Skinfaxi - 01.04.1987, Síða 38

beitti klofbragðinu.
Þá var aðeins bóndinn eftir í liði
Rangæinga. Már Sigurðsson er
yngstur Haukadalsbræðra sona Sigurðar
Greipssonar. Hann varð skjaldarhafi
Skarphéðins árið 1982 en hefur lítið
gh'mt síðan enda kominn yfir
fertugsaldurinn eins og Kjartan Helga-
son. Á móti honum var sendur
Jóhannes Sveinbjömsson, 16 ára, stór
og sterkur og núverandi glímukappi
Suðurlands. Mikil spenna lá í loftinu
þegar þeir tóku saman og hinir 250
áhorfendur héldi niðri í sér andanum.
Viðureignin stóð stutt. Fljótlega náði
Jóhannes færi á klofbragðinu góða og
þá var ekki að sökum að spyrja. Már
mátti lúta í lægra haldi.
Þessari fyrstu Bændaglímu Suður-
lands lauk því með sigri Ámesinga eftir
jafna og spennandi glímu sem
áhorfendur kunnu sannarlega vel að
meta. Sigurður Þorsteinsson fram-
kvæmdastjóri UMFÍ afhenti sigursveit-
inni veglegan bikar, Sigurðarbikarinn
til varðveislu og annan minni til
eignar. Allir keppandur fengu glæsilcg
verðlaunaskjöl sem Hermann
Guðmundsson fyrrverandi framkvæmda-
stjóri ÍSÍ hannaði og ÍSÍ gaf. Stjórn
Glímusambandsins sá um dómgæslu á
glímunni og heiðursgestur var Kjartan
Bergmann Guðjónsson, fyrsti formaður
þess. Vom menn á einu máli um að
bændaglíman hefði verið skemmtileg
og spennandi og stæði undir því að
halda á lofti minningu Sigurðar
Greipssonar, mesta glímufrömuðar
Skarphéðins fyrr og síðar.
"Þarf að rífa glímuna úr gamalli
ímynd"
Rætt við Jóhannes Sveinbjörnsson, upprennandi glímukappa
Hann hafði æft í tvo mánuði
þegar hann fór í sitt fyrsta mót, fyrir
tæpum tveimur árum síðan, Lands-
flokkaglímuna. Hann kunni eitt bragð
"sæmilega", eins og hann orðar það,
sniðglímuna en varð íslandsmeistari í
sínum aldursflokki. Hann er 16 ára og
einn efnilegasti glímumaður landsins,
Jóhannes Sveinbjörnsson,nemandi við
Menntaskólann á Laugarvatni um
þessar mundir. í Bændaglímu Suður-
lands sem nýlega var endurvakin í
minningu Sigurðar Greipssonar, glímu-
kappa, formanns og heiðursformanns
Skarphéðins og skólastjóra íþróttaskól-
ans í Haukadal, var Jóhannes maður
mótsins (eins og lesa má um
hér í blaðinu). Hann var tekinn tali
eftir Bændaglímuna.
-Jóhannes er fyrst spurður hvort
hann hafi iðkað einhverjar aðrar
íþróttagreinar en glímuna.
"Fyrst og fremst er það nú
glíman", svarar liann, "ég hef aðeins
iðkað sund en aðrar greinar heldur
lítið."
Æfingar
-Hvernig kom það til að þú
fórst að æfa glímu?
"Það var nú mest fyrir tilstilli
Kjartans Helgasonar glímumanns.
Nokkrir skólafélagar mínir á Laugavatni
voru á æfingum hjá honum og þeir
hvöttu mig til að mæta. Ég fór með
þeim og síðan hef ég verið í þessu.
Kjartan hefur rifið upp glímuna á
svæðinu með þessum æfingum. Fyrir
nokkrum árum fóru nokkrir strákar sem
hann hafði þjálfað að taka þátt í
Skarphéðinsglímunni. Síðan hefur
þetta verið að aukast smátt og smátt."
-Hvað æfið þið oft í viku nú?
"Við æfunt einu sinni í viku að
jafnaði, í félagsheimilinu að Borg í
Grímsnesi. Við erum 8 til 10 sem
æfunt að staðaldri. flestir okkar eru í
skóla á Laugarvatni."
-Eru fleiri hér á Suðurlandi sem
æfa eitthvað í líkingu við ykkur?
Holtamenn hafa æft, þó ekki
mjög mikið. Annars hefur glíman
undan-farin ár aðallega verið stunduð
hjá þremur félögum, hjá KR, fyrir
norðan hjá HSÞ og svo hér hjá IISK.
En þetta er hins vegar að aukast núna.
Glíman er í sókn."
-En hvað sýnist þér að sé helsta
ráðið til að auka þátt glímunnar í
almennri íþróttaiðkun meðal fólks í
þínum aldurshópi?
Meiri flokkaskiptingu
"Það er nú t.d. að koma á meiri
flokkaskiptingu á glímumótum en
verið hefur, þannig að þeir yngri hafi
meiri möguleika í keppni. Það liefur
verið allt of algengt að menn í mínum
aldursflokki og yngri séu að keppa við
mun eldri menn eða þyngri og það
getur verið fullerfitt, missa áhugann og
fara í aðrar íþróttagreinar, það eru svo
margar íþróttagreinar sem hægt
er að stunda.
Svo þarf að fá fólk til að mæta
á mót, vekja athygli þess. Það þarf að
reyna að hafa mótin skemmtileg og
spennandi. Einnig held ég að mætti
gera meira af því að sýna glímu, t.d. í
skólunum. Sýna fólki hvað þetta er í
raun skemmtileg’ íþrótt. Það þarf að
rífa glímuna út úr þeirri ímynd sem hún
hefur fengið á sig. Jákvæð umjöllun í
fjölmiðlum hefur líka mikið að segja."
38