Skinfaxi - 01.06.1979, Blaðsíða 23
í nóvember hóf félagið íþróttaæfingar í
íþróttasal Húnavallaskóla. Þessar æfíng-
ar eru fyrst og fremst ætlaðar eldri félags-
mönnum, sem ekki njóta lengur íþrótta-
kennslu á vegum skólayfirvalda.
Ýmislegt er tekið fyrir á þessum æfing-
um, m.a. blak, handknattleikur, knatt-
spyrna, frjálsar íþróttir, þrekæfingar,
leikfimi og lyftingar.
Þótt nokkur breidd hafi verið í starfi fé-
lagsins er langt frá því að við séum fylli-
lega ánægð. Við höfum nefnilega þegar
ákveðið að reyna að gera betur hvað
snertir félagsstörf, útgáfustarf og ferða-
lög.
Með félagskveðju.
— íslandi allt. —
Karl Lúðvíksson
formaður.
Fréttirfrá
félögunum
Aðalfundur Umf. Biskupstungna var
haldinn laugardaginn 14. april s.l. Fund-
urinn var fjölsóttur og sýndu fundarmenn
mikinn áhuga á starfsemi félagsins.
Nú mun í fyrsta skipti hafa verið gefin
út fjölrituð skýrsla fráfarandi stjórnar. Er
það vel að stjórnir Ungmennafélaga gefi
út svo merkilegt rit sem er Árskýrsla fé-
lagsins. Því með þessu er verið að skrá
sögu félagsins.
Sveinn Sæland Espiflöt var endurkjör-
inn formaður.
Áheitahlaup Umf. Baldurs Hvols-
hreppi fór fram 14.4. Alls voru hlaupnir
101,6 km, og hlauparar voru 24. Þorpsbú-
ar tóku mikinn þátt í áheitaundirskrift-
um, og er gott til þess að vita að þeir skuli
hafa svo mikinn áhuga á að hjálpa til við
uppbyggingu félagsins.
Björgunarsveitin Dagrenning lánaði
bifreið sina til aksturs á hlaupurum.
21. apríl fór fram í félagsheimilinu
Flúðum frjálsíþróttamót milli þriggja fé-
laga, Hrunamanna, Skeiðamanna og
Gnúpverja. Hrunamenn unnu mótið,
hlutu 172 stig.
Hækkun áskriftargjalds----------------------------
Þrátt fyrir að verðstöðvun ,,gildi” nú í landi voru verður ekki hjá
því komist að Skinfaxi fylgi í kjölfar annara tímarita og blaða og
hækki áskriftargjald sitt. Það er þó reynt að halda þeirri hækkun í
algjöru lágmarki enda ábyrgðahluti ef annað væri gert. En sem
sagt, ágætu áskrifendur, gjaldið fyrir 1979 hefur verið ákveðið 1500
kr.
SKINFAXI
23