Skinfaxi - 01.06.1979, Blaðsíða 9

Upphafið að öllu saman
Það má segja að upphafið að þessu öllu saman
hafi verið að árin 1968—1970 var veruleg hreyfmg í
lýðháskólaátt bæði innanlands og á Norðurlöndum,
þar sem fé safnaðist og það dugði til að koma þessu
verulega af stað, það er ástæða til að leggja áherslu
á mikilvægi þess sem safnað var, um 10 milljónir, og
er ástæða til að ætla að bygging skólans hefði ekki
farið af stað án þessa söfnunarframlags. Þannig að
hvatinn var kominn frá Norðurlöndunum. 1969 var
svo stofnað skólafélag Skálholtsskóla sem hafði það
hlutverk að halda þessu máli gangandi.
Þess má svo geta að hér voru á sinum tíma starf-
andi lýðháskólar á Hvítárbakka og Núpi fram að
1929 þegar lög um héraðsskóla voru sett.
Þannig að hugmyndin um lýðháskóla átti sér veru-
legan stuðning frá þeim er til þeirra þekktu frá fyrri
tíð og úr því að þetta er Skinfaxi verður það að
koma fram að, þarna er auðvitað ungmennafélags-
andinn að baki, því sagt er að ungmennafélögin hafi
verið lýðháskóli þjóðarinnar. Það er alþýðumenn-
ingin sem verið er að hefja iil vegs.
Aðstaðan
Hér er ætlunin að reka 50 manna skóla og mötu-
neyti og kennslurými miðað við það. Hins vegar geta
aðeins verið 20 nemendur á vist. Það húsnæði sem er
fyrir hendi er hvergi nærri fullgert og öll sú aðstaða
sem fylgir skólum félagslega er ókomin, samkvæmt
lögum tekur ríkið 80% þátt í uppbyggingu á staðn-
um. Við væntum hins besta af hendi fjárveitinga-
valds og fræðsluyfirvalda. Það er sárt til þess að vita
að það húsnæði sem ekki hefur enn verið fullgert, sé
farið að hrörna. Það er mjög brýnt að úr því verði
bætt. Með setningu laga um skólann, má segja að al-
þingi sé búið að viðurkenna skólann, en þá náttúru-
lega liggur það í hlutarins eðli að framfylgja þeim.
Þýðingarmest er nú að trúin á skólann hefur aukist
en það sést best á viðurkenningu alþingis.
Ekki lengur furðufugl
Skólinn er að öðlast fastan sess. Starfið hefur
gengið vel og aðókn verið fullnægjandi og meira en
Á eftlr andlegu fæðunni kemur auðvitað sú likamleea.
það. Ég finn það að skólinn er ekki sá furðufugl sem
mörgum þótti er hann komst á laggirnar. Við eigum
það mikið að þakka okkar góðu nemendum sem
borið hafa okkur vel söguna, þeirra hlutur er ekki
hvað sístur.
Er þetta hentugasta formið?
Lýðháskólar eru orðnir yfir 200 ára gamlir, mark-
mið þeirra hefur alltaf verið það sama að efla frjálsa
framhaldsmenntun. Ég tel að við höfum komið
okkur niður á það form sem við ráðum við og okkur
hentar þó hér séu þættir sem eru í mótun vegna að-
stöðuleysis, s.s. íþróttir og verkmenntun.
Þörfin fyrir svona sjónarhól
Að lokum Heimir, spök lokaorð.
Þessir skólar eru sérstaklega fyrir fólk á krossgöt-
um, fólk sem er að hugsa sig um, og vill gjarnan
hressa upp á stefnuna, reynslan sýnir að mjög veru-
legur hluti þeirra sem sækja þennan skóla er þannig
fólk. Þannig að reynslan hefur sýnt að þörfin fyrir
svona sjónarhól er mikil og meiri nú en oftast áður
vegna þess hve kerfið gerist flókið. f framhaldi af
því sé ég ekki ástæður til annars en að vera bjartsýnn
um framtíð þessa skóla, og satt að segja held ég að
þeir mættu vera fleiri, ég held að það yrði til gagn-
kvæmrar eflingar.
Skinfaxi þakkar að lokum staðarmönnum öllum
móttökumr og óskar skólanum velfarnaðar í starfi í
framtíðinni. Fyrir þá lesendur Skinfaxa sem áhuga
hefðu á skólavist, fylgja eftirfarandi upplýsingar:
Ef þú hyggst sækja um skólavist í Skálholti vetur-
inn 1979—1980, skrifar þú umsókn þína sjálf(ur) og
sendir hana Heimi Steinssyni Skálholtsskóla Bisk-
upstungum 801 Selfossi. í umsókninni þarf eftirfar-
andi efni að koma fram:
1. Fullt nafn þitt, heimilisfang og lögheimili,
fæðingardagur og ár, svo og simanúmer, ef því er til
að dreifa.
2. Nöfn, heimilisfang og atvinna foreldra þinna.
3. Skólaganga þín og atvinna hingað til.
4. Fylgiskjöl: Afrit af prófskírteini frá þeim
skóla, er þú síðast stundaðir. Umsögn skólastjóra og
vinnuveitanda. G.K.