Skinfaxi - 01.04.1971, Side 4

FORSÍÐUMYNDIN er til að minna les-
endur á, að nú styttist óðum til 14. lands-
móts UMFÍ. Þessi mynd er tekin af úr-
slitaspretti 100 m. hlaupsins á Lauga-
mótinu fyrir 10 árum. Það er Ólafur Unn-
steinsson, sem sigrar í harðri keppni við
Þórodd Jóhannsson.
HELGI VALTÝSSON
fyrsti ritstjóri Skinfaxa er látinn. Ár-
mann Dalmannsson ritar minningargrein
um Helga i þetta blað. í næsta blaði birt-
ist svo grein, sem nefnist „Síðasta kveðja
Helga til Skinfaxa“, en þessum mæta
ungmennafélaga var þetta málgagn hug-
leikið alla tíð. Myndin hér að ofan er úr
einni af bókum Helga, „Á hreindýraslóð-
um“.
Umf. Bolungavíkur
Ungmennafélag Bolungarvíkur hefur
nú bætzt í hóp þeirra félaga sem hafa
beina aðild að UMFÍ, en það er á félags-
svæði íþróttabandalags ísfirðinga og aðiii
að því.
Þá eru þau félög, sem eru utan þeirra
svæða sem héraðssamböndin ná til og
hafa beina aðild að UMFÍ, orðin 7 talsins.
Þau voru það reyndar áður en fækkaði i
sex fyrir skömmu, þegar Ungmennafélag
Öræfa gerðist aðili i U.S.Ú.
Ungmennafélag Bolungarvíkur á sér
langa og merka sögu. Það var stofnað
árið 1907 og var eitt af stofnfélögum
UMFÍ, en slitnaði úr tengslum fyrir
nokkrum árum þegar starfsemi þess lá
niðri að mestu.
Ungmennafélag Bolungarvikur hefur
hinsvegar starfað vel upp á síðkastið m.
a. staðið fyrir knattspyrnuæfingum,
körfuknattleik, leikfimi og iðkun skiða-
íþróttarinnar, þá er skákíþróttin mikið
iðkuð af félagsmönnum Umf. B., enda
margir ágætir skákmenn i Bolungarvik.
Þá kom Umf. B upp skíðatogbraut í
samvinnu við hreppinn og annast rekstur
hennar. í stuttu máli má segja að starf
Umf. B sé blómlegt og fullur áhugi fé-
lagsmanna að auka við íþróttastarfsem-
ina t. d. að taka upp iðkun frjálsíþrótta
og handknattleiks. Unnið er nú að end-
urbótum á íþróttamannvirkjum staðar-
ins, enda jafnan góð samvinna milli fé-
lagsins og fyrirsvarsmanna hreppsfélags-
ins.
Formaður Ungmennafélags Bolungar-
víkur er nú Aðalsteinn Kristjánsson, og
aðrir í stjórn: Óskar Hálfdánarson, Víðir
Benediktsson, Bárður Guðmundsson og
Guðmundur B. Jónsson.
4
SKINFAXI