Skinfaxi - 01.04.1987, Blaðsíða 6

UMFÍ, sagði í samtali við Skinfaxa, að
ekki hefði verið tekin bindandi
ákvörðun á héraðsþingi UMSB sem
haldið var nýlega, um Lottóféð. "Hins
vegar var bent á þá leið", sagði Þórir,
"að leggja féð í húsnæðiskaup eða
byggingu undir sambandið. En þetta er
nú í athugun."
Aðspurður um möguleikann á
því að sveitarfélögin drægju að sér
hendur í styrkjum til ungmennafélag-
anna vegna Lottófjárins, sagðist Þórir
ekki telja það líklegt. "Að minnsta
kosti ekki til þeirra félaga sem sýna
fram á blómlegt starf."
Þórir sagði að þeir Borgfirðingar
hefðu verið svo til einhuga um að veita
Lottó fjármagninu fyrst um sinn í
húsnæðiskaup þar sem ljóst væri að
húsnæðisþörfin væri brýn. Lottóið
væri svo nýlega tilkomið að engin þörf
væri á að skipuleggja nákvæma
skiptingu til félaga á fyrstu mánuðum
þess. Heilladrýgra væri að taka sér
góðan tíma í að hugsa það mál.
Kristinn Jónsson, nýr formaður
UDN á Vesturlandi, mælti á svipaða
lund og Þórir. Hann sagði það hafa
verið ákveðið á þingi UDN fyrir
skömmu að vísa skiptingarmálum til
nýkjörinnar stjórnar.
"Ákveðið var að héraðs-
sambandið fengi þessa fjármuni úr
Lottóinu fyrsta kastið", sagði Kristinn,
"og yrði stefnt að því að bæta aðstöðu
þess en einnig aðra aðstöðu á svæðinu.
Frjálsíþróttaaðstaðan var nefnd í því
sambandi", sagði Kristinn. Þessi
ákvörðun var tekin, m.a. í Ijósi þess að
þingfulltrúar töldu sig ekki hafa
fullnægjandi upplýsingar um það
hversu mikið fjármagn yrði um að
ræða."
Kristinn sagði að þar sem
Lottóið væri svo ný tilkomið og svo
mikið í mótun, væru ekki aðstæður til
að njörva niður ákveðnar tölur.
Héraðssambandið
Félögin
Á suðurlandinu, hjá HSK, var
annað hljóð í strokknum á héraðsþingi.
Menn veltu tölum mikið fyrir sér og
reiknuðu út frá þeirri spá að 26
milljónir kæmu í hlut UMFÍ úr
Lottóinu á þessu ári. Út frá tillögum
stjómar UMFÍ um skiptingu þessa fjár
til sambanda var skipuð Lottónefnd sem
sat við í 10 klukkustundir á þinginu og
reiknaði skiptingu til félaga.
Niðurstöðu Lottónefndar HSK var tekið
vel og samþykkt samhljóða. Sérstaka
athygli vakti tillaga um 10 %
úthlutunina til félaga eftir mætingu á
héraðsþing. Kristinn Bárðarson, skóla-
stjóri í héraðsskólanum í Gaulverjabæ,
átti sæti í þessari nefnd, fyrir hönd
Ungmennafélags Selfoss. Skinfaxi
hafði samband við hann um
Lottómálin. "Ungmennafélag Selfoss
er stærsta félagið í Héraðssambandinu
Skarphéðni, velta þess var tvöföld á við
veltu Skarphéðins. Það liggur því í
augum uppi að Selfoss hafi mikilla
hagsmuna að gæta. Fyrir þingið var
komin fram hugmynd um að 40
%fjárins færi til HSK, m.a. vegna
komandi Landsmóts á Húsavík í sumar.
Þessu var hins vegar kröftuglega
mótmælt á þinginu. Og það ekkert
síður af fulltrúum litlu félaganna en
UMFS manna."
Kennsluskýrslurnar
Eitt atriði hefur konrið mjög til
umræðu á þessum héraðsþingum er
iðkendafjöldi og félagafjöldi. Þetta var
m.a. rætt á þingi HSK, auðvitað fyrst
og fremst í sambandi við Lottóið.
"Það hefur lengi verið vitað að
kennsluskýrslur eru alls ekki áreiðan-
legar í mörgum tilfellum", sagði
Kristinn. "En við verðum hins vegar
að fara eftir þeim. Þær eru þrátt fyrir
allt eitt það áreiðanlegasta sem við
höfum til að áætla umfang og starf
félaga. Við verðum bara að treysta
fólki. Ég segi það fyrir mitt félag á
Selfossi; við göngum hreinir og beinir
til samstarfs og ætlumst til hins sama
af öðrum. Og það mega forráðamenn
félaga vita að í náinni framtíð verður
mjög vel fylgst með þessum hlutum og
gengið hart fram ef grunsemdir vakna
um að þessir hlutir séu vafasamir.
Kennsluskýrslur og félagatal
voru einmitt mjög til umræðu á
héraðsþingi UMSK. Auk umræðna um
að taka bæri kennsluskýrslum með
varúð, var þeirri hugmynd varpað fram
að nauðsynlegt væri í raun að
skilgreina hvað iðkandi væri og hver
væri félagi í íþróttafélagi. Á
karatefélag til að mynda að telja alla þá
félaga sem mæta á æfingar og nefna þá
í kennsluskýrslu? Slíkt er ekki gert en
væri vel mögulegt.
Þéttbýlið fær mest
Eitt sem vakið hefur nokkra
reiði er skipting eftir sölu á
sambandssvæði. Hjá ÍSÍ gildir það
atriði 60%, hjá UMFÍ 15%. Þessi
skipting kemur mjög illa út fyrir
dreifbýlisfélögin. Nefna má dæmið af
Eyjafjarðarsvæðinu, svæði UMSE.
Eins og stendur er enginn kassi á þessu
svæði utan Akureyrar. Fólk sem býr
inn í firði fær kannski seðla hjá sínu
ungmennafélagi en fer síðan inn á
Akureyri til að greiða fyrir þá og
Akureyrarfélögin (Þór og KA) fá allan
gróðann. Þannig gerist þetta víða um
land og má nefna svæði UMSB og
UMSK sem dæmi. Einar Sigurðsson,
framkvæmdastjóri UMSK, nefndi eitt
atriði í samtali við Skinfaxa sem
Getraunirnar hafa fram yfir Lottóið.
"Af Getraunum fá félögin
tekjur strax. Tekjurnar af þeim streyma
inn til félaganna frá viku til viku.
Auðvitað er þetta ekki fjármagn í
neinni líkingu við það sem Lottóið
færir félögum. Það er hins vegar
mikilvægt vegna þess að fjárstreymið
er nokkuð stöðugt. Ekki í stórum
slumpum með löngu millibili, eins og
Lottóið virðist ætla að gera. Reyndar
er Lottóið á svo miklu byrjunar- og
þróunarstigi að það er erfitt að fullyrða
mikið um það. En það breytir ekki
þeirri staðreynd að Lottóið hefur á
vissan hátt virkað neikvætt á fjárhag
félaga og sambanda undanfarið á þann
hátt að það hefur dregið úr fjárstreymi
því sem borist hefur frá Getraunum.
Eins og kunnugt er hefur sala á
Getraunaseðlum lækkað um tugi
prósenta og má sjálfsagt skrifa þá
lækkun á tilkomu Lottósins. Félögin
þurfa hins vegar nú að bíða jafnvel
mánuðum saman eftir að fá fjármagn úr
Lottóinu. Þau þurfa á fjármagni því að
halda sem kom í formi Getraunaágóða,
hvort sem mönnum líkar betur eða
verr", sagði Einar.
Þessi orð Einars lýsa
sjálfsagt betur en mörg önnur því
ástandi óvissu sem virðist ríkja með
Lottóið og aðstöðu ungmennafélaga
hvað það varðar. En hvert sem
framhaldið verður, hlýtur það að verða
fyrsta boðorðið, að hafa "aðgát í
nærveru fjár", svo gamalt orðtæki sé nú
afbakað. Þar sem það virðist ætla að
taka nokkurn tíma að fá reynslu á áhrif
Lottósins, hlýtur fyrrnefnt orðtæki að
eiga vel við.
IH
6