Skinfaxi - 01.02.1974, Blaðsíða 20

Bikarglíma Víkverja
1974
Tíunda Bikarglíma Vkverja — afmælis-
mót — var háð i íþróttahúsi Jóns Þor-
steinssonar sunnudaginn 27. janúar 1974.
Mótið var sett af Kjartani Bergmann
Guðjónssyni og var hann einnig glímu-
stjóri. Á undan glímukeppninni fór fram
bragðasýning og nokkrar sýningarglímur
en auk þess sýndu 12 drengir glímu, en
keppendur i Bikarglímunni voru 10, svo
segja má, að þátttakendur í þessu af-
mælismóti hafi verið 22.
Margir eldri glímukappar voru við-
staddir á þessu afmælisglímumóti, sem
þótti takast ágætlega.
Keppt var um bikar, sem Búnaðar-
banki íslands hafði gefið í tilefni 10 ára
afmælis félagsins. Verðaun afhenti Frið-
jón Þórðarson, alþingismaður, sem er í
bankaráði Búnaðarbankans. Að verð-
launaafhendingu lokinni flutti Skúli Þor-
leifsson, glímukappi, ávarp og árnaði
glímumönnunum og íslensku glímunni
heilla á komandi árum, en Guðmundur
Guðmundsson, formaður Glímusambands
íslands sleit mótinu.
Dómnefnd skipuðu þessir: Yfirdómari
Lárus Lárusson og meðdómendur Haf-
steinn Þorvaldsson og Kristmundur Guð-
mundsson.
Glímuúrslit urðu þau, að Sigurður
Jónsson varð bikarhafi. Næstur honum
að vinningum varð Pétur Yngvason og
þriðji Hjálmur Sigurðsson.
Ungmennafélagið Víkverji gengst nú
fyrir glímunámskeiði fyrir byrjendur 12
til 20 ára í íþróttahúsi Jóns Þorsteinsson-
ar, Lindargötu 7 —• minni salnum. Kennt
verður á mánudögum, miðvikudögum og
föstudögum kl. 7—8 síðd.
Á glimuæfingum Víkverja er lögð á-
hersla á alhliða líkamsþjálfun, fimi, mýkt
og snarræði.
Ungmennafélagar utan Reykjavíkur
eru velkomnir á glímuæfingar félagsins.
20
SKINFAXI