Skinfaxi - 01.04.1987, Side 13

l.Taktík
Andstæðingurinn sýnir
viðbrögð við því sem hann sér... eða
því sem hann heldur að hann sjái.
Markmiðið er að skora á
andstæðingnum. Andstæðingnum má
ekki leyfast að skora.
2.Staða
Staðan er grunnurinn sem
tæknin byggir á. Hún verður að vera
hreyfanleg, aldrei kyrr eitt andartak.
Þungi líkamans ætti að skiptast jafnt á
fæturna, með gott bil á milli þeirra.
Það gefur færi á skjótum hreyfingum í
allar áttir. Hendur verða að vera á
sífelldri hreyfingu.
3. Lína
Með línu á ég við tengsl stöðu
tveggja andstæðinga. Með því að nýta
sér rétta línu er hægt að auka
möguleika sína til að skora (sjá mynd).
4. Myndun opnunar
Þá er notuð árásartækni sem
andstæðingurinn verður að verjast og þá
opnast oft leið fyrir hina raunverulegu
árás.
5. Tímasetning
Tímasetning varna og árása
getur verið margvísleg. í byrjun árásar
andstæðingsins er hægt að gera
gagnárás eða í þann mund er
andstæðingur lýkur árás sinni.
Sjálfsvöm og kumite
Margir setja jafnaðarmerki milli
kumite og sjálfsvarnar. Það er
óraunhæft því töluvert ber á milli.
Mismunurinn kemur fram í
bardagasvæði, óvini, þjálfun, vitund,
klæðnaði og umhverfi. Það er ekki þar
með sagt að kumite hafi ekkert að segja
fyrir sjálfsvörn, þvert á móti. En
kumite þjálfun fer fram á sléttu gólfi og
æft er í víðum og sterkum fötum.
Kumite þjálfun getur veitt falska
öryggiskennd hvað varðar sjálfsvörn.
Besta og fullkomnasta ráðið fyrir fólk
sem vill læra sjálfsvörn er að forðast
vandræði og hafa í huga að sjaldan
veldur einn þá er tveir deila.
Lokaorð
Karate er fyrst og fremst
bardagalist. Við iðkun og þjálfun í
dojoum kemur hin raunvemlega
lífsspeki karate fram: Leit að jafnvægi,
fullnægju og sjálfstjórn.
Hér lýkur fjórðu grein minni
um karate. Það er öllum ljóst að
íþróttinni hafa ekki verið gerð tæmandi
skil með þessum greinastúfum.
Ritstjóri Skinfaxa hefur boðið mér að
skrifa greinar um karate öðru hverju.
Af nógu er að taka og verður næst
fjallað um keppni og reglur þar að
iútandi.
Stefán Alfreðsson
Röng lína. Árásaiaðili stígur fyrir innan fót varnaraðila þannig að þeir eru "jafn
langt" hvor frá öðrum. Það er því auðvelt að gera gagnárás og "sópa" árásaraðila.
Pennavinir
Frá Árskógi (Aurskog) í Noregi hefur borist bréf frá tveimur
norskum stúlkum í 4 H samtökunum norsku sem eru að leita sér að
pennavinum (4 H samtökin eru nokkuð hliðstæð íslensku
ungmennafélögunum). Stúlkurnar heita Anne Kristin og Hilde
Kristin. Sú fyrrnefnda er 16 ára, sú síðarnefnda 17 1/2 árs.
Þær stöllur segjast á þessu ári hafa valið sér yfirlýsinguna
"Skandinavia 4 H - Kontakt" og leita eftir pennavinum í Reykjavík.
Ólíklegt er hins vegar að þær neiti að skrifast á við fólk annars staðar
að á landinu. Þær segjast vilja skrifast á við stelpur og stráka á
aldrinum 17 til 22 ára sem eru innan vébanda Ungmennafélags
íslands.
Stúlkurnar segja í bréfi sínu til Skinfaxa að Árskógur sé um
það bil 5 norskar mflur austur höfuðborginni, Osló. Og þá er bara að
skrifa.
Heimilisfangið er:
Hilde Kristin Borstad
Finstadsbru
N - 1930 Aurskog
Norge
Ritstjóraskipti
Ritstjóraskipti urðu hjá Skinfaxa 1.
mars síðastliðinn er Guðmundur Gíslason lét
af störfum og við tók Ingólfur Hjörleifsson.
Ingólfur er 29 ára og hefur starfað sem
blaðamaður undanfarin ár. Fyrir hönd UMFÍ
býð ég hann velkominn til starfa og vona að
störf hans verði giftudrjúg fyrir blaðið.
Áhugi hans hefur ekki leynt sér þann mánuð
sem hann hefur starfað.
Guðmundi vil ég þakka hans störf og
ekki síður ánægjuleg kynni. Við höfum
margar ferðir farið saman á vegum UMFÍ og
það hefur ætíð verið gott að vera í návist
Guðmundar. Guðmundur lagði ávallt metnað
í að útlit og efni Skinfaxa væri sem best.
Hann hóf störf 1. janúar, 1984, fyrst í hálfu
starfi og síðar í fullu.
Um leið og ég þakka Guðmundi fyrir
samstarfið óska ég honum allra heilla í nýju
starfi.
V
13
Pálmi Gíslason^JJ