Skinfaxi - 01.12.1970, Síða 11

um við endurreisa héraðsmótið þegar á
næsta ári. Héraðsmótin voru ein bezta
skemmtun, sem haldin var á Vestfjörðum,
meðan HVÍ starfaði sem bezt, og þessa
hátíð verður að reisa við.
— Hvað er að segja um starfið innan
héraðsins, t. d. í þínu heimaþorpi?
— Starfið hefur verið mest í þorpun-
um og víða allgott. Knattspyma hefur
verið stunduð af góðum áhuga og með
allgóðum árangri. Knattspyrnumenn frá
Flateyri og Suðureyri kepptu undir merki
HVÍ í 3. deild íslandsmótsins og komust
i 8 liða-úrslit. Félagið okkar á Flateyri,
Grettir, hefur staðið sig vel og starfað
mikið undanfarið. Félagar eru nú 125.
Við erum t. d. búin að koma okkur upp
góðum knattspymuvelli. Þetta höfum við
gert með eigin átaki þorjosbúa, yngri og
eldri, og án nokkurra opinberra styrkja.
Mikil sjálfboðavinna hefur verið innt af
hendi, m. a. af vörubílstjórum, sem ekið
hafa efni í völlinn.
— Hvað hvggið þið til landsmótsins
að sumri?
— Við ætlum ekki að láta okkur vanta
a landsmótið, og erum þegar teknir að
skipuleggja undirbúningsstarfið. Eins og
eg sagði áðan, leggjum við áherzlu á
unglingastarfið og teljum það skyldu
°kkar. Okkur er Ijóst að við grípum ekki
upp neinar stórstjörnur með litlum fyrir-
Vara, en að sjálfsögðu viljum við vera
með á landsmótinu, og ég er ekki í
Vafa um að við eigum íþróttafólk, sem
verður mjög frambærilegt þar. I þessu
Sambandi má geta þess, að góður skák-
ubugi er í okkar héraði, og við tökum
areiðanlega þátt í Skákþingi UMFÍ næsta
ár.
— Er ekki ánægja með endurreisn
Sambandsins?
— Það held ég alveg tvímælalaust.
Það var raunar útilokað að þessi deyfð
gæti varað endalaust. Ahugi unga fólks-
ins hlaut að krefjast starfs. En það sem
réði úrslitum var sú uppörvun, sem við
fengum við heimsókn stjómar UMFÍ í
haust.
Ný stjórn UMFK
Á aðalfundi Ungmennafélags Kefla-
víkur nú í haust var kjörin ný stjórn fyr-
ir félagið. Hinn kunni knattspyrnumaður
Kjartan Sigtryggsson var kjörinn for-
maður, en með honum í stjórn: Guðbjörg
Jónsdóttir, varaformaður; Birgir Einars-
son, ritari; Hjörtur Zakaríasson, gjald-
keri og Ástráður Gunnarsson spjaldskrár-
ritari.
Kjartan Sigtryggsson, sem er borinn og
barnfæddur Keflvíkingur, hefur verið í
UMFK siðan 1953 og leikið með meistara-
flokksliði Keflavíkur síðan hann var 17
ára gamall. Hin nýja stjórn leggur
áherzlu á að auka félagslífið og efla
íþróttastarfið, en eitt stærsta viðfangs-
efni hennar verður bygging nýs félags-
heimilis.
Stjóm UMFK. Frá vinstri, fremri röð: Kjart-
an, Guðbjörg. Aftari röð: Hörður, Birgir, Ást-
ráður.
skinfaxi
11