Skinfaxi - 01.06.1979, Blaðsíða 11

BRACjl
fréttsbríf
4/* útgáfustarfi
Umf. Selfoss hefur hafið útgáfu frétta-
bréfs sem koma skal út einu sinni i mán-
uði kom fyrsta bréfið út í byrjun april. í
inngangi formanns Umf. Selfoss Sigurðar
Jónssonar segir m.a. að Braga sé ætlað að
flytja fréttir af starfsemi Umf. Selfoss en
auk þess að vera vettvangur gagnlegra
skoðanaskipta.
í þessu fyrsta bréfi greina hinar ýmsu
deildir frá starfi sínu, úrslitum hinna
ýmsu móta og fleira það er varðar starfið,
ennfremur hvað framundan sé í nánustu
framtíð. Fréttabréfið er borið inn á hvert
heimili á Selfossi og þannig getur hver ein-
asti íbúi fylgst náið með því sem efst er á
baugi hverju sinni. Ritstjóri fréttabréfsins
er Gísli Jónsson en ritarar deilda annast
fréttamiðlun og dreifingu.
Bragi er fjölritaður í brotinu A-5, þ.e.
A-4 brotin saman, snyrtilega uppsettur og
teiknimyndir lífga upp á útlitið.
Afmælisrit Umf. Geisli í Aðaldal í S—
Þingeyjarsýslu var 70 ára á síðasta ári, ef
því tilefni gaf félagið út afmælisblað sem
er samnefnt félaginu. I afmælisblaðinu
sem er fjölritað og teikniskreytt eru fjöl-
margar greinar og viðtöl sem veita innsýn
í starf félagsins í gegnum árin. Þá lýsa
nokkur ungmenni því fyrir lesendum
hvers vegna þau séu í Ungmennafélaginu
Geisla í dag. Fremst í ritinu eru tvö lög
uppsett með nótum og heita þau Geislinn
þinn og Geisla polki. í heild má segja að
vel hafi til tekist með útgáfu þessa rits,
þótt því verði ekki neitað að blaðið hefði
orðið álitlegra prentað, en miðað við að
það er fjölritað þá mega þeir Geislamenn
vel við una.
Frumleg forsíða, sem er prentuð, nýtur
sín ekki nógu vel vegna lita samvals. í rit-
nefnd voru Guðný Gestsdóttir, Gunn-
laugur Árnason, Hanna Guðnadóttir,
Hermann Hólmgeirsson og Indriði Ketils-
son. Teiknarar: Gígja Þórarinsdóttir,
Alma Ævarsdóttir, Laufey Ólafsdóttir,
Eyja Einarsdóttir og Hanna Dóra Her-
mannsdóttir.
Útgáfudagurer 31. mars 1979.
SKINFAXI
11