Skinfaxi - 01.06.1972, Blaðsíða 21

Æfingasalur með lyftingatækjum og öðrum
þrekþjálfunaráhöldum. Siun þeirra eru vist
bönnuð hér á landi, þar sem þau eru notuð
til hnefaleika.
að lyfta fyrr en upphitun er í fullkomnu
lagi. I frjálsum íbróttum er reiknað með
20-25 mín. upphitun í byrjun æfinga-
tímans, hlaupum og léttum leikfimisæf-
ingum.
Það er ágæt regla að nota hinar venju-
legu upphitunaræfingar í byrjun tíma
enda þótt æfingatíminn heiti lyftingar,
og umfram allt munið að nota léttari
þyngdir í fyrstu lotu lyftinganna, eins og
að framan er lýst.
Hvernig skal lyfta?
Framkvæmdaatriði sérhverrar æfingar
eru mjög mikilvæg. Ef ekki er æft undir
leiðsögn kennara verður íþróttamaðurinn
að lesa vandlega lýsingu á æfingunum,
gera það nokkrum sinnum og athuga á
milli hvort hann framkvæmir allar hreyf-
ingar lyftingarinnar rétt og hann skilji
æfinguna. Notast er þá við stöngina án
þyngda.
Þegar þyngd er lyft frá gólfi, verður
það að vera alveg öruggt að hnén séu
beygð í upphafi og bakinu haldið beinu.
Fyrst eru svo fæturnir réttir, en við það
leggst aðalþungi erfiðisins fyrst og fremst
á mjaðmirnar.
Þegar þyngd skal lyft að brjósti, skal
staðið, með fet milli fóta, nærri stöng-
inni. Hnén eru beygð, líkaminn lækkað-
ur og gripið um stöngina yfirgripi (lóf-
inn snýr niður og að lyftaranum), bakinu
er haldið beinu, þegar rétt er kröftulega
úr fótunum, líkt og ætlunin væri að
spyrna niður úr gólfinu. Þyngdinni er nú
lyft beint upp (í beina línu en ekki boga
út á við og upp) örlítið hærra en í brjóst-
hæð. Þegar járnin eru komin þangað upp
eru hnén beygð, lítillega og lófunum snú-
ið upp. Þetta gerir lyftaranum fært að
falla eilítið undir þyngdina og setja hana
síðan örugglega þvert yfir brjóst sér.
Þetta hljómar er til vill eins og það
sé mjög erfitt, en með smáæfingu með
léttum þyngdum, lærist þetta fljótlega
og mun veitast íþróttafólkinu auðvelt.
Auðvitað er þetta ekki sá háttur, sem
lyftingamenn hafa á því að lyfta þyngd
að brjósti, en það er engin nauðsyn að
læra þá tækni á þessu stigi æfinganna.
Tilgangurinn með æfingunum nú er
að styrkja sig, auka afl sitt og til þess að
það megi takast er engin nauðsyn að
eyða löngum tíma til að tileinka sér
tækni keppnismannsíhs í lyftingum.
Þegar ætlunin er að setja þyngdina á
axlirnar (herðarnar), þá er henni fyrst
SKINFAXI
21