Skinfaxi - 01.02.1978, Blaðsíða 6

kollum, sala á farða, handritum og
öðru því sem á þarf að halda við upp-
færslu leikrita. Helga kvað bandalagið
einnig veita slíka þjónustu til ann-
arra en aðildarfélaga, en hún væri
20 prósent hærri til þeirra. Þá sér
bandalagið um útvegun leikstjóra auk
margs konar útréttinga og viðvika í
þjónustu við aðildarfélögin. Helga er
eini starfsmaður BÍL en hún upplýsti
að senn bættist samtökunum viðbótar-
starfskraftur. Auk þessarar beinu
þjónustu beitir bandalagið sér fyrir
námskeiðahaldi meðal aðildarfélag-
anna m. a. í leikrænni tjáningu. Þá
hafa verið haldin námskeið fyrir þá
áhugaleikara sem áhuga hafa fyrir því
að gerast leikstjórar. Á komandi sumri
verður norrænt námskeið á Höfn í
Hornafirði sem helgað verður barna-
leikhúsi og leiksýningum fyrir börn.
Einnig verður námskeið í raddbeitingu
og hreyfingartækni fyrir áhugaleik-
ara. Helga kvað góða samvinnu vera
á milli BÍL og samsvarandi bandalaga
á Norðurlöndum, en þau hefðu með
sér samtök er heita Nordisk Amatör-
teater Rád (NAR) og er Helga nú for-
maður þess, en auk hennar situr fyrir
íslands hönd í ráðinu Jónína Kristj-
ánsdóttir, form. BÍL. NAR gengst m. a.
fyrir námskeiðum og hefur milligöngu
um styrkveitingar til gestaleikja.
Hvert er skilyrði til inngöngu í BÍL?
Öll félög áhugamanna sem hafa
leiklist á stefnuskrá sinni geta gerst
aðilar að bandalaginu. Félögin þurfa
að greiða árgjöld til BÍL og er það nú
20.000 kr. Samkvæmt nýjum leiklistar-
lögum eða frá 3. maí 1977 úthlutar
Menntamálaráðuneytið styrk til leik-
listarstarfs samkvæmt tillögum BÍL.
Þessi styrkur er nú 140 þús. kr. fyrir
uppfærslu á íslensku leikriti en 80 þús.
fyrir erlent. Það er ljóst að styrkur
þessi er engan veginn nægjanlegur til
þess að standa straum af kostnaði við
leikstjórn sem að sögn Helgu er nú um
400 þús. krónur fyrir hverja uppfærslu.
Aðspurð um það hvort þrýstingur
væri af hendi bandalagsins á leik-
nefndir innan ungmennafélaga, að
þær gerðust sjálfstæð leikfélög, kvað
Helga svo ekki vera. Þeim félögum
sem óskuðu inngöngu væri bent á skil-
yrði bandalagsins um aðskilinn fjár-
hag, þeirra væri síðan ákvörðunarrétt-
urinn. Helga taldi það hins vegar eðli-
legast fyrir þau ungmennafélög sem
hefðu leiklist einungis sem einn þátt
af öðru menningarstarfi að þau væru
ekki að rjúka til þess að stofna sér-
stakt leikfélag með eigin fjárhag til
þess eins að koma til greina með styrk-
veitingu. En bandalagið er fúst til
þess að aðstoða þau ungmennafélög
eftir megni, sem óska þess að leiklist-
in verði áfram hluti af fjölbreyttu
menningarstarfi þeirra sagði Helga að
lokum.
Skinfaxi þakkar Helgu fyrir spjallið,
en í lokin má geta þess að skiptar skoð-
anir eru á gildi nýrra leiklistarlaga og
hvernig staðið verður að styrkveiting-
um til leikstarfsemi áhugafólks sam-
kvæmt þeim. Skinfaxi hvetur þá sem
hugleiða þessi mál að láta til sín heyra.
Að síðustu má geta þess að 14 leik-
nefndir ungmennafélaga eru nú aðilar
að BÍL.
G. K.
<5
SKINFAXI