 2009 3
Seint verður hægt að tala um byltingarkennda herratísku en það er ekki seinna vænna en
að fara aðeins yfir strauma og
stefnur komandi sumars.
Nú fer hver að verða síðastur
til að ná í réttu stærðirnar, í það
minnsta hvað varðar fínu tísku-
húsin. Ódýrari búðir eiga þó
oft stærri lager og líklega eitt-
hvað eftir til að selja. Svo má
auðvitað ekki gleyma áhrifum
kreppunnar og sjálfsagt eiga
sum tískuhús eftir að slá veru-
lega af verðinu með útsölum.
Herratískan tekur reglulega
upp nýjungar og ef þær ná
fótfestu eru þær áberandi í
nokkur ár. Þetta má segja um
bleika litinn sem í eina tíð þótti
allt annað en karlmannlegur
en hefur frá bleika sumrinu
fyrir nokkrum árum tekist að
ná varanlegri fótfestu í fata-
skápum karla eins og sjá mátti
á bleikum jakkafötum Páls
Óskars í „Alla leið“. Sama má
segja um bermúda-buxurn-
ar og lítur út fyrir að þriðja
sumarið í röð verði þær áber-
andi, sem og allar stuttbuxur.
Eflaust hefur það einhver
áhrif að hálfsíðar buxur eru
mjög þægilegur og frjálslegur
klæðnaður fyrir herra, líkt og
pils fyrir konur og gott þegar
hitastigið hækkar að leyfa
loftinu að leika um leggina.
Ég tala nú ekki um ef enn eitt
góðviðrissumarið bíður. Tísku-
blöðin segja að sú tíð sé liðin
að karlar noti aðeins bermúda-
buxurnar á ströndinni. Nú eiga
þær að koma í staðinn fyrir
síðbuxur til daglegrar notkunar
yfir sumarið. Síddin getur hins
vegar verið mismunandi, um
hné eða fyrir ofan og ekki má
gleyma kvart-buxunum sem ná
niður á miðja ökkla.
Efnin eru mismunandi,
frá bómull og líni yfir í fínni
efni eins og ullarefni úr léttu
gaberdíni eða jafnvel silki.
Önnur nýjung í sumar er lita-
dýrðin. Jafnt í stuttbuxunum
sem í öðrum herrafötum. Jafn-
vel jakkafötum, svo dæmi séu
tekin. Rauðgult er bæði notað
í sportlegar stuttbuxur sem
og jakkaföt. Bleikt er inni eins
og áður er nefnt og svo eitur-
grænt. Stakir jakkar eru ómiss-
andi með öllum þessum buxum,
stuttum og löngum, jakkar úr
taui eða gallaefni. Ekki er verra
að hafa stráhatta með í far-
teskinu, jafnvel hvíta að hætti
Humprey Bogart í Casablanca.
Svo er nauðsynlegt að eiga fína
leðursandala eða Converse-
strigaskó.
Til að fullkomna „lúkkið“ er
nauðsynlegt að nota einhvern
af nýju „sumarsöfunum“ eins
og Lanvin l´Homme Sport
en þetta tískuhús sem hefur
dustað af sér rykið undanfarin
ár sendir nú nýjan herrailm
á markaðinn fyrir sumarið.
Sömuleiðis má reyna Extreme
frá Tom Ford eða Eau d´Été frá
Issey Miyake og Kenzo.
Þá vantar bara nýja
broshrukku kremið frá Gaultier
fyrir herra svo sumarið verði
gott. bergb75@free.fr
Stuttbuxnadrengir með sól í hjarta
ÚR HÁBORG TÍSKUNNAR
Bergþór Bjarnason skrifar frá París
Mínipilsin ollu usla á sjöunda
áratugnum.
Saga mínipilsins er rakin til konu
að nafni Mary Quant sem rak
fatabúðina Bazaar á King‘s Road
í London. Síðla á sjötta áratugnum
fór hún að prófa sig áfram með
styttri pils og til varð mínipilsið
árið 1965 sem tröllreið tískunni á
sjöunda áratugnum.
Aðrir sem komu mínipilsinu á
framfæri voru Helen Rose sem
gerði slíkt pils fyrir leikkonuna
Anne Francis fyrir kvikmyndina
Forbidden Planet árið 1956, John
Bates sem hannaði svipað pils
fyrir Diönu Rigg í sjónvarpsþátt-
unum The Avengers, og franski
hönnuðurinn André Courrèges
sem setti öllu víðari míni-
pils á markað með línu
sinni Mod look sumar-
ið 1965. Pilsinu fylgdu
hvít gógóstígvél
sem hönnuð voru
með dans í huga.
Stígvélin urðu
síðar aðals -
merki Courrè-
ges.
Hversu stutt
pils þarf að
vera til að það
sé mínipils er
ekki á hreinu.
Þumalputta-
reglan er þó sú
að standi kona
bein með hendur
niður með síðum
á hún ekki að
ná niður fyrir
pilsfaldinn
með löngu-
töng.
Kynþokka-
full lengd
Hringdu í síma
ef blaðið berst ekki