Skinfaxi - 01.06.1975, Page 16

Ný íþrótt á landsmóti
JUDO
Keppt verður í júdo í fyrsta sinn á
landsmóti nú í sumar, en júdo er ein af
þeim íþróttagreinum sem kynntar verða
á mótinu.
Einn af reyndustu júdomönnum lands-
ins, Ossur Torfason 2. dan, hefur skipu-
lagt og undirbúið júdokeppnina. Össur
hefur verið júdoþjálfari í Gerplu, Kópa-
vogi og hjá Umf. Keflavíkur s. 1. tvö ár.
Við náðum tali af Össur og spurðum
hann um tilhögun júdokeppninnar á
landsmótinu.
— Það verður keppt í tveimur aldurs-
flokkum pilta. í öðrum hópnum verða
unglingar á aldrinum 15—20 ára. Það
eru örfá ár síðan ungmennafélögin tóku
júdo á stefnuskrá sína og unglingarnir
eru þar langfjölmennastir og tiltölulega
fjölmennari en í Reykjavíkurfélögunum.
Þessvegna er eðlilegt að bvrja með
keppni í unglinga- og drengjaflokkum.
— Hvernig verður þátttakan?
— Um það get ég ekkert sagt ná-
kvæmlega ennþá, en ég vona að hún
verði góð. Raunar er engin ástæða að
kvíða því að hún verði ekki nógu góð,
þar sem áhugi á júdo fer sívaxandi. Það
setur að vísu strik í reikninginn að hóp-
ur ungra manna á þessum aldri verður í
æfingarbúðum í Þýskalandi á vegum JSÍ
þegar mótið fer fram, en það ætti að
vera til nóg af góðum keppendum samt.
— Hvaðan koma þessi keppendur?
— Ur þremur félögum: Umf. Grinda-
víkur, Gerplu í Kópavogi og úr Umf.
Keflavíkur.
Össur
Torfason
— Keppa engar stúlkur?
— Nei því miður reyndist það ekki
unnt í þetta sinn. Það var ætlunin af hafa
líka keppni í kvennaflokki, en næg þátt-
taka fékkst ekki. Stúlkurnar eru enn of
smeykar við keppni.
—— Hvernig líst þér á júdo sem lands-
mótsgrein?
— Ég álít það mjög heppilega og já-
kvæða stefnu að keppa í júdó innan
UMFÍ. Reykjavíkurfélögin hafa af eðli-
legum ástæðum mikið forskot í íþrótt-
inni, og ég held að keppni sem þessi
hjálpi til að útbreiða íþróttina meðal
félaganna úti um landið.
16
SKINFAXI