Skinfaxi - 01.06.1972, Blaðsíða 24

Efnilegir unglingar
Og svona lítur þorpið út, þegar það' er í smlð-
um i fallegum hraunhvammi við Mývatn.
unnu Skotarnir leikinn með 11:2, en Mý-
vetningar sýndu líka tennurnar og skor-
uðu tvö af þeim mörkum sem Skotarn-
ir fengu á sig í leikjum hér á landi.
Aðspurður um æfingaaðstöðu sagði
Jón að hún væri ófullkomin. Æft er á
túni, en búið er að undirbyggja íþrótta-
völl á staðnum. Aðstaða til skíðaiðkana
er góð, en eitt stærsta baráttumál fé-
lagsins er að koma upp sundlaug. Að-
stöðu til félagsstarfs þarf líka að bæta
á þessum stað, en félagsheimili Mývetn-
inga er á Skútustöðum í 15 km fjar-
lægð frá Reykjahlíð. Þessar fjarlægðir
og byggðarþróunin í sveitinni er orðin
þannig, að ég tel eðlilegt að hér starfi
tvö félög, og ég vil trúa því að þetta
nýja félag geti líka orðið til þess að
ýta undir gamla félagið, þannig að þau
megi bæði starfa sem bezt í friðsamlegri
samvinnu og samkeppni, sagði Jón að
lokum.
Dagana 12. og 13. ágúst var haldið
fjölmennt unglingamót HSÞ að Laugum.
Keppt var í 38 greinum drengja, sveina,
stúlkna og meyja.
Margt efnilegt iþróttafólk kom þarna
fram. í sveinaflokki vekur sérstaka at-
hygli frammistaða Gunnars Bóassonar
úr íþrf. Eilifi, en hann sigraði í 8 grein-
um og var auk þess í sigursveitinni í
boðhlaupi. Þá var hann í 2. eða 3. sæti
í fjórum öðrum greinum. Árangur Gunn-
ars: 100 m. 12,3, 800 m. 2.28,5, langstökk
5,09, stangarstökk 2,50, 1500 m. 5.27,3,
100 m. grindahlaup 16,5 og kúluvarp
10,80.
Sólveig Jónsdóttir Umf. Mývetningi
sigraði í fjórum greinum í meyjaflokki:
spjótkast 27,03, 400 m. 67,4, 800 m. 2.55,6
og 100 m. grindahlaup 16,6
í drengjaflokki sigraði Jóhann Sig-
urðsson Umf. Gaman og alvara í 6
greinum og náði athyglisverðum ár-
angri: Langstökk 5,51, stangarstökk 3,00,
kringlukast 34,63, hástökk 1,60, þrístökk
11,26 og kúluvarp 10,61.
Það verður ekki annað séð en mikil
gróska sé í frjálsum íþróttum hjá Þing-
eyingum, og varla þurfa þeir að kvíða
framtíðinni með þetta æskulið. íf. Eilíf-
ur hlaut flest stig á mótinu 138, Umf.
Efling hlaut 89, Umf. Mývetningur hlaut
87,5 stig, Umf. Bjarmi 31, Umf. Gaman
og alvara 30, íf. Völsungur 21,5 og Umf.
R.ejkhverfingur 4.
24
SKINFAXI